Yohanes 11:26 - Allah Wene Hurumbik Keron

²⁶ Eke it yi aphe di aphe iniluk amuhupseg, An nobam ebetuk isalug, waramuhup fug-o, ulug wene yig hirihion ari haren demat ulug eberoko waruk ahen ano?” ulug yig epag.

Yohanes 11:26 ပူးပေါင်းရင်းမြစ်များ

Matius 26:53

Eke An kidia Niknien nili wawag ulug ayonggo embelemen, Aren it malaikat inebe dua belas ribu etnowen wendat nabukag ulug lahap isa watlep etno hat hapelehen suruk ahen ano?

Matius 9:28

Yig ituk apagma, At Yesus etno uma kuruk apareg, epmano weregma, it ap biren inilanggen buhon etano ambeg waharuk apagma, At etnowen hinog og inaptuk wilil, “Anden fano hinabuk ari noag wereg buruk ahep ano?” ulug yig isaruk apagma, eke it etnowen, “Hat hobam ebetuk ahe-o, Ninowe,” ulug yig epag.

Markus 9:23

Yig ituk apagma, At Yesus etnowen yig ituk wilil, “Fano suruk hiluk halug ehen ari, keroho ulug ehen-o? It yi aphe di aphe obohen At Allah obam ebetuk isalug, iren kino urukon etno ilitoho-at suruk-o,” ulug yig epag.

Yohanes 10:28

Eke Anden iniluk welamon og isaruk nealug, mondog waramuhup fug-o. Eke it inebe epmano An ninggikmu weregma, ap misihen diloko og inabuhu fug-o.

Yohanes 14:10

Filipus wai, At An Nikni etno ninim ninebe misig-at welahe etno hat eberoko waruk eleg wilil, uruk ahen ano? Eke An wene yig hituk atikik epmano, An nakelehen-at nahla bulug yig hituk atikik fug-o. An Nikni ninim ninebe misig-at wilil, nineyabuk misihon etno-at suruk ahe-o.

Yohanes 4:14

Eke it aphe obog ik Anden og isahukon etno nahup halug, fobik obok hahup fug-o. Ik Anden og isahukon ari, eleruk inindimuen funaloko wilip atuk halug, ik ilukon etno anggolo aruhu-o. Anggolo atuk halug, etno fam iniluk welamon etno holahup-o,” ulug yig epag.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Yohanes 6:47

Yig isaruk apareg, eke fobik yig isaruk wilil, “An wene demat uruk amon etno yig hisamin-o. It aphe An nobam ebetuk isalug, iniluk welamon etno-at holaruk-o.

Yohanes 9:35

Muko wilipfuruk apagma, At Yesus etnowen esanggo holtug, aren ap etno heaharuk apareg, yig ituk wilil, “Hat hindi Allah Amloho etno obam ebetuk ahen ano?” ulug yig ituk apagma,

Roma 8:13

Eke kweanmen surukon epmano mutlug laruk hisalug, mondog-at waramuhup-o. Eke At Roh Kudus etno fam kweanmen dag suruk ahebon epmano waroko neken imbisaruk hisalug, hinebe mondog-at hiniluk welamuhup-o.