Yohanes 1:47 - Allah Wene Hurumbik Keron

⁴⁷ Yig ituk apagma, At Yesusen Natanael etno At ambeg waharukmu ilanggen haruk apareg, At awene etno uruk wilil, “At Israel ap misig enggal eheg eleg demat urukon etno du hinilanggen himiek-o,” ulug yig isebag.

Yohanes 1:47 ပူးပေါင်းရင်းမြစ်များ

Yohanes 2:25

Ariroho ahla beheg eleg weregma, it ninen aphe inobabut duroho wereg ulug yig um hai atuken yig ereheg eleg-at welapag. Ariroho wereg heheg, At Yesus akeleg-at it yi aphe di aphe inahla burukon etno obog-at iluk welapag-o.

Yohanes 4:16

Ariroho yig ituk apagma, At Yesusen yig ituk wilil, “Ari halug, hat hahun ayonggo lamihinteg, suhuluk wapmihin-o,” ulug yig epag.

Yohanes 8:31

Eke fobik At Yesusen it Yahudi ap At obam ebetuk apahon etno yig isaruk wilil, “Hit wene Anden yanggul hisaruk ahion etno ilitoho suruk ahep ari fam, hit An nomini-at welahep-o.

Yohanes 8:39

Ariroho yig isaruk apagma, eke it etnowen yig ituk wilil, “Nit ninetamu ari at Abraham at-o,” ulug yig ituk apagma, eke At etnowen yig isaruk wilil, “Hit hinebe at Abraham etamuki demat welatlepmen, aren sebahon etno ilitoho selep-o.

Roma 9:4

Eke it Israel ap ari At Allahen fuloko imbisebareg, At udaki welamag ulug endag inapag-o. Endag inaptuk wilil, inebe suontep iseheg, eke ninim welamuhuken ulug wene etno yig iseheg, eke wene duroho suruk amuk eke duroho suruk am fug ulug ebahon etno yig iseheg, eke hurumbik wene etno yig iseheg sebag-o.

Roma 9:6

Eke anden ihion ari, At Allahen hurumbik yig isebahon etno hai apag ulug yig hisaruk ahi fug-o. Eke it Israel aphe epmano it nin inobabut At Allahen udaki imig inapahon neken welapag fug-o.

Filipi 3:3

Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.

1 Petrus 2:1

Eke ari halug, it apheyen yi dag di dag surukon epmano seberoho sohorep isiek-o. Eke hinenggal urukon inim, nambit hambit urukon etno inim, aphe inobam denggeltukon epmano inim obog-at sohorep isiek-o.

1 Petrus 2:22

At Kristus etno mondog dag seheg eleg wilil, enggal wene uruk apag fug-o. Eke inune dahon obam yig epahon oke Aren une dahon it inobam yig isebag fug-o.

Wahyu 14:5

Inebe og isaruson epmano, kweanmen inenggal eheg eleg-at wilil, it fano mondog-at suruk atusa-o.