Yohanes 11:41 - Allah Wene Hurumbik Keron

⁴¹ Yig ituk apagma, it epmanowen helep sok larehon etno husoko wilipfebag. Wilipfuruk apagma, At Yesus etno ilanggen kolap haruk apareg, uruk wilil, “Nikni wa, An nune yig hituk nealug, Hat hesanggo holtuk ahen-o.

Yohanes 11:41 ပူးပေါင်းရင်းမြစ်များ

Matius 11:25

Eke fobik o ari sambit At Yesusen uruk wilil, “Nikni-o, Hat hebe boholma kweanma Inikni suon at welahen-o. Ariroho wilil, Haren it ap An niluk ulug inahla burukon epma­no yig isao sohorep isalug, it inapelehon epmano yanggul isa­ri­kin ari famen wa ulug yig hituk ahi-o, Nikni.

Matius 11:26

Haren hahien isaruk wilil, fuloko imbisaruk atikinteg yig isa­rikin-o.

Matius 27:60

Kolapfuruk apareg, helep suon misig hihiloko o wikele etno sok larepfulug lebag.

Markus 15:46

Yig ituk apagma, at Yusuf etnowen sum anggeon huluon misig onggo baloko umbulug ebe e fam werehon etno hibiloko belabik waharuk apareg, sum anggeon huluon etno fam yinggiloko o wikelma epmano kolapfebag.

Lukas 10:21

Eke fobik At Yesus etno Roh Kudus etno indimu kuruk apagma, ahien anggolo haruk apareg, uruk wilil, “Nikni-o, Hat hebe boholma kweanma Inowe suon welahen-o. Ariroho wilil, Haren it ap An niluk ulug inahla burukon epmano yig isao sohorep isalug, it inapelehon epmano yanggul isarikin ari famen wa ulug yig hituk ahi-o, Nikni. Haren hahien isaruk wilil, fuloko imbisarikinteg yig isarikin-o.

Lukas 18:13

Sembahyang uruk apagma, eke at ap uang onggo kino urukon etno hag ebe yatma neken wilil, olohore boholma lahap am akolen olohore kweanma wanduksoho wilil, inggiken indi kik haruk apareg, yig ituk wilil, ‘Nikni-o, an dag-at suruk ahionen yig hituk ahi du, hahmu niyimin-o, Allah wai,’ ulug yig epag-o.

Lukas 24:2

Laruk apag, helep o wikelma sok larehon etno hihiloko lebareg weregma inilanggen hebag.

Yohanes 11:22

eke kidia Haren At Allah obam kino yig ituk apmihinmu, Aren demat og hirikon ari niluk-o,” ulug yig epag.

Yohanes 17:1

Eke fobik At Yesusen yi wene di wene obog-at yig isalug, At etno ilanggen boholma lahap haruk apareg uruk wilil, “Nikni-o, misig sukon etno arat fanggog ehek-o. An Hamlohoen Hat hinuk suontep hahakuken, Haren An Hamloho etno ninuk suontep nahin-o.

Yohanes 20:1

Eke fobik o hari Minggu sambit o witiog ulug ahla healtuk heheg, at hwe Maria Magdalena etno o wikelma etno laruk apareg, helep sok larehon etno husig weregma ilanggen hebag.

Kisah Para Rasul 7:55

Inambit haruk iseheg, eke at Stefanus etno Roh Kudus indimu kuruk apagma, ilanggen boholma lahaboho wilil, At Yesus etno Allah inggik bikit fil inim weregma isebag.

Filipi 4:6

Eke yi angge di angge epmano fam hinindi seneni ebebuk fug-o. Eke At Allah wa ulug yig ituk wilil, du angge og ninim-o ulug At Allah obam kino uruk wilil sembahyang uruk amiek-o.