Yohanes 11:33 - Allah Wene Hurumbik Keron

³³ Yig ituk apareg, at etno it Yahudi ap inim wapahon epmano inim ioba yatukmu At Yesusen ilanggen isaruk apareg, ahmu isaruk wilil, indi mondog dag apag.

Yohanes 11:33 ပူးပေါင်းရင်းမြစ်များ

Markus 3:5

Ariroho bok weregma, obam winimugsoho ilanggen bik iseheg, eke it aphe obog inindi dahon wereg isalug, inabua iseheg suruk apareg, ap inggik hunduhukon etno yig ituk wilil, “Hat kidia hinggik bung himin-o,” ulug yig ituk apagma, bung haruk apareg, inggik etno arat fano apag.

Markus 9:19

Yig ituk apagma, eke At Yesus etnowen yig isaruk wilil, “Nomini-o, hit An ninim welaheon oke, hinindi fikfag ebereheg eleg sil nuruk ahep du, An ninggik maren hit ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, eke at ap etno yig ituk wilil, “Hat udag ari walug nambeg ma-o,” ulug yig epag.

Yohanes 11:19

Ariroho weregma, it Marta Maria inowe warapag etno fam, obok yabuog ulug it Yahudi ap epmano obog-at wapag.

Yohanes 11:31

Etano weregma, it Yahudi ap nin at Maria inim umen ioba yapahon epmanowen At ebe minatlug wilip atukmu inilanggen haruk apareg, inahla buruk wilil, “Ebe aphe warehon imbisaruk ambeg epmano weregma, ioba yarik laha-o,” ulug inahla bebag.

Yohanes 11:34

Indi dag atuk apareg, yig isaruk wilil, “At ebe waratision etno kema imbirikip-o,” ulug yig isaruk apagma, it epmanowen yig ituk wilil, “Ninowe, Hat hilanggen hamihinen ma-o,” ulug yig epag.

Yohanes 11:35

Yig ituk apagma, At Yesus ioba yapag.

Yohanes 11:38

Eke fobik At Yesus indi dag atuk apareg, o wikelma sok helep fam lareg ambeg etno horogsoho lebag.

Yohanes 12:27

Eke fobik At Yesus etnowen uruk wilil, “Kidia nindi dag aha ari, keroho ik-o? Ari halug, Anden Nikni-o, An nowabukon etno Haren elehapsin-o, ulug ariroho yig irik ano? Ari eleg-o. An nebe etno nowabukag ulug-at o kweanma duma ambik waharikik-o.

Yohanes 13:21

Yig isaruk apareg, At Yesus etno indi mondog dag apag. Indi dag atuk apareg, bukaloko yig isaruk wilil, “Ap hiron misihen An nebe sen nabukag ulug yonggo likon-o, ulug yig hisihi ari demat yig hisihi-o,” ulug yig isebag.

Roma 12:15

Ari halug, it inahien harukon etno hit hinim-at hinahien haruk amuk-o. Eke it ioba yatukon halug, hit hinim-at ioba yatuk amuk-o. Eke hit hit hinomini hinim hinindi misig-at welamuk-o.

Ibrani 4:15

Eke At Ninowe Allah unde suon etnowen nit ninoag elegsoho suruk aheon epmano ahmu nisaruk wereg-o. Ariroho wereg ari, nit ninindi kahalik waharuk etno hag, At indi kahalik wapahon oke, At dag sebag fug-o.