Yohanes 10:28 - Allah Wene Hurumbik Keron

²⁸ Eke Anden iniluk welamon og isaruk nealug, mondog waramuhup fug-o. Eke it inebe epmano An ninggikmu weregma, ap misihen diloko og inabuhu fug-o.

Yohanes 10:28 ပူးပေါင်းရင်းမြစ်များ

Markus 13:22

It ap werlekonen, ‘An Kristus at-o. An Allah wene yig isaruk ahion at-o,’ ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano at seheg, eke sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o ariroho suhup ari, hit hinindi fanoroho yaha welamuk-o.

Lukas 23:46

Kahal atuk apagma, At Yesus etno une suon uruk wilil, “Nikni-o, An nahut Haren wimin-o,” ulug uruk apareg, warapag.

Yohanes 10:29

Eke At An Nikni it inebe og nepahon epmano akeleg-at suon wereg-o. Ari halug, inebe At An Nikni inggikmu weregma, ap misihen diloko og inabuhu fug-o.

Yohanes 11:25

Eke it yi aphe di aphe An nobam ebetuk isalug, inebe waramuhubon oke, iniluk amuhup-o.

Yohanes 14:19

Eke An nebe etno dot welatlug, it aphe kweanmon epmanowen neahup fug oke, hit hag hinilanggen neahup-o. Eke An niluk welaruhuk etno hag, hit ariroho-at hiniluk welamuhup-o.

Yohanes 17:2

Eke An nebe etno it yi aphe di aphe obog-at Inowe suon welamag ulug minduhup naharikinteg fam, Anden it aphe Haren og nitikinon epmano Anden iniluk welamon etno og isiog ulug suruk ahi-o.

Yohanes 18:9

ulug ariroho yig isebag ari, At Yesusen bilin sembahyang uruk wilil, “Nikni-o, it inebe Haren An og nitikinon epmano misig eleg atisi fug-o, ulug ebahon etno it epmanowen demat ebag inahla bukag ulug, Aren ap nin epma wilip amiek ulug yig isimiek-o,” ulug yig isebag.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Yohanes 4:14

Eke it aphe obog ik Anden og isahukon etno nahup halug, fobik obok hahup fug-o. Ik Anden og isahukon ari, eleruk inindimuen funaloko wilip atuk halug, ik ilukon etno anggolo aruhu-o. Anggolo atuk halug, etno fam iniluk welamon etno holahup-o,” ulug yig epag.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 6:47

Yig isaruk apareg, eke fobik yig isaruk wilil, “An wene demat uruk amon etno yig hisamin-o. It aphe An nobam ebetuk isalug, iniluk welamon etno-at holaruk-o.

Yohanes 6:68

Yig isaruk apagma, at Simon Petrus etnowen yig ituk wilil, “Ninowe-o. Nit sa ambeg lul-o? Hat wene niniluk welamon etno unde wilil, yig nisaruk ahen-o.

Kisah Para Rasul 7:59

Umbulug laruk apagma, at Stefanus Allah obam sembahyang uruk wilil, “Yesus Nowe-o, an nahut etno Haren og nabin-o,” ulug yig itukmu, at ebe helep fam watuk iseheg,

Roma 5:17

Eke at ap misihen dag sebahon etno, alem neken weregma, alem waratukon etno oag wereg apag ari demat ulug niniluk-o. Eke at ap misig Yesus Kristusen sebahon etno fam alem niniluk welamon etno wereg apag ari, suon oag werehon neken-at wereg apag-o. Eke ariroho wereg apag ari fam, it yi aphe di aphe At Allahen inabua isalug, alem dahon inobam weregma elehepfukon etno onggo eleg-at og isaruk heheg, At Yesus Kristus inim wilil suon-at welamuhup-o.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Roma 5:21

Eke ari halug, alem dag surukon etnowen alem waratukon oag werehepfebag etno hag, alem At Allahen ninabua nisarukon etnowen alem dahon ninobam weregma elehepfukon etno oag werehepfuruk-o. Eke ariroho alem dahon ninobam weregma elehep nisaharisireg, At Yesus Kristus inuk fam ninitog mondog niniluk welamon etno-at og nisaruk-o.

Roma 5:9

Eke At ninake warapareg fam, alem dahon ninobam werehon etno elehep nisahabag halug, At Allahen asine ninobam umbuk nowen ulug ninili wahu-o.

Roma 6:23

Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

Roma 8:1

Eke ari halug, it At Kristus Yesus inim werehon epmano onggo o dagma imbisahu fug-o.

Roma 8:29

Eke At Allahen bilin it aphe nin inebe iluk apareg, fobik fuloko imbisebag-o. Eke fuloko imbisebag ari, inebe At Amloho etno ilitoho welamag ulug fuloko imbisebag-o. Eke it Allah udaki etno inebe anggolo oke, Amloho manggia hag Inowe etno-at welamag ulug fuloko embebag-o.

Filipi 1:6

Eke At Allahen bilin hinindi yabuk fanowon etno atog suruk atisireg, eke fobik At Kristus Yesus waruhu etno fam atog suhu-o ulug, an demat yig hisaruk ahi-o.

2 Tesalonika 2:13

Eke nomini hinobam At Ninowe indi hunduhuk werehon etno hit farim At Allah wa ulug sembahyang uruk ahe-o. Eke At Allahen hinili wiog ulug bilin imig hinaptisireg fam, At Allah udaki amag ulug Roh Kudus oag werehon etno og hisarisimu, hiren wene demat urukon etno eberoko waruk ahep-o.

1 Timotius 1:16

Eke an bilin dag mondog suruk atikikon epmano At Kristus Yesusen fano naptisi etno it aphe ninen inilanggen nealug, wi, at Paulus dag suruk atision etno oke, At Allahen abua harisi-o, ulug inahla bulug, At Yesus obam ebetuk wilil, iniluk welamon etno holawag ulug fano naptisi-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

1 Petrus 1:5

Eke hit Allah wene warukmu, hinindi oag weregsoho wahubon etno fobik At udaki fanoma imbisiog ulug weregma, fanowon og hisawon epmano dugsoho hinombisaharuk-o.

1 Yohanes 1:2

Wene etno selegma atisimu harukuk-o. Harukuk halug, kidia uruk ahe-o. Eke hit yig hisarukukon ari, wene niniluk welamon wene etno At Allah Ninikni inim itog mondog welapagma, fobik selegmaroho yig nisebag-o.

1 Yohanes 2:19

Antikristus inebe anggolo atuson epmano ninim welatukukon oke, eke ninim welahe fug-o. Ninim welatlomen, nit welahe ambeg welatlep-o. Eke it inebe niron elegma, selegma amag ulug wilip atusa-o.

1 Yohanes 2:25

Eke mondog hinim hiniluk welamon etno At Yesusen hurumbik arat yig nisebag-o.

1 Yohanes 5:11

Ari halug, wene yig nisarukon etno du at-o, At Allahen niniluk welamon etno og nisebag, At Amloho og nisebag halug, ari niniluk welamon etno-at og nisebag-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.

Yudas 1:21

Hit Allah hinim wilil, Hinikni hinindi hunduhuk welamuhup-o. At Yesus Kristus hit hinabuen hiniluk welamon og hisahuon etno-at aso welamuhup-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.