Yohanes 11:44 - Allah Wene Hurumbik Keron

⁴⁴ at ap warapahon etno iluk atlug wilik wapag. Wilik waharuk wilil, at ebe inggik iog sum fam yinggiloko embebahon etno inim, eke olohore sum saloko embebahon etno inim hetseg mondog-at wilik wapag. Wilik waharuk apagma, At Yesusen yig isaruk wilil, “Ap ebe sum fam yinggilohon epma loloko imbisalug ibam lahapfiek-o,” ulug yig isebag.

Yohanes 11:44 ပူးပေါင်းရင်းမြစ်များ

Markus 5:43

Eke at hole etno minatlug laruk apagma, it obohen wi ulug fog sebag. Fog suruk apagma, At Yesusen it epmano inesanggo watuk wilil, “Anden hole fano sihion du hiren aphe yig isa fug-o,” ulug yig isaruk apareg, eke “Fobik orom og imiek-o,” ulug yig isebag.

Lukas 19:20

Yig ituk apagma, eke at anggimbu misig waharuk apareg, yig ituk wilil, ‘Nowe, hat uang anggen og nitikinon etno sum fam herako imbirikikseg etno-at og hituk ahi-o.

Lukas 7:15

Yig ituk apagma, at udag warapahon etno minatlug horie uruk apareg, une ebag. Une uruk apagma, At Yesusen udag etno isina og epag.

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Yohanes 11:39

Laruk apareg, yig isaruk wilil, “Helep sok larehon du husoko wilipfiek-o,” ulug yig isebag. Yig isaruk apagma, at ap warapahon etno ot hwe Maria etnowen yig ituk wilil, “At ebe o malog-at umburukukseg fam etno, arat amben dag atisi-o Ninowe,” ulug yig epag.

Yohanes 11:43

Yig ituk apareg, eke fobik une suon uruk wilil, “Lazarus wai, hat hebe minatlug wilik ma-o,” ulug uruk apagma,

Yohanes 19:40

Walug laruk apareg, it ap biren etanowen At Yesus ebe etno walug, e anggen amben fanowon inim sum etno fam yinggiloko embebag. Ariroho embebag ari, it Yahudi aben aphe waratuk halug inebe imbisuog ulug suruk etno ilitoho-at sebag.

Yohanes 20:5

Laruk apareg, olohore kunuk ulug kolap hebag. Kolap haruk apag sum etno akeleg-at weregma ilanggen haruk apareg, ebe kebag fug.

Yohanes 20:7

Kuruk apareg, sum anggeon etno akeleg-at yinggiloko, eke sum misig At Yesus ungguluag fil hetsepfebahon etno akeleg-at yinggiloko weregma ilanggen hebag.

Yohanes 5:21

Eke At Iknien it aphe warehon epmano iniluksoho minduhup isaruk etno hag, At Amloho etnowen it du inilukep isahuk ulug onggareg ahla buruk atlug-at inilukep isaruk-o.

Yohanes 5:25

Ari halug, An wene demat uruk amon etno misig yig hisamin-o. Kidia inim, fobik inim, it warehon epmanowen An Allah Amloho nune inesanggo holtuk isalug, iniluk mondog welamuhup-o.

Filipi 3:21

Eke Aren nit ninebe waratuk aheon olohore nintoho seko umbulug, At ebe fanowon itog mondog werehon etno-at ilitoho seko ninombisahaku-o. Eke Aren yi angge di angge obog at apmarepatarukon halug, at oag wereg etno fam ninebe ketoho ninombisahaku-o.

Wahyu 1:18

An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.