Yohanes 11:4 - Allah Wene Hurumbik Keron

⁴ At Yesus etno esanggo holtuk apareg, uruk wilil, “At Lazarus uk waruk ari, warariog ulug suruk eleg-o. Uk ari, At Allah inuk su amag ulug obam umburuk-o. Eke ari fam At Allah Amloho etno inim-at inuk suontepfuhup-o,” ulug ebag.

Yohanes 11:4 ပူးပေါင်းရင်းမြစ်များ

Yohanes 10:38

Eke An At Niknien suruk etno hag ilitoho suruk nealug, hiren An nobam eberoko wao sohorep isalug, Anden yabuk suruk ahion epmano eberoko waruk amuk-o. Ariroho waruk amuk ulug yig hisihi ari, hiren At Amloho Ikni inim inebe misig-at wereg-o, eke At Ikni Amloho inim inebe misig-at wereg-o, ulug hinahla buruk wilil, hit hinindi demat ebebuhuben ulug waruk amuk yig hisihi-o,” ulug yig isebag.

Yohanes 11:40

Yig ituk apagma, At Yesusen yig ituk wilil, “Anden bilin hat hindimu demat ulug ebetuk healug, At Allahen sukfuganggeroho surukmu hamihin-o, ulug yig hirihi etno hat hapeleg ahenteg uruk ahen ano?” ulug yig epag.

Yohanes 12:28

Ariroho ambik waharikikseg fam, Hat hinuk-at suontepfukag ulug sin-o Nikni,” ulug ebag. Uruk apagma, boholmen une misig yig ituk wilil, “Bilin An ninuk suontepfukag ulug suruk atikik etno hag, suontepfukag ulug suruk aruhuk-o,” ulug ebag.

Yohanes 17:1

Eke fobik At Yesusen yi wene di wene obog-at yig isalug, At etno ilanggen boholma lahap haruk apareg uruk wilil, “Nikni-o, misig sukon etno arat fanggog ehek-o. An Hamlohoen Hat hinuk suontep hahakuken, Haren An Hamloho etno ninuk suontep nahin-o.

Yohanes 17:10

Eke Hat unde welahenon epmano An unde at-o. Eke An unde welahion epmano Hat unde at-o. Eke iren surukon epmano fam An ninuk suontep naharuk-o.

Yohanes 17:5

Eke o kweanma duma awan wal haruk eleg wilil, Hat ninim ilitoho-at suon welahoag etno hag, kidia Hat hilanggen wilil suontep nahin-o.

Yohanes 2:11

Yig ituk apagma, At Yesus etno o Kana Galilea epmen alem sukfuganggeroho suruk apag ari fam, ap du suon ulug selegma atuk apagma, At omini epmanowen At obam demat ulug ebetuk apag.

Yohanes 5:23

it apheyen At Ikni inuk suontepfuruk amuhup etno hag, Amloho inuk ariroho-at suontepfuruk amuhup-o. Eke ari halug, it apheyen At Amloho inuk suontepfuruk eleg ari, At Iknien lahapfik waharision etno inuk suontepfuruk eleg at-o,” ulug yig isebag.

Yohanes 8:54

Yig ituk apagma, At Yesusen yig isaruk wilil, “An nonggarehen-at ninuk suontepatelemen, hai neken-at suontepatele oke, An suontep naharuk ari, At Nikni hiren Allah demat-o ulug uruk ahebon etnowen-at suontep naharuk-o.

Yohanes 9:24

Yig isaruk apagma, it etnowen ininggik birenam at ap isina ahlen ilanggen buhon endag apahon etno ma ulug wol haruk apareg yig ituk wilil, “Hat At Allah il fam demat ihi ulug in-o. Ap hat fano habehekon ari obabut dag surukon nit niniluk-o,” ulug yig epag.

Yohanes 9:3

eke At Yesus etnowen yig isaruk wilil, “At ilanggen buhon endag apag ari, aren dag sebag fam inim, eke ikni isinen dag sebahon fam inim ilanggen buhon endag apag fug-o. At Allahen oag weregsoho surukon etno at ap du famen selegma amag ulug ilanggen buhon endag apag-o.

Roma 11:11

Eke ari halug, it inebe mondog bule ambuog ulug iniog ya lenggag da lenggag surusa ano? Ari eleg-o, ulug yig hisaruk ahi-o. Eke it epmano hag bule amburusareg fam, it aphe Allah wene inapeleg welatuson epmano inili warisimu, iren uruk wilil, “Nit hag ninili wawim sirisi-o,” ulug uruk amag ulug, ariroho sirisi-o.

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.

Filipi 1:20

Eke kidia inim, eke fobik nintul nantul inim an neyabuk og nitision etno fanoroho suhuken ulug nindi haruk ahi-o. Ariroho nindi haruk wilil, an nindi oag weregsoho At Kristus inuk suontepfuhuken ulug suruk ahi-o. Eke an nebe niluk wilil ano, waratlug ano At Kristus inuk-at suontepfiog ulug suruk ahi-o.

1 Petrus 1:21

Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.

1 Petrus 4:11

Ari Allah wene yig isawon etno og hisarisi etno fam, Allah wene yig isaruk amuhup-o. Eke yalmag isawon etno og hisarisi etno fam, yalmag isaruk amuhup-o. At Allahen nineyabuk ninakeleg sik og nisebag etno fam, ariroho-at suruk amuhuk-o. Ariroho suruk amuhukmu, At Yesus Kristus inuk fam Allah-at nintul nantul suontepfuruk amuhuk-o. At Yesus Kristus suon oag weregsoho itog mondog werehon etno-at inuk suontepfuhuk-o. Demat yig hisihi-o.

1 Petrus 4:14

Iren dahon hinobam umburuk ari, hit Kristus omini wereg hisalug ariroho suruk-o. Iren ariroho surukmu, eke hiren, At Roh Kudus suon etno nit ninobam belabik waharisi-o, ulug hinahientoho wilil hinindi ebetuk amiek-o.