Yohanes 1:49 - Allah Wene Hurumbik Keron

⁴⁹ Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 1:49 ပူးပေါင်းရင်းမြစ်များ

Matius 14:33

Eleg atuk apagma, eke At Yesus omini epmanowen obam sembahyang uruk wilil, “Hat hebe Allah Amloho demat welahen heyehe-o,” ulug yig epag.

Matius 2:2

Waharuk apareg, it etnowen hinog uruk wilil, “It Yahu­di ap inowe suon misig endag atision etno kema endoho we­reg-o? Aren angge soholoal wap etno iliko fil yet harukukseg, ebe heahi wabu­len ulug wahe-o,” ulug ebag.

Matius 21:5

“It aphe o Sion werehon epmano At Hinowe etno kidia hinambeg waharuk ulug yig isimuk-o. Eke At ebe indi seberoho wilil, fano mondog werehon etno wam keledai udag etno amboloag fam laruk-o, ulug hurumbik ebahon demat seg atisi-o ulug inahla bukag,” ulug ariro­ho yig isebag.

Matius 23:7

eke o onggo hundutuk ambeg epmano it apheyen heahi war ninabukag ulug sil laheg, eke it apheyen ‘Ninowe yanggul nisarukon wai,’ ulug yig nisawag ulug inahla beheg suk ari ninindi-o, ulug inindi ebetuk wilil, ariroho suruk-o.

Matius 23:8

Ariroho suruk oke, eke hit hag apheyen ‘Ninowe yanggul nisarukon’ ulug yig hisao ari hai-o. Hit obog nomin homin welahep etno fam, hinowe ebe misig-at wereg-o.

Matius 27:11

Eke fobik At Yesus etno it inowe suon Gubernur etnowen olohotma minduhupfulug unema hinog waruk wilil, “It Yahudi ap Inowe suon etno hat-at ano?” ulug hinog waruk apagma, At Yesus etnowen yig ituk wilil, “Ari demat ehen-o,” ulug yig epag.

Matius 27:42

“Ap du aphe inili waruk atision oke, eke enggareg hag ili holao hai atuk-o. At ebe etno it Israel ap Inowe suon eleg ulug uruk ahep ano? Eke At ebe kidia onggarehen e famen loloko ambik waharuk halug, niren demat ulug obam ebebul-o.

Matius 4:3

Orom obok hebareg weregma, At indi kahal­tukon iblis etno ambeg waharuk apareg, yig ituk wilil, “Hat Allah Amlo­ho-at wela­hen halug, helep du orom amagsoho hune yig imin-o,” ulug yig epag.

Markus 15:32

Ari halug, At Kristus it Yahudi ap inowe suon etno kidia e fam lenggaloko embeheson du hibiloko umbulug ambik wamag da. Ambik waharuk halug, nit ninilanggen haruk amulteg, demat ulug obam ninindi ebebulen-o,” ulug yamintal neken enggali wapag. Enggali watuk apagma, it biren inim e fam lenggalep isebahon etanowen inim-at At Yesus inenggal neken yig epag.

Lukas 1:35

at malaikat etnowen yig ituk wilil, “At Roh Kudus hobam belabik waharuk aruhureg, At Allah boholmen haso wereg heheg, udag hahumla aruhun-o. Hahumla atuk aruhunteg, fobik endetuk aruhunmu, it apheyen udag du At Allah Amloho-at, ulug yig ituk amuhup-o.

Lukas 19:38

“At Ninowe Ninikni inuk fam wahaon du At Allah ahien obam umbukag-o. Eke boholmen dambuk ninaptuk etno fam At Allah inuk suontepfuruk amuk-o,” ulug heahi watuk apag.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 1:34

Nilanggen hihireg, anden ap du Allah Amloho demat-o ulug yig hisaruk ahi-o,” ulug at Yohanes etnowen yig isebag.

Yohanes 1:38

Mutlug laruk apagma, At Yesus etno ambolma dahagsoho yet isaruk apag, it ap biren etano ombolim larukmu isaruk apareg, yig isaruk wilil, “Hit nongge heahil wahep-o?” ulug yig isebag. Ariroho yig isaruk apagma, it etanowen yig ituk wilil, “Ninowe yanggul nisarukon wai, Hat hibam kemen wahen-o?” ulug hinog yig ituk apagma,

Yohanes 1:50

Ariroho yig ituk apagma, At Yesus etnowen yig ituk wilil, “Anden hat hebe e siluk alma horieg weregma nil hiyihi-o, ulug yig hirihi etno fam, haren nobam ebetuk ahen-o. Ari halug, eke fobik sukfugangge suon etno surukmu hilanggen neahun-o,” ulug yig epag.

Yohanes 18:37

Yig ituk apagma, at Pilatus etnowen yig ituk wilil, “Ariroho ehen ari, Hat hebe etno it aphe nin inowe suon neken welahen hiyihi-o,” ulug yig ituk apagma, At Yesus etnowen yig ituk wilil, “Hat hebe it aphe nin Inowe suon welahen yig nerehen ari, haren-at ehen-o. Eke An nebe o kweanma duma ambik waharikikseg, endag atikik ari, wene demat uruk amon etno-at yig isiog ulug ambik waharikik-o. Eke it yi aphe di aphe wene demat uruk amon etno eberoko warukon halug, An nawene etno inesanggo holtuk-o,” ulug yig epag.

Yohanes 4:31

Waharuk apareg weregma, At omini epmanowen Yesus yig ituk wilil, “Ninowe yanggul nisarukon wai, Hat dot namihin ano,” ulug yig ituk apagma,