Yohanes 11:25 - Allah Wene Hurumbik Keron

²⁵ Eke it yi aphe di aphe An nobam ebetuk isalug, inebe waramuhubon oke, iniluk amuhup-o.

Yohanes 11:25 ပူးပေါင်းရင်းမြစ်များ

Lukas 23:43

Yig ituk apagma, eke At Yesusen yig ituk wilil, “O yoho hat ninim At Allah weregma kulen ulug demat yig hituk ahi-o,” ulug yig epag.

Yohanes 1:4

Wene iniluk amon etno aphe inindimu seleg amag ulug og isebag. Og isebag ari, o seleg etno fam o hikmu yangguk amag ulug og isebag.

Yohanes 14:19

Eke An nebe etno dot welatlug, it aphe kweanmon epmanowen neahup fug oke, hit hag hinilanggen neahup-o. Eke An niluk welaruhuk etno hag, hit ariroho-at hiniluk welamuhup-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Yohanes 5:21

Eke At Iknien it aphe warehon epmano iniluksoho minduhup isaruk etno hag, At Amloho etnowen it du inilukep isahuk ulug onggareg ahla buruk atlug-at inilukep isaruk-o.

Yohanes 5:26

Eke At Ikni iniluk welamon unde wereg etno hag, At Amloho etno iniluk welamon ari-at unde welamag ulug nobam imbirisi-o.

Yohanes 6:35

Yig ituk apagma, At Yesusen yig isaruk wilil, “Orom roti ebe iniluk inaptukon ari An nebe at-o. Ari halug, it aphe obog An nambeg watlug nobam ebetukon epmano ik inim, orom roti inim obok hahup fug-o,” ulug yig isebag.

Yohanes 6:44

Ap misig At An Nikni lahap nabik waharision etnowen nambeg imbik waharuk eleg halug, Aren nambeg wam ari hai-o. Eke Aren imbik waharuk halug, o ari fam iluksoho minduhupfuhuk-o.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

Roma 4:17

Eke Alkitab etno fam yig nisaruk wilil, “It o ahik ya da yi aphe di aphe obog-at inikni neken welamag ulug minduhup haharikik-o,” ulug yig epag-o. Eke at Abraham Allah obam ebepahon etnowen og hisahuk ulug ebag ari demat og nisahu-o. Eke At Allahen it warehon inilukep iseheg, eke yi angge di angge inebe elehon epmano wereg amag ulug une yig iseheg suruk ulug ninahla buruk ahe-o.

Roma 8:2

Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

1 Korintus 15:18

Eke it Kristus inuk ebetuk wilil waratuson epmano ari o dagma-at wereg ulug ninahla bolo-o.

1 Korintus 15:29

Eke ari halug, it ap waratuson inubulukmu ikma belap inabukon ari keroho ulug suruk-o? Eke it waratuson epmano minduhup isahu fug ulug uruk atlepmen, keroho ulug inubulukmu ikma amburuk atlep-o?

2 Korintus 4:14

Eke At Allahen Ninowe Yesus iluksoho minduhupfebag etno fam nit inim hit inim At Yesus inim welamag ulug At il fam niniluksoho minduhup nisahaku-o.

Filipi 1:23

Eke alem biren etno an nindimuen yig nituk-o. An nebe niluk welamon etno sohorep isalug, At Kristus ninim welam ari fano,

Filipi 3:10

Eke At Kristus ebe niluk welamon etno inim, eke At ebe iluk atlug minapareg fam oag werehon og nisawon etno inim, eke At obam dahon umburusa etno hag an nobam umbukon etno inim,

1 Tesalonika 4:14

Eke niren, At Yesus waratuk apareg, fobik iluksoho minapag, ulug ninindi ebetuk ahe etno hag, it At Yesus obam ebetuk wilil, waratuson etno fobik At Allahen Yesus inim og inaplug waruhu-o, ulug ninindi ebetuk ahe-o.

Wahyu 1:18

An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.

Wahyu 20:5

It inebe ariroho weregma, eke seribu tahun etno awan suruk heheg, it aphe nin bilin waratuson epmano iniluk aheg eleg wilil, bilin iniluksoho minatukon epmano fam minatusa fug-o.

Wahyu 21:4

Eke yi angge di angge amukon epmano elehep isari­sireg fam, At Allahen inil ambusu ho inabuhu-o. Waratukon alem etno eleg welaruhu-o. Eke ioba yatukon etno inim, yahan watukon etno inim, uk warukon etno inim, yi angge di angge satoho surukon alem etno inim eleg welaruhu-o,” ulug ariroho yig nituk­mu holtikik-o.

Wahyu 22:1

Nin eke at malaikat etnowen At Allah inim, At Wam Domba Udag etno inim horie uruk ambehen ik ilukon etno funal­tukmu heag nitisi-o. Ik etno olohore mondog fanowon-at heag nitisi-o.

Wahyu 22:17

Uruk atisimu, At Roh Kudus etno inim, eke At Allah udaki epmano inimen, “Hat Yesus dulum manu-o,” ulug urusa-o. Iren urusa etno hag, hit hinesanggo holtuk ahebon halug hinim-at, “Dulum manu-o,” ulug uruk amuk-o. Eke hit ik ilukon etno obok haruk ahebon halug, manu-o. Hinindi ebetlug ik ilukon etno werlek-at holao fano at-o.