Yohanes 10:10 - Allah Wene Hurumbik Keron

¹⁰ Eke it ap inalomnangge heraharukon etno lehet bog kuruk ari, inalomnangge herahakeg, war inabeheg, muko wilip iseheg suog ulug-at kuruk-o. Eke An hag it nanggom domba epmano iniluk inabeheg, yi angge di angge obog-at og iseheg suruk ariog ulug waharikik-o.

Yohanes 10:10 ပူးပေါင်းရင်းမြစ်များ

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Matius 18:11

Eke An Allahen minduhup naharision etno it nuk atuson epmano inili wiog ulug ambik waharikik-o.

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Matius 21:13

“At Allahen ebahon etno Alkitab fam wene baleg weregma yig hisamin-o. At Allahen An nibam ari it apheyen sembahyang ik kuruk ambeg inibam du at-o, ulug uruk amuhup-o, ulug ebahon etno hinapeleg ano? Ariroho ebahon etno wereg heheg oke, it ap yi angge di angge inalomnangge heraharukon etno heraharik laruk etno hag, hit At Allah ibam du kik waharuk ahep-o,” ulug yig isebag.

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Markus 11:17

Yig isaruk apareg, eke fobik yig isaruk wilil, “At Allahen ebahon etno Alkitab fam wene baleg weregma yig hisamin-o. At Allahen, ‘An nibam ari it yi aphe di aphe obog inungguluag dombog-at sembahyang ik kuruk ambeg inibam du at-o,’ ulug uruk amuhup-o, ulug ebahon etno hinapeleg ano? Ariroho ebahon etno wereg heheg oke, it ap yi angge di angge inalomnangge heraharukon epmano inakolen heraharik laruk etno hag, hit At Allah ibam du kik waharuk ahep-o,” ulug yangguloko yig isebag.

Lukas 19:10

Eke it aphe bilin nuk atuson epmano heako imbisaruk atikikseg, inili wiog ulug An Allahen minduhup naharision etno waharikik-o,” ulug At Yesusen yig isebag.

Yohanes 10:1

Eke fobik At Yesusen yig isaruk wilil, “Ari halug, An wene demat uruk amon etno yig hisamin-o. At ap misig etno wam domba inalehet oho ambeg kiog ulug suruk wilil, sok ele baleke kuk sohorep isalug, lehet bog kuruk halug, at ap etno inalomnangge heraharukon etno inim, ap watukon etno inim ilitoho-at wereg-o.

Yohanes 10:11

Eke at wam domba fanoroho inaso werehon etno An at-o. Eke at wam domba fanoroho inaso werehon etno ebe anggom domba etno inake waram fano ulug ahla buruk-o.

Yohanes 12:47

Eke it yi aphe di aphe nin epmanowen An nune inesanggo holtug ilitoho suruk eleg isalug, Anden inoag deloko imbisahuk fug-o. Eke An nebe etno it aphe kweanmon duma inoag deloko imbisaruk ariog ulug waharikik fug-o. Anden inili waruk ariog ulug-at waharikik-o.

Yohanes 12:6

Ariroho ebag ari, it aphe inaharek elehon epmano inabuen ebag fug-o. Eke it aphe ninen At Yesus omini uang anggen og isaruk apahon epmano eset aren seneg welapag fam, uang anggen epmano herahiog ulug-at ebag-o.

Yohanes 3:17

Ariroho og isebag ari, it aphe o kweanma dumon epmano oag deloko o dagma imbisawag ulug At Allahen Amloho etno belabik wapag fug-o. Aren it aphe o kweanma duma werehon epmano inili wawag ulug-at belabik wapag-o.

Yohanes 5:40

hiniluk welamon etno holawon oke, An nambeg wamon hinambit-o,” ulug yig isebag.

Yohanes 6:33

Eke orom roti At Allahen og hisaruk ari, At misig boholmen ambik watlug, it aphe kweanmon iniluk inaptukon etno-at og hisaruk-o,” ulug yig isebag.

Yohanes 6:51

Eke orom iniluk inaptukon boholmen ambik waharision etno ari An at-o. Eke orom roti iniluk inaptukon etno naruk isalug, iniluk mondog welamuhup-o. Eke orom roti Anden og isahukon ari, it yi aphe di aphe kweanmon obog-at iniluk welamag ulug An nebe etno-at og isahuk-o,” ulug yig isebag.

Roma 2:21

Eke ari halug, it nin hag yanggul isaruk ahenon oke, honggareg hag yanggul saruk ahen fug ano? Eke apheyen angge epmano herahuk fug-o, ulug yig isaruk ahenon oke, honggarehen hag halomnangge heraharuk ahen ano?

1 Timotius 1:15

Eke it aphe obohen eberoko wawag ulug, wene du demat yig hituk ahi-o, At Kristus Yesus etno it aphe dag surukon epmano fano inabiog ulug o kweanma duma wapag-o.

Ibrani 6:17

Eke At Allahen ariroho og hisahuk ebahon etno it epmanowen demat og nisahu-o. Aren enggal-at ulug sohorep nisahaku fug-o, ulug inahla bukag ulug aren yig isaruk wilil, “An og hisahuk yig hisihi ari, An ninuk fam demat yig hisihi-o,” ulug yig isebag.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

2 Petrus 1:11

Yi wene di wene yig hisihion epmano obog hiniluk weregma, an ninim nintul nantul dahagsoho yig hisaruk amuhuk-o.