Yohanes 10:16 - Allah Wene Hurumbik Keron

¹⁶ Eke it An nanggom domba nin o werlekma lehet oko werehon epmano inim-at og inaplug waruhuk-o. Og inaplug waharuk aruhukmu, iren An nune inesanggo holtuk amuhupmu, inebe obog misigmu-at dambuksoho imbisalug, At inaso werehon etno misig-at welaruhu-o.

Yohanes 10:16 ပူးပေါင်းရင်းမြစ်များ

Matius 17:5

ulug awan yig ituk heheg, hena wikal neken lahaptukon etno sebe inapag.

Lukas 15:8

At Yesusen yig isaruk wilil, “Eke at hwe misig uang anggen inebe sepuluh weregma, misig nuk atuk halug, keroho suruk buruk ahep-o? At hwe uang anggen unde etnowen eral fisako, ibam obog yi angge di angge haloko umbulug, belalma inim, umbo inim osilama inim obog-at heaharuk-o.

Yohanes 10:11

Eke at wam domba fanoroho inaso werehon etno An at-o. Eke at wam domba fanoroho inaso werehon etno ebe anggom domba etno inake waram fano ulug ahla buruk-o.

Yohanes 10:2

Eke at ap misig sok ele baleke etno kurukon halug, wam domba inaso werehon etno ari at-o.

Yohanes 10:27

Eke it An nandomba epmano hag An nune inesanggo holtuk-o. Eke Anden inebe niluk welahi fam, iren An mug naplug laruk-o.

Yohanes 10:3

Eke at ap misig sok elma aso werehon etnowen sok hut haruk-o. Eke at ap etno kulug anggom domba epmano ininuk inakeleg sik-at wol isaruk halug, it anggom domba epmanowen at une holtuk-o. Une holtuk isalug, at etnowen og inaplug wilik waharuk-o.

Yohanes 10:4

Wilik watlug, at bilin larukmu, it anggom domba epmano at une holtukon nowen mutlug laruk-o.

Yohanes 10:5

Eke iren ap werlekon mug inaplug laruk eleg-o. It ap werlekon inune inapelehon halug, it wam domba epmanowen sohorep isalug, hite laruk-o,” ulug yig isebag.

Yohanes 11:52

It Allah udaki o kweanma duma o ahik ya da werehon obog-at dambuksoho imbisawon epmano inake wararuhu ulug hurumbik yig isebag.

Yohanes 17:20

Eke An sembahyang uruk ahi ari, it inakeleg-at inake sembahyang uruk ahi fug-o. Eke iren wene yig isil nurukmu it nin An nobam eberoko wahubon inim-at inake sembahyang uruk ahi-o.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Kisah Para Rasul 15:14

At Simon bilin ehek ari, At Allahen it Allah wene waruk elehon inanggelegmen At udaki ful inaptision epmano yig nisehek-o.

Kisah Para Rasul 18:10

An ninim wilil, sohorep isalug, bok welaruhun fug-o. It o duma nudaki anggolo weregma, hat howabuhup fug-o,” ulug yig itisi.

Kisah Para Rasul 22:14

at etnowen yig nituk wilil, ‘It ninetamuki Inikni Allahen ahla bebahon etno hat hiluk amag ulug fuloko hombaharisi-o. Hombaharisireg fam, At anggimbu obabut fanowon hilanggen haruk weregma, At une fam yig hitukmu holtikin-o.

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

2 Tesalonika 2:13

Eke nomini hinobam At Ninowe indi hunduhuk werehon etno hit farim At Allah wa ulug sembahyang uruk ahe-o. Eke At Allahen hinili wiog ulug bilin imig hinaptisireg fam, At Allah udaki amag ulug Roh Kudus oag werehon etno og hisarisimu, hiren wene demat urukon etno eberoko waruk ahep-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

1 Petrus 2:10

Hit amuk Allah udaki neken welatikip fuhon oke, kidia At Allah ninabua nisaruk ulug hinindi ebetuk ahep-o.

1 Petrus 2:25

Eke hit bilin wam domba kwalem dahon larukon etno ilitoho welatikip oke, kidia kwalem fanowon etno luog ulug at hinaso wilil hinili warukon etno mutlug laruk ahep-o.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.

Wahyu 3:20

Eke An nebe sok elma wilil, kik haruk ahi-o. Kik haruk ahion etno ap misihen esanggo holtug hut neahumu, at ibam etno kuhukseg, ninim nahuk-o.