Yohanes 11:55 - Allah Wene Hurumbik Keron

⁵⁵ Epma weregma, it Yahudi aben esoho inuk Paskah etno esebuog ulug suruk wilil, it yi aphe di aphe o aliluke werehon epmano obog-at o Yerusalem wapag. Waharuk apareg, bilin At Allahen hinobam ho suruk amuk ulug yig isebahon etno ilitoho ho sebag.

Yohanes 11:55 ပူးပေါင်းရင်းမြစ်များ

Matius 26:1

Eke fobik At Yesusen yi wene di wene etno obog-at yig isaruk apareg, it At omini etno yig isaruk wilil,

Matius 26:2

“Nininggik biren welamuhukseg, esoho inuk Paskah esebuhuk etno hiniluk-o. O ari fam An Allahen minduhup naharision etno e fam lenggaloko nombahalug warep nahukag ulug og isahup-o,” ulug yig isebag.

Markus 14:1

Eke fobik it Yahudi aben o hari Paskah fam roti su atuk elehon etno o hao hag nahuk ulug inahla bebag. Inahla buruk apareg weregma, it ap Allah unde suon epmano inim, it wene baleg unde epmano inimen At Yesus etno keroho herako senebuhukseg wabuhuk-o ulug inahla bebag.

Lukas 22:1

Eke fobik it Yahudi aben horog sono hao esoho roti su atuk elehon inuk Paskah etno nahuk ulug inahla bebag.

Yohanes 12:1

Eke fobik it epmanowen ininggik enggalimen angge fam esoho inuk Paskah etno esebuog ulug suruk iseheg, At Yesus etno o Betania Lazarus Aren iluksoho minduhupfebahon ibam etno lebag.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 18:28

Eke fobik ilikia hubet At Yesus etno walug, Kayafas ibam epmanowen at Pilatus wene baltuk ambeg epmano imbik lebag. Imbik laruk apareg, it Yahudi ap esoho Paskah fobik esoko nuog ulug inahla buruk wilil, nit esoho nul fam ari, ninobam sabele am nowen ap Allah wene apelehon etno ibam kuk usa-o, ulug inahla buruk apareg, at etno ibam kebag fug.

Yohanes 2:13

Eke fobik it Yahudi ap epmano esoho inuk Paskah etno esebukon fanggog uruk apagma, At Yesus etno o Yerusalem lebag.

Yohanes 2:6

Yig isaruk apareg weregma, eke it Yahudi aben yi angge di angge epmano ik fam hosuog ulug suruk apag etno fam, ik oag kwean kabohon suon inebe enggalimen angge epmano embebag.

Yohanes 5:1

Eke fobik it Yahudi ap epmano esoho suon misig esebuog ulug surukmu, At Yesus etno o Yerusalem lebag.

Yohanes 6:4

Ariroho horie ebag ari, it Yahudi aben esoho inuk Paskah esebukon etno horog fanggog uruk apagma, horie ebag.

Kisah Para Rasul 21:24

Hat it hinim dambultihipseg, haren onggo umburukmu, hat it hinim hiniruk balsalihip-o. Balsaruk atlihipmu, it yi aphe di aphe obohen uruk wilil At Paulus Musaen wene duroho suruk amuk eke duroho suruk am fug ulug ebahon etno-at suruk heheg, nit ninenggal-at ninune dahon etno obam denggeltukuk-o, ulug uruk amuhup.

Kisah Para Rasul 21:26

Yig ituk atusama, at Paulus ap inebe empat etano og inaplug larisireg, inim dambuksoho iniruk balsarusa. Balsaruk atusareg fobik at Paulus etno o Allah ibam kirisi. Kuruk atisireg, yig isaruk wilil, “O ari sul it imam aben hit hininuksoho Allah ake umburuk amuhupmu, hit hinindi dahon horoho imbisalug fano hinabuhup-o,” ulug yig isarisi.

Kisah Para Rasul 24:18

Laruk atikikseg, nindi fano amag ulug sukon etno arat suruk atikikseg, o Allah ibamen Allah ake imbiog ulug surukmu, it obog inilanggen nearusa. Ariroho nearusa ari, aphe anggolo ninim wilil narlog harlog surukmu nearusa fug.

1 Korintus 11:28

Eke ari halug, bilin it apheyen inindimu surukon epmano bukalepatawag-o. Eke ariroho bukalepatalug, orom roti, ambusu honanggo epmano inim nao ari fano-o.

Yakobus 4:8

Eke hit hinebe At Allah hinim welamuog ulug ambeg horogsoho laruk amiek-o. Hit dag suruk ahebon halug, hininggik sabele ho simiek-o. Eke hit hinune hinenggal-at uruk ahebon halug, sohorep isaruk amiek-o.