Yohanes 11:20 - Allah Wene Hurumbik Keron

²⁰ Waharuk apagma, it nin epmanowen At Yesus waha-o ulug urukmu, at Marta etno esanggo holtuk apareg, heahi wariog ulug wilip atuk heheg, at Maria etno uma welapag.

Yohanes 11:20 ပူးပေါင်းရင်းမြစ်များ

Matius 25:1

Eke fobik At Yesusen yig isaruk wilil, “Fobik o ari sambit o boholma Allah weregmen sukon etno it holani nomaloen angge epmanowen sebag etno hag suhu-o. It holani epmanowen inaheral lampu ilitoho epmano holalug, at misig hwe onggo wiog ulug wapahon inim salkal uog ulug lebag-o.

Matius 25:6

Nohoruk iseheg, fobik o hu­banggo ilimbul it aphe ninen inune suon uruk wilil, ‘At ap hwe onggo wiog ulug surukon etno ebe duma arat waha du, hinim heahi war war ilihiben maniek-o,’ ulug uruk apagma,

Yohanes 11:30

Wilip atuk apag, At Yesus etno o Betania awan kik wariog ulug, o at Marta inim heahi war war ebag ambeg etano welapag.

Kisah Para Rasul 10:25

Inaso weregma, at Petrus etno ibam kiog ulug surukmu, at Kornelius etnowen ut kunuksoho indibahal fam at Petrus ambeg horogsoho wilil heahi wapag.

Kisah Para Rasul 28:15

Wamuog ulug surukmu, it ninomini Roma werehon epmano inesanggo holtuk atusareg, heahi war ninabuog ulug ninolohotma larusa. Laruk atusama, o Forum Apius, o Tres Taberne epmano ninim salkal urukuk. Salkal uruk wilil, at Paulusen ilanggen isaruk atisireg, Nikni Allah wa ulug indi ahien harisi.

1 Tesalonika 4:17

Minduhup isaruk aruhureg, eke o ari sambit nit ninilukon etno inim eke it minduhup isahuon etno inim, obog-at balurep nisaharuk aruhureg, og ninaplug hena fam lahakureg, boholmen At Ninowe etno ninim heahi war war uruk amuhukseg, nintul nantul At Ninowe etno ninim welamuhuk-o.