Yohanes 10:32 - Allah Wene Hurumbik Keron

³² Waruk apagma, At Yesusen yig isaruk wilil, “At An Nikni etnowen ariroho sukag ulug yig nepareg fam, yi yabuk di yabuk fanowon epmano obog-at hinil fam suruk atikikon oke, eke alem fanowon misig keroho sirikikmu helep fam nowabuog ulug suruk ahep-o,” ulug yig isebag.

Yohanes 10:32 ပူးပေါင်းရင်းမြစ်များ

Matius 11:5

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Yohanes 10:25

Yig ituk apagma, eke At Yesusen yig isaruk wilil, “An arat yig hisarikikon oke, hit hag nobam ebetuk ahep fug-o. Eke Anden yi yabuk di yabuk Nikni inuk fam suruk nealug, ari fam An nawene selegma atuk-o.

Yohanes 10:31

Ariroho yig isaruk apagma, it Yahudi ap epmanowen fobik inim wabuog ulug helep ininggikmu webag.

Yohanes 10:33

Yig isaruk apagma, eke it Yahudi ap epmanowen yig ituk wilil, “Hat alem fanowon misig sirikinmu, helep fam howabuog ulug suruk ahe fug-o. At Allah inuk seberepfuruk ahen fam howabuog ulug suruk ahe-o. Eke Hat hebe ap ilitoho-at oke, Haren An Allah ilitoho-at welahi ulug uruk ahen-o,” ulug yig epag.

Yohanes 10:37

Eke An At Niknien suruk etno hag suruk eleg nealug, hiren An nobam ebebuk fug-o.

Yohanes 5:36

Ariroho hinahien haruk hiseheg, at Yohanes etnowen An nawene-at yig hisaruk atision oke, alem suon An nawene yig hisarukon misig du wereg-o, alem ari, An yi yabuk di yabuk sukag ulug An Niknien nobam imbirisireg fam, suruk ahi ari fam An nawene etno selegmaroho yig hisaruk-o. Ariroho yig hisaruk ari, An nebe etno iknien-at lahabik waharisi-o ulug selegma-at yig hisaruk-o.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

1 Yohanes 3:12

At Kain etnowen sebag etno hag suk fug-o. At Kain iblis amloho etnowen, ot Habel wapag ari, nongge farim wapag-o? Ari at Kain obabut dahon weregma, eke ot Habel obabut fano sebag arien wapag-o.