Yohanes 10:33 - Allah Wene Hurumbik Keron

³³ Yig isaruk apagma, eke it Yahudi ap epmanowen yig ituk wilil, “Hat alem fanowon misig sirikinmu, helep fam howabuog ulug suruk ahe fug-o. At Allah inuk seberepfuruk ahen fam howabuog ulug suruk ahe-o. Eke Hat hebe ap ilitoho-at oke, Haren An Allah ilitoho-at welahi ulug uruk ahen-o,” ulug yig epag.

Yohanes 10:33 ပူးပေါင်းရင်းမြစ်များ

Yohanes 5:18

it Yahudi ap epmanowen At ebe mondog warepfuhuk-o, ulug inahla bebag. Ariroho inahla bebag ari, At Yesusen o hari Sabat fam yabuk suk fug ulug urukon etno elehepfeheg, eke At Allah ari An Nikni at-o, ulug yig iseheg, eke An Allah ilitoho-at welahi-o, ulug yig iseheg suruk apag etno fam ariroho inahla bebag.

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Filipi 2:6

Eke At Kristus ari Allah ebe neken-at wilil, an Allah ilitoho welamon etno nomat neken senetuk ahe-o, ulug indi ebepag fug-o.

Roma 13:1

Eke it yi aphe di aphe obohen it inowesi pemerintah epmano inune inesanggo holukag-o. Eke At Allahen it inowesi pemerintah epmano wene baltuk amag ulug minduhup isarisi fuhon misig wereg eleg-o. Eke it pemerintah wene baltukon wereg epmano At Allahen-at minduhup isarisi-o.

Yohanes 10:24

it Yahudi ap At ambeg wonggalik waharuk apareg, yig ituk wilil, “Hat wene herako-at yig nisaruk ahen du, o maram selegmaroho bukaloko yig nisahun-o? Ari halug, At Kristus waruhu ulug yig nisebahon, Hat-at halug, kidia bukaloko yig nisimin-o,” ulug yig epag.

Yohanes 10:32

Waruk apagma, At Yesusen yig isaruk wilil, “At An Nikni etnowen ariroho sukag ulug yig nepareg fam, yi yabuk di yabuk fanowon epmano obog-at hinil fam suruk atikikon oke, eke alem fanowon misig keroho sirikikmu helep fam nowabuog ulug suruk ahep-o,” ulug yig isebag.

Yohanes 19:7

Yig isaruk apagma, it Yahudi ap epmanowen yig ituk wilil, “Eleg-o, Aren An Allah Amloho-at ulug irisireg fam, nit wene komo yig nisebahon etnowen wabukag ulug yig nisaruk-o,” ulug yig epag.