Yohanes 10:4 - Allah Wene Hurumbik Keron

⁴ Wilik watlug, at bilin larukmu, it anggom domba epmano at une holtukon nowen mutlug laruk-o.

Yohanes 10:4 ပူးပေါင်းရင်းမြစ်များ

Matius 16:24

Yig ituk apareg, eke fobik omini epmano yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o.

Yohanes 10:16

Eke it An nanggom domba nin o werlekma lehet oko werehon epmano inim-at og inaplug waruhuk-o. Og inaplug waharuk aruhukmu, iren An nune inesanggo holtuk amuhupmu, inebe obog misigmu-at dambuksoho imbisalug, At inaso werehon etno misig-at welaruhu-o.

Yohanes 10:27

Eke it An nandomba epmano hag An nune inesanggo holtuk-o. Eke Anden inebe niluk welahi fam, iren An mug naplug laruk-o.

Yohanes 10:3

Eke at ap misig sok elma aso werehon etnowen sok hut haruk-o. Eke at ap etno kulug anggom domba epmano ininuk inakeleg sik-at wol isaruk halug, it anggom domba epmanowen at une holtuk-o. Une holtuk isalug, at etnowen og inaplug wilik waharuk-o.

Yohanes 10:5

Eke iren ap werlekon mug inaplug laruk eleg-o. It ap werlekon inune inapelehon halug, it wam domba epmanowen sohorep isalug, hite laruk-o,” ulug yig isebag.

Yohanes 10:8

Eke it obog An waharuk eleg neyeheg waharuk atuson etno, aphe inalomnangge heraharukon etno inim, ap watukon etno inim ilitoho waharuk atusa-o. Ariroho waharuk atusa etno fam, it An nanggom domba epmanowen it inune holtuk atusa fug-o.

Yohanes 12:26

Eke at ap misig An nanggimbu welariog ulug ahla buruk halug, mug naplug waharuk amag-o. Ariroho waharuk halug, An wereg ambeg epma ninim lahuk-o. Eke it yi aphe di aphe obog An nanggimbu wereg isalug, An Niknien suontep isahu-o,” ulug yig isebag.

Yohanes 13:15

Eke An hit yanggul hisihion etno hiren hinilanggen nealug ilitoho suruk amag ulug yanggul hisihi-o.

Yohanes 18:37

Yig ituk apagma, at Pilatus etnowen yig ituk wilil, “Ariroho ehen ari, Hat hebe etno it aphe nin inowe suon neken welahen hiyihi-o,” ulug yig ituk apagma, At Yesus etnowen yig ituk wilil, “Hat hebe it aphe nin Inowe suon welahen yig nerehen ari, haren-at ehen-o. Eke An nebe o kweanma duma ambik waharikikseg, endag atikik ari, wene demat uruk amon etno-at yig isiog ulug ambik waharikik-o. Eke it yi aphe di aphe wene demat uruk amon etno eberoko warukon halug, An nawene etno inesanggo holtuk-o,” ulug yig epag.

Yohanes 3:29

Eke hwe misig ahun etnowen-at uhwe holaruk-o. Eke at hwe etno ahun omini epmano inim dambuksoho wilil, at ahun etno une inesanggo holtug inahien haruk-o. Ari ilitoho at une etno nesanggo holtug nahien haruk ahi-o.

1 Korintus 11:1

Eke an At Kristus nilanggen halug suruk ahi etno hag, hit anden surukon hinilanggen nealug suruk amiek-o.

Efesus 5:1

Eke hit At Allah udaki indi hunduhukon epmano At ilitoho welamuog ulug nintul nantul mutlug laruk amiek-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 6:20

At Yesus etno Ninowe Allah unde suon wilil, o At Allah wereg ambeg boholma laharuk apareg, nit ninake suruk-o. Eke bilin at Melkisedek Allah unde akeleg neken-at welapag etno hag, At Yesus Ninowe Allah unde suon akeleg neken-at nintul nantul welaruhu-o.

1 Petrus 2:21

Ari fam At Allahen wol hinaptisi-o. Eke At Kristus hit hinake yikangge wapahon etno hinilanggen haruk amiek. Eke At ebe ilitoho suruk amiek-o.

1 Petrus 4:1

At Kristus etno alem elegma ebe yuhun-at yikangge wapag halug, hit ari sebahon hinahla buruk wilil, hinindi oag wereg amag ulug ebetuk amiek-o. Alem elegma inebe yikangge war inaptuk ari fam dag surukon alem etno eleg atisi-o.

1 Petrus 5:3

Eke At Allah udaki hinapma welamag ulug og hisarision epmano ninasineroho yig isahuken, ulug hinahla buruk eleg wilil, hiren fano suruk ahep etno ilitoho iren fano suruk amuhup-o.