Yohanes 1:51 - Allah Wene Hurumbik Keron

⁵¹ Yig ituk apareg, it omini obog epmano yig isaruk wilil, “Eke fobik bohol etno healeg weregma, it Allah omalaikat epmano At Allah Amloho etno obam ambik waheg, lahakeg surukmu hinilanggen isahup-o,” ulug yig isebag.

Yohanes 1:51 ပူးပေါင်းရင်းမြစ်များ

Matius 25:31

Eke fobik At Yesusen yig isaruk wilil, “An Allahen minduhup naharision etno fobik Inowe suon wilil, nomalaikat obog og inaplug waharuk aruhukseg, An nebe e horie urukon e daleg fanowon etno fam horie uhuk-o.

Matius 26:24

ulug yig isaruk apareg, eke fobik yig isaruk wilil, “An Allahen minduhup naharision etno holal amuk balfag etno ilitoho-at wararuhuk oke, eke An Allahen minduhup naharision etno nowabukag ulug yonggo laruk du abua-o, ap ari endag atlep fugmen fano-o,” ulug yig isebag.

Matius 3:16

Belaptuk apagma, ikmen lahik wapag. Lahik waharuk apagma, bohol heal haruk neken, Roh Kudus etno sue yalme ilitoho At unggu­luagma belabik waharukmu ilanggen hebag.

Matius 4:11

at iblis etno sohorep isalug, mondog lebag. Mondog laruk apag­ma, eke it malaikat epmano waharuk apareg, At Yesus aso welapag.

Matius 8:20

Yig ituk apagma, eke At Yesusen yig ituk wilil, “Bak halug, inibam e elma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Matius 9:6

Eke At Allah Amloho etnowen it apheyen dag suruson epmano sohorep isalug inobam inapelegsoho apma imbisawag ulug minduhupfirision etno hiniluk atlihiben, hit hinil fam misig simin-o,” ulug yig isaruk apareg, eke fobik at ap oag mondog elehon etno yig ituk wilil, “Minatuk apmihinteg, hesabul nohorukon du holalug hibam lag-o,” ulug yig epag.

Markus 1:10

Ikma belapfuruk apagma, minatuk apareg, At Yesus etno ilanggen lahap haruk apag, bohol heal haruk wilil, Roh Kudus etno sue yalme ilitoho At Yesus ungguluagma belabik waharukmu ilanggen hebag.

Markus 14:62

Hinog waruk apagma, At Yesus etnowen yig ituk wilil, “An nebe du at-o. Eke An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Lukas 2:13

Yig isaruk apareg weregma, fobik it boholmon hetnogsoho balu ik ambik wapag. Ambik waharuk apareg, At Allah inuk suontepfuruk wilil,

Lukas 2:9

Inaso weregma, Allah malaikat etno inambeg ambik wapag. Ambik waharuk apagma, Allah apinag suruk apagma, inakol anggolo hebag.

Lukas 22:43

Sembahyang uruk wilil weregma, boholmen malaikat misig ambik waharuk apareg, At etno indi oag werehepfebag.

Lukas 22:69

ulug yig isaruk wilil, eke kidia An Allahen minduhup naharision etno Nikni inuk suon etno inggik bikit fil ambeg horie uhuk-o,” ulug yig isebag.

Lukas 24:4

Eleg haruk apareg, keroho suk ulug inahla buruk wilil minduhuk weregma, it ap inasum huluon wantehon biren etano hetnogsoho inambeg minapag.

Lukas 3:21

Eke fobik, it aphe obog ikma belap inaptuk apareg, At Yesus inim belapfebag. Belapfuruk apagma, At Yesus etno sembahyang uruk heheg, bohol heal haruk apareg,

Yohanes 1:50

Ariroho yig ituk apagma, At Yesus etnowen yig ituk wilil, “Anden hat hebe e siluk alma horieg weregma nil hiyihi-o, ulug yig hirihi etno fam, haren nobam ebetuk ahen-o. Ari halug, eke fobik sukfugangge suon etno surukmu hilanggen neahun-o,” ulug yig epag.

Yohanes 10:1

Eke fobik At Yesusen yig isaruk wilil, “Ari halug, An wene demat uruk amon etno yig hisamin-o. At ap misig etno wam domba inalehet oho ambeg kiog ulug suruk wilil, sok ele baleke kuk sohorep isalug, lehet bog kuruk halug, at ap etno inalomnangge heraharukon etno inim, ap watukon etno inim ilitoho-at wereg-o.

Yohanes 10:7

Ariroho weregma, eke At Yesusen fobik dahagsoho yig isaruk wilil, “Ari halug, Anden wene demat uruk amon etno yig hisamin-o. It wam domba kuruk ambeg inasok etno ilitoho An-at welahi-o.

Yohanes 13:16

Ari halug, Anden hit wene demat uruk amon etno yig hisamin-o. Ap misig anggimbu etno suon neken, eke ikni etno doron neken wereg eleg-o. Eke ap misihen at misig lawag ulug mondepfurukon etno suon neken, eke at lag ulug yig itukon etno doron neken wereg eleg-o,

Yohanes 13:38

Ariroho yig ituk apagma, eke At Yesusen yig ituk wilil, “Haren ninim-at ninusukag ehen ari, demat ihi ulug hahla buruk ahen ano nomin? Ari halug, Anden wene misig yig hipmin-o. Fobik sue ayam kulog etno awan une uruk eleg heheg, haren henahanam ebe napeleg ulug imihin-o,” ulug yig epag.

Yohanes 14:12

Ari halug, Anden wene demat uruk amon etno yig hipmin-o, it yi aphe di aphe obog An nobam ebetukon epmanowen Anden yabuk suruk ahi epmano ilitoho suruk amuhup-o. Eke An nebe Nikni ambeg lahukseg fam, iren fobik sukfugangge anggolo-at suruk amuhup-o.

Yohanes 16:20

Ari halug, Anden wene demat uruk amon etno yig hisamin-o. Hit ioba yareheg, hinel wareheg suruk hiseheg, it aphe kweanmon An nawene waruk elehon epmano inahien hahup-o. Eke hit hinindi dag amuhubon epmano eleg atuk aruhumu, hinahien hahup-o.

Yohanes 16:23

Eke hiren o ari sambit An nobam kino yig nituk amuhup fug-o. An ninuk baltuk wilil, Nikni akeleg-at obam kino yig ituk hisalug, Aren og hisahu-o.

Yohanes 21:18

Ari halug, Anden wene demat uruk amon etno kidia yig hisamin-o, hat hebe elege wilil, haserlog honggarehen-at ilunggun wataruk wilil, lamin ulug hahla buruk ambeg-at laruk atikin-o. Ariroho suruk atikinon oke, fobik sabal atuk aruhunteg, hinggik sikseg wereg healug, ap misihen hinggik hele waroko o misig lamin buhun fug ambeg-at hombahik lahu-o,” ulug yig epag.

Yohanes 3:3

Yig ituk apagma, At Yesus etnowen yig ituk wilil, “Wene demat urukon etno yig hisamin-o. Ap misig ebe birenam endag atuk eleg halug, At Allah weregma kuk ari hai-o,” ulug yig ituk apagma,

Yohanes 3:5

eke At Yesus etnowen yig ituk wilil, “Ari halug, An wene demat urukon etno yig hisamin-o. Ap misig ik fam inim, Roh Kudus fam inim endag atuk eleg halug, At Allah weregma kuk ari hai-o.

Yohanes 5:19

Eke fobik At Yesusen yig isaruk wilil, “An wene demat urukon etno yig hisamin-o. At Amloho etno onggareg ahla buluhen-at suruk eleg-o. At Iknien surukon epmano ilanggen halug-at suruk-o. Eke At Iknien suruk etno hag, At Amloho etno ariroho-at suruk-o.

Yohanes 5:27

Eke An nebe ari Allah Amloho halug, Anden aphe inoag del inabukon etno unde welamag ulug nobam imbirisi-o.

Yohanes 6:26

Yig ituk apagma, At Yesusen yig isaruk wilil, “Ari halug, An wene demat uruk amon etno yig hisamin-o. An noag weregsoho surukmu nearikibon epmano fam heag nabil wahep fug-o. We orom roti hinahumsoho narikibon epmano fam nebe heag nabil wahep-o.

Yohanes 6:32

Yig ituk apagma, At Yesus etnowen yig isaruk wilil, “Ari halug, An wene demat uruk amon etno yig hisamin-o. At Musaen og hisebag ari, orom roti boholmon etno og hisebag fug-o. At An Nikni etnowen hag orom roti boholmon etno og hisaruk-o.

Yohanes 6:47

Yig isaruk apareg, eke fobik yig isaruk wilil, “An wene demat uruk amon etno yig hisamin-o. It aphe An nobam ebetuk isalug, iniluk welamon etno-at holaruk-o.

Yohanes 6:53

Hinog waruk apagma, At Yesusen yig isaruk wilil, “Ari halug, An wene demat uruk amon etno yig hisamin-o. Hiren At Allah Amloho etno amep nenggeg, ebe nenggeg suruk eleg hisalug, hiniluk welamon etno holahup fug-o.

Yohanes 8:34

Yig ituk apagma, eke At Yesus etnowen yig isaruk wilil, “An wene demat uruk amon etno yig hisamin-o. Eke it yi aphe di aphe epmano dag suruk isalug, it inebe alem dag surukon etno anggimbu neken wereg-o.

Yohanes 8:51

Ari halug, Anden wene demat uruk amon etno yig hisamin-o. Eke it aphe obog wene Anden uruk ahion etno ilitoho suruk isalug, ari fam waramuhup fug-o,” ulug yig isebag.

Yohanes 8:58

Yig ituk apagma, eke At Yesusen yig isaruk wilil, “Ari halug, An wene demat uruk amon etno yig hisamin-o. Eke at Abraham etno awan endag atuk eleg heheg, An nebe welaheyag at-o,” ulug yig isebag.

Kisah Para Rasul 10:11

bohol healegke etnowen sum misig femag femag fikfag hele empat liloko belap irik waharukmu i og hebag.

Kisah Para Rasul 7:56

Ariroho weregma isaruk apareg, yig isaruk wilil, “Bohol healeg ambeg lema At Allah Amloho etno Ikni inggik bikit fil inim weregma isaruk ahi-o,” ulug yig isebag.

2 Tesalonika 1:7

Eke o fanoma ninombisahiog ulug wereg heheg, At Ninowe Yesus boholmen omalaikat oag werehon epmano inim ambik wamuhup-o.

2 Tesalonika 1:9

Imbisaruk amuhupmu, it epmano epma wilil, it At Allah olohore halug eleg At suon oag werehon etno inim welamuhup fug-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

Ibrani 1:14

Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

Yudas 1:14

It ap epmano inawene at Adam etamu Henokh etnowen uruk wilil, “At Allah omalaikat beribi-ribu epmano inim aphe oag del inabuog ulug og inaplug inim wamuhup-o.

Wahyu 19:11

Eke fobik boholma sok husig weregma nilanggen lahap haruk atikik­mu, wam kuda huluon misig waharisi-o. Waharukmu, wam etno amboloag fam ap misig waharisi-o. At ap waharision etno inuk Demat urukon soaleg welatisi-o. Inuk Demat soalehon etnowen aphe fano­roho-at inoag deloko imbisaruk wilil, yuhun-at o dagma imbisa­ruk atisi fug-o.

Wahyu 4:1

Eke fobik ni og haruk wilil, boholma sok husig weregma harikik-o. Haruk wilil, bilin une misig binggon suon une neken yig nitision etno fobik inim yig nituk wilil, “Hat hebe duma lahik wapmihinmu, fobik suhuon etno yanggul hipmin-o,” ulug yig nituk atisimu, At Roh Kudus etno nindimu kirisi-o.