Yohanes 10:3 - Allah Wene Hurumbik Keron

³ Eke at ap misig sok elma aso werehon etnowen sok hut haruk-o. Eke at ap etno kulug anggom domba epmano ininuk inakeleg sik-at wol isaruk halug, it anggom domba epmanowen at une holtuk-o. Une holtuk isalug, at etnowen og inaplug wilik waharuk-o.

Yohanes 10:3 ပူးပေါင်းရင်းမြစ်များ

Yohanes 10:14

At etno ariroho wereg oke, eke wam domba fanoroho inaso welahion etno An at-o. Eke At An Nikni etnowen An nebe iluk weregma, Anden At ebe niluk welahi etno hag, Anden it nanggom domba epmano inebe niluk wereg nealug, iren An nebe iniluk wereg-o. Ari halug, An nebe etno it inake waram fano ulug nahla buruk ahi-o.

Yohanes 10:16

Eke it An nanggom domba nin o werlekma lehet oko werehon epmano inim-at og inaplug waruhuk-o. Og inaplug waharuk aruhukmu, iren An nune inesanggo holtuk amuhupmu, inebe obog misigmu-at dambuksoho imbisalug, At inaso werehon etno misig-at welaruhu-o.

Yohanes 10:4

Wilik watlug, at bilin larukmu, it anggom domba epmano at une holtukon nowen mutlug laruk-o.

Yohanes 10:9

Eke sok ebe etno ilitoho An-at welahi-o. It inebe sok etno fam kuruk isalug, inili wahuk-o. Eke it ariroho waharukon halug, keheg wilip aheg suruk wilil, iren isinggangge fanowon epmano heag sahup-o.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 6:45

Eke it nabi ap epmanowen wene hurumbik ebahon epmano wene umburuk wilil, ‘At Allahen it yi aphe di aphe obog-at yanggul isaruk aruhu-o,’ ulug embebag etno hag, it yi aphe di aphe obog An Nikni une etno inesanggo holtuk isalug, yanggul isaruk etno fam nambeg waharuk-o.

Roma 8:30

Eke it aphe inebe At Allahen bilin fuloko imbisebahon epmano wol inapag-o. Wol inaptuk apareg, ninim fanoroho welamuog ulug alem dahon inobam werehon etno elehep isebag-o. Ariroho suruk apareg, fobik ninim suon-at welamuhuk ulug hurumbik yig isebag-o.

1 Korintus 16:9

Eke it aphe duma ninen wene ninambit-o ulug urukon oke, anden yig isarukmu it obohen inesanggo holukag ulug yanggul isahuk-o.

Filipi 4:3

Eke hat nomin ninim Allah yabuk suruk atukukon etnowen it hweap biren eta yalmag inabin-o. Eke it hweap epmano inim, eke at Klemens inim, eke it nomini nin ninim Allah yabuk surukukon epmano iniluk welamag ulug At Allahen holal imbirision etno hit obog-at wene fano wene etno yig isil lawag ulug ninim yabuk sat anggolo surukuk-o.

Kolose 4:3

Hit ariroho sembahyang uruk wilil, At Paulusen it aphe Allah wene fanoroho yig isaruk amag ulug hinindi ebetuk wilil, nake sembahyang uruk amiek-o.

2 Timotius 2:19

Iren ariroho yig isarukon oke, eke At Allahen o andorli oag werehon imbirision etno aplohok suhu fug-o; eke o andorli etno fam wene holal umburuk wilil, “At Ninowe etnowen nudaki inebe du at-o ulug iluk wereg-o,” eke misig ari, “It apheyen At Ninowe etnowen angge-at welahi-o ulug urukon etno dag surukon etno sohorep isawag-o,” ulug o andorli etno fam wene holal imbirisi-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

1 Yohanes 4:6

Nit Allah udakion halug, Allah wene-at yig isaruk ahe-o. Eke it Allah obam ebetukon halug, ninune inesanggo holtuk-o. Eke it Allah obam ebetuk elehon halug, ninune inesanggo holtuk eleg-o. Eke it kweanmonen uruk ari dahan fahan uruk halug, At Roh Kudusen demat uruk-o ulug ninindi ebetlug niniluk atuk-o.

3 Yohanes 1:14

Eke horog kidia hinambeg waruhukseg, nuneyen-at ninim wene uhuk-o.

Wahyu 20:15

Nin eke niniluk wela­mon holal embebahon etno fam ininuk elehon halug, hondok olokma imbisarukmu harikik-o.

Wahyu 3:20

Eke An nebe sok elma wilil, kik haruk ahi-o. Kik haruk ahion etno ap misihen esanggo holtug hut neahumu, at ibam etno kuhukseg, ninim nahuk-o.

Wahyu 7:17

Eke At Wam Domba Udag horie uruk ambeg bulmu werehon etnowen inaso wilil, it epmano ik fanowon ilukon elerukmu epmano nawag ulug og inaplug laruk aruhu-o. Og inaplug larukmu, eke At Allahen inil ambusu ho inaptuk aruhu-o,” ulug yig nitukmu nesanggo holtikik-o.