Yohanes 10:2 - Allah Wene Hurumbik Keron

² Eke at ap misig sok ele baleke etno kurukon halug, wam domba inaso werehon etno ari at-o.

Yohanes 10:2 ပူးပေါင်းရင်းမြစ်များ

Matius 15:11

Yi angge di angge ninelma naruk aheon etnowen dag seko ninombisaharuk eleg-o. Eke ninindimuen wilip atukon etnowen-at dag seko ninombisaharuk-o,” ulug yig isebag.

Yohanes 10:14

At etno ariroho wereg oke, eke wam domba fanoroho inaso welahion etno An at-o. Eke At An Nikni etnowen An nebe iluk weregma, Anden At ebe niluk welahi etno hag, Anden it nanggom domba epmano inebe niluk wereg nealug, iren An nebe iniluk wereg-o. Ari halug, An nebe etno it inake waram fano ulug nahla buruk ahi-o.

Yohanes 10:7

Ariroho weregma, eke At Yesusen fobik dahagsoho yig isaruk wilil, “Ari halug, Anden wene demat uruk amon etno yig hisamin-o. It wam domba kuruk ambeg inasok etno ilitoho An-at welahi-o.

Yohanes 10:9

Eke sok ebe etno ilitoho An-at welahi-o. It inebe sok etno fam kuruk isalug, inili wahuk-o. Eke it ariroho waharukon halug, keheg wilip aheg suruk wilil, iren isinggangge fanowon epmano heag sahup-o.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

1 Timotius 4:14

Eke bilin it ap Allah wene yig isarukon epmanowen hat hungguluag ininggik seneg wilil Allah wene yig hitusama, Allah wene yig isawon etno og hitisi ari hapeleg am fug-o.

Titus 1:5

Eke haren yi angge di angge sukon etno suruk amag ulug yig hituk wilil, it aphe demat ulug ebetukon epmen it ap heako min inabu­hunen ulug o Kreta epma hombahalug waharikik-o. Eke an bilin ariroho suhun ulug yig hitikikon etno hindi ebetuk amin-o, eke ap Allah wene yig isarukon welamon etno it apheyen inune obam deng­geltuk eleg isalug, eke hwe misig-at ohowon halug,

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

1 Petrus 2:25

Eke hit bilin wam domba kwalem dahon larukon etno ilitoho welatikip oke, kidia kwalem fanowon etno luog ulug at hinaso wilil hinili warukon etno mutlug laruk ahep-o.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.

Wahyu 1:20

Eke soholoal inebe sabiren angge ninggik bikit filen seneg welahion epmano ari, it aphe jemaat sabiren angge epmano ap inaso werehon neken wereg-o. Eke eral umburuk ambeg emas fam sehon inebe sabiren angge werehon epmano it aphe jemaat sabiren angge epmano neken wereg-o,’ ulug wene herahowon etno bukaloko yig hirihi-o, ulug yig nitukmu nesanggo holtikik-o,” ulug holal balfag.