Yohanes 10:6 - Allah Wene Hurumbik Keron

⁶ Ari, At Yesusen wene ilitoho neken yig isebahon oke, iren ebe du farim yig nisehek ulug inahla beheg eleg-at welapag.

Yohanes 10:6 ပူးပေါင်းရင်းမြစ်များ

Matius 13:34

At Yesusen it aphe wonggalfahon epmano yi wene di wene yig isaruk wilil, wene ilitoho neken-at yig isaruk apag.

Matius 13:51

Yig isaruk apareg, eke fobik At Yesusen yig isaruk wilil, “An wene yig hisihion etno hit hinahla buruk ahep ano?” ulug yig isaruk apagma, it etnowen, “Yu-o, ari ninahla behe-o,” ulug yig epag.

Markus 4:34

Eke it aphe epmano hag wene ilitoho neken-at yig isaruk apahon etno oke, eke At omini epmano inim inakeleg-at wilil, yi wene di wene yig isebahon ebe ariroho farim yig hisihi ulug bukaloko yig isebag.

Yohanes 16:25

Eke fobik At Yesusen yig isaruk wilil, “Anden yi wene di wene epmano nin ilitoho neken-at yig hisaruk atikikon oke, fobik wene ilitoho yig hisawon epmano sohorep isalug, An Nikni awene etno ebe demat surukon yig hisaruk aruhuk-o.

Yohanes 16:29

Yig isaruk apagma, eke it At omini epmanowen yig ituk wilil, “Hat kidia wene ilitoho neken yig nisawon etno sohorep isalug, wene ebe demat yig nisaruk ahen heyehe-o.

Yohanes 6:52

Yig isaruk apagma, it Yahudi ap epmanowen irit winimug aptuk wilil, “Ap du ebe-at oke, nit nawag ulug keroho og nisahu-o?” ulug hinog webag.

Yohanes 6:60

Yanggul isaruk apagma, it At omini nin epmanowen inesanggo holtuk apareg, irit uruk wilil, “Wene yanggul isehekon ari, nit ninapeleg atuk heheg yanggul nisehek-o. Ari halug, at sen hag wene du esanggo holuk fano buruk ahep-o?” ulug uruk apag.

Yohanes 7:36

Ari halug, At ebe it ap Allah wene inapelehon wereg ambeg epmano lalug yanggul isaruk ariog ulug uruk ano? Eke Aren hit An lahukseg fam heag nabil lahup oke, heag nabuhup fug-o. Eke An lahuk ambeg epma hit lao hai at-o, ulug yig nisehek du, keroho ulug yig nisehek-o?” ulug uruk apag.

Yohanes 8:27

Ariroho yig isebahon oke, it etnowen Ninikni Allah etno farim-at yig nisehek ulug inahla buruk apag fug.

Yohanes 8:43

Eke hit Anden yig hisaruk ahion etno nulug hinindi ebetuk ahep fug ari, wene Anden uruk ahion etno hinamberaken-at suruk ahep-o.

1 Korintus 2:14

Eke at ap misig Roh Kudus indimu eleg wilil, alem amukon ebetukon halug, At Roh Kudusen yig nisarukon etno demat ulug eberoko wao ari hai-o. Eke nit At Roh Kudus etnowen yig nisarukmu waon oke, at ap etno urunanggeroho neken ahla buruk wilil, wene etno alem heahuk hai atuken weheg eleg wereg-o.

2 Petrus 2:22

It ariroho surukon ari, yanggeyen wamen suruk etno ilitoho suruk-o. Eke at yangge etno fobo witlug, fobik iog suhuluk na laruk-o. Eke it wam kume watuk elehon etno hubut-at wataruk wilil, urunanggeroho sil nuruk etno hiniluk-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.