Yohanes 11:11 - Allah Wene Hurumbik Keron

¹¹ Yig isaruk apareg, eke fobik At Yesusen yig isaruk wilil, “At ninomin Lazarus etno nohoruk ari ilukepfik lahuk-o,” ulug yig isebag.

Yohanes 11:11 ပူးပေါင်းရင်းမြစ်များ

Matius 27:52

Ariroho suruk wilil, eke it ap warehon imbisaruk ambeg sok larehon etno hut atuk apagma, it Allah udaki bilin warapahon nin iniluk atlug minapag.

Matius 9:24

“Hit hinebe wilip amiek-o. Hole du waraha fug-o. At ebe nohoruk-o,” ulug yig isaruk apagma, it aphe epmanowen ahunda yapag.

Markus 5:39

Kuruk apareg, yig isaruk wilil, “Hole du waraha fug-o. Ebe nohoruk heheg, keroho ulug hinaplohok anggolo suruk wilil, ioba yatuk ahep-o?”

Yohanes 11:10

Eke o hubanggo laruk isalug, o yangguk elegma, iniog salog malogsoho wataruk-o,” ulug yig isebag.

Yohanes 11:12

Yig isaruk apagma, eke it At omini epmanowen yig ituk wilil, “Ninowe-o, at ebe nohoruk ehen ari, fobik fano arikon-o,” ulug yig epag

Yohanes 11:13

Yig ituk apareg, it epmano inahla buruk wilil, “Aren waraha ulug yig nisehek fug, nohoruk ehek ari, fobik iluk arikon-o,” ulug inahla buruk apagma,

Yohanes 11:3

Uk wareg weregma, it hweap at osi etanowen ap misig Yesus ayonggo lawag ulug mondepfuruk apagma, laruk apareg yig ituk wilil, “Nowe-o, Hat homin hindi hunduhukon etno uk wareg wereg-o,” ulug yig ituk apagma,

Yohanes 3:29

Eke hwe misig ahun etnowen-at uhwe holaruk-o. Eke at hwe etno ahun omini epmano inim dambuksoho wilil, at ahun etno une inesanggo holtug inahien haruk-o. Ari ilitoho at une etno nesanggo holtug nahien haruk ahi-o.

Kisah Para Rasul 7:60

indibahal yungguksoho une suon uruk wilil, “Nowe-o, it ap an nowatukon du inapelegsoho hapma imbisin-o,” ulug yig ituk apareg, warapag.

1 Korintus 15:18

Eke it Kristus inuk ebetuk wilil waratuson epmano ari o dagma-at wereg ulug ninahla bolo-o.

1 Korintus 15:34

Eke dag suruk ahebon epmano sohorep isalug, hinindi wereg amuk-o. Eke hinindi etno fanoroho welamuk-o. Eke it ap hiron ninen Allah inuk inapeleg-o ulug hinahla buruk wilil hit hinenggali hawag ulug yig hisihi-o.

1 Korintus 15:51

Eke ari halug, wene herahowon misig yig hisamin-o, nomini. Nit aphe obogsoho waramuhuk fug oke, nit obog-at ninolohore ninon og nisahu-o.

Efesus 5:14

Eke yi wene di wene bukaloko yig nisarukon ari o seleg etno ilitoho wereg-o. Eke ari fam Alkitab etnowen yig nisaruk wilil, “Hat nohoruk ahen du hiluk amin-o. Hiluk atlug it warehon wereg ambeg eke warehon neken welamon etno sohorep isalug, hiluksoho minamin-o.

1 Tesalonika 5:10

Eke nit ninilukon inim, it waratuson inim At ninim niniluk welamag ulug nit ninake warapag-o.

Yakobus 2:23

Eke at Abraham etno Allah obam ebetuk apagma, At Allahen, “Hat fano suruk ahen-o,” ulug ahien obam umburuk apareg, yig ituk wilil, “Hat Abraham an nomin welahen-o,” ulug yig epag etno hag,