Yohanes 12:1 - Allah Wene Hurumbik Keron

¹ Eke fobik it epmanowen ininggik enggalimen angge fam esoho inuk Paskah etno esebuog ulug suruk iseheg, At Yesus etno o Betania Lazarus Aren iluksoho minduhupfebahon ibam etno lebag.

Yohanes 12:1 ပူးပေါင်းရင်းမြစ်များ

Matius 21:17

Yig isaruk apareg, At Yesusen sohorep isalug, o Betania etno waharuk apareg, epmano nohobag.

Markus 11:11

Inune suon il laruk apareg, o Yerusalem etno kebag. Kuruk apagma, At Yesus etno o Allah ibam epmanowen yi angge di angge obog-at wenahil nuruk apareg, fobik o hup aha-o, ulug At omini dua belas epmano inim o Betania wapag.

Lukas 24:50

Yig isaruk apareg, fobik o Yerusalemen og inaplug o Betania etno imbisa laruk apareg, inggik leko inungguluagma umburuk wilil, ahien inobam embebag.

Lukas 7:37

Horie uruk apareg weregma, eke o epmano hwe dag surukon misig wilil, At Yesus etno ap Farisi ap inim orom naruk-o, ulug esanggo holtuk apareg, e anggen ambusu amben fanowon misig sohorluk fam honanggoko werehon etno onggo balfag.

Yohanes 11:1

Eke fobik ap misig inuk Lazarus, ibam o Betania werehon etno uk wareg welapag. Eke o Betania at hweap Maria, ot Marta etno inim inibam welapag.

Yohanes 11:43

Yig ituk apareg, eke fobik une suon uruk wilil, “Lazarus wai, hat hebe minatlug wilik ma-o,” ulug uruk apagma,

Yohanes 11:44

at ap warapahon etno iluk atlug wilik wapag. Wilik waharuk wilil, at ebe inggik iog sum fam yinggiloko embebahon etno inim, eke olohore sum saloko embebahon etno inim hetseg mondog-at wilik wapag. Wilik waharuk apagma, At Yesusen yig isaruk wilil, “Ap ebe sum fam yinggilohon epma loloko imbisalug ibam lahapfiek-o,” ulug yig isebag.

Yohanes 11:55

Epma weregma, it Yahudi aben esoho inuk Paskah etno esebuog ulug suruk wilil, it yi aphe di aphe o aliluke werehon epmano obog-at o Yerusalem wapag. Waharuk apareg, bilin At Allahen hinobam ho suruk amuk ulug yig isebahon etno ilitoho ho sebag.

Yohanes 12:12

Eke fobik noholug ilikia, it yi aphe di aphe obog esoho inuk Paskah etno esebuhuken ulug wapahon epmanowen, At Yesus etno o Yerusalem warikon-o ulug inesanggo holtuk apareg,

Yohanes 12:20

Eke it yi aphe di aphe obog o Yerusalem esoho esebuog ulug waharukmu, inanggelegma it Yunani aphe nin inim wapag.

Yohanes 12:9

Eke fobik it Yahudi aphe obog epmanowen At Yesus etno o Betania waha-o, ulug inesanggo holtuk apareg, it obog o epma wonggalik wapag. Ariroho wonggalik wapag ari, At Yesus ebe inim, eke at Lazarus Yesusen iluksoho minduhupfebahon etno inim ninilanggen isulen ulug wonggalik wapag.