Yohanes 10:36 - Allah Wene Hurumbik Keron

³⁶ Ari halug, eke At An Nikni etnowen nebe heako minduhup naharuk atisireg, o kweanma duma lahap nahik waharisi-o. Eke Anden An nebe At Allah Amloho-at welahi-o, ulug irikikon oke, hiren Hat At Allah inuk seberepfuruk ahen ulug yig nituk ahep ari, keroho ulug yig nituk ahep-o?

Yohanes 10:36 ပူးပေါင်းရင်းမြစ်များ

Matius 27:43

Eke At etnowen Allah obam ebetuk wilil, An nebe Allah Amloho-at ulug uruk oke, At ebe etno kidia At Allahen ili waruk nit ninilanggen hulen-o,” ulug yamintal neken enggali wapag.

Matius 27:54

Nin eke at sehen senehon inowe etno inim, it osi sehen senehon epmano inim At Yesus ebe inilanggen yaharoho aso welapahon epmano o yugul inim, eke yiroho diroho obog-at surukmu inilanggen haruk apareg, inakolen uruk wilil, “Ap du Allah Amloho demat hehe-o,” ulug ebag.

Lukas 1:35

at malaikat etnowen yig ituk wilil, “At Roh Kudus hobam belabik waharuk aruhureg, At Allah boholmen haso wereg heheg, udag hahumla aruhun-o. Hahumla atuk aruhunteg, fobik endetuk aruhunmu, it apheyen udag du At Allah Amloho-at, ulug yig ituk amuhup-o.

Yohanes 10:35

Ariroho wereg halug, yi wene di wene Alkitab fam yig nisaruk ari, demat yig nisaruk hiniluk-o. Eke At Allahen, hit hinebe At Allah ilitoho suon welahep, ulug yig isebag it ap At awene yanggul isebahon epmano-at yig isebag-o.

Yohanes 17:18

Eke Haren An nebe o kweanma duma lahap nabik waharikin etno hag, Anden it inebe o kweanma duma lahap isa waharikik-o.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Yohanes 17:8

Eke wene Haren og nitikinon etno yig isaruk atikikmu, iren eberoko warusareg, At Yesus etno At Allahen lahabik waharisimu, ebe At Allah wereg ambeg epmen demat waharisi hehe-o, ulug iniluk atisi-o.

Yohanes 19:7

Yig isaruk apagma, it Yahudi ap epmanowen yig ituk wilil, “Eleg-o, Aren An Allah Amloho-at ulug irisireg fam, nit wene komo yig nisebahon etnowen wabukag ulug yig nisaruk-o,” ulug yig epag.

Yohanes 20:28

Yig ituk apagma, at Tomas etnowen yig ituk wilil, “Hat Nowe, Allah-at welahen hiyihi-o,” ulug yig epag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 3:17

Ariroho og isebag ari, it aphe o kweanma dumon epmano oag deloko o dagma imbisawag ulug At Allahen Amloho etno belabik wapag fug-o. Aren it aphe o kweanma duma werehon epmano inili wawag ulug-at belabik wapag-o.

Yohanes 3:34

Eke it At Allahen lahap isa waharukon epmano, At Allahen Roh Kudus suroho og isaruk etno fam At Allah awene etno-at yig isaruk-o.

Yohanes 5:30

At Yesusen yig isaruk wilil, “An nonggarehen yi angge di angge suk ari hai-o. At Allahen yig nituk halug, aphe oag del inaptuk wilil, fanoroho-at oag del inaptuk ahi-o. Eke ari halug, An nahla burukon etno ilitoho suk sohorep isalug, At Nikni lahap nabik waharision etnowen ahla burukon etno-at ilitoho siog ulug suruk ahi-o.

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

Yohanes 6:38

Eke An nebe etno At lahap nabik waharision etnowen ahla burukon etno-at ilitoho suruk ariog ulug boholmen ambik waharikik-o. Ariroho ambik waharikik ari, An nindien kahaloko suruk ariog ulug ambik waharikik fug-o.

Yohanes 6:57

Eke At An Nikni iluk werehon etnowen lahap nabik waharisireg fam, An At ninim niluk-at welahi-o. Ari ilitoho, it aphe An nebe neken narukon epmano ninim niniluk-at welamuhuk-o.

Yohanes 6:69

Wene etno nit ninindimu eberoko warukukseg, At Allah iluk mondog werehon Amloho Kristus etno Hat demat welahen ulug niniluk-o,” ulug yig epag.

Yohanes 8:42

Yig ituk apagma At Yesusen yig isaruk wilil, “Hit Hinikni At Allah welatlepmen, An nebe hinindi hunduhuk welatlep-o. Eke An nebe etno At Allah wereg ambehen ambik waharikikseg, kidia duma welahi-o. Eke An nebe ambik waharikik ari, nenggareg nindien bulug-at ambik waharikik fug-o. At Niknien-at lahap nabik waharisi-o.

Roma 1:4

eke At indi Allah inim welapareg fam, it aphe warehon wereg ambeg epmanowen iluksoho minduhupfebag halug, At Allahen une oag weregsoho yig nisaruk wilil, “Du An Namloho-at-o,” ulug yig nisebag.

Roma 8:3

Eke ninebe kweanmon etnowen fano suk ninoag elegma, at wene duroho suruk amuk eke duroho suruk am fug ulug ebahon etnowen fano ninabuk hai atision oke, At Allahen fano ninaptisi-o. Eke At Allahen Amloho etno it ap kweanmon inebe dag surukon epmano ilitoho belabik waharuk wilil, At Kristus obam alem dag surukon epmano onggo umbukag ulug belabik wapareg fam, alem dag surukon epmano oag deloko elehepfebag-o.

Roma 9:5

Eke it inetamuki bilin it Abraham, Ishak, Yakub welapahon etno hag, eke fobik At Kristus etno ebe ap ilitoho it inungguluahon-at endag apag-o. Eke At Allah yi aphe di aphe Inikni etno inuk nintul nantul suontepfuruk amuk-o, ulug an demat yig hisaruk ahi-o.

Galatia 4:4

Ariroho uruk atukukon oke, eke fobik At Allahen sukon etno fanggog uruk apagma, At Allahen Amloho etno belabik wapag-o. Belabik waharuk apagma, hwe misig amloho neken endag apag-o.