Yohanes 1:46 - Allah Wene Hurumbik Keron

⁴⁶ Yig ituk apagma, eke at Natanael etnowen uruk wilil, “Eleg-o, o Nazaret epma yi angge di angge fanowon alem eleg-o,” ulug yig epahon oke, at Filipus etnowen yig ituk wilil, “Hilanggen hamihinen ma-o,” ulug yig epag.

Yohanes 1:46 ပူးပေါင်းရင်းမြစ်များ

Matius 10:3

eke it Filipus, Bartolomeus etno inim, eke it Tomas, Matius uang onggo kino urukon etno inim, at Alfeus amloho Yakobus etno inim, eke Tadeus etno inim,

Matius 2:23

Laruk apa­reg, o inuk Nazaret etno welapag. Epmano we­regma, At Yesus inuk Nazareton at-o, ulug bilin it nabi aben holal embe­bahon etno ari demat hehe-o, ulug inahla buruk apag.

Lukas 12:57

At Yesusen yig isaruk wili, “Eke hit hinonggarehen fanoroho suhuken ulug hinahla buruk ahep fug ari, keroho ulug suruk ahep-o?

Yohanes 1:44

Laruk apareg, at Filipus etno ibam o Betsaida, it Andreas, Petrus inibam etno weregma ilanggen hebag. Ilanggen haruk apareg, yig ituk wilil, “Hat ninim lulen ma-o,” ulug yig epag.

Yohanes 1:45

Yig ituk apagma, at Filipus etnowen at Natanael weregma ilanggen hebag. Ilanggen haruk apareg, yig ituk wilil, “At Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inimen ap misig ahurumbik ebahon etno ebe kidia ninil hehe-o. Ninil heheon ari, At Yesus, Yusuf amloho ibam Nazareton etno ninilanggen hehe-o,” ulug yig epag.

Yohanes 12:21

Wamuog ulug, at Filipus ibam Betsaida Galileaon etno ambeg waharuk apareg yig ituk wilil, “Ninomin-o, nit kidia At Yesus ninilanggen huog ulug wahe-o,” ulug yig epag.

Yohanes 14:8

Yig isaruk apagma, eke at Filipus etnowen yig ituk wilil, “Nowe-o, Hat Hikni etno ebe ninilanggen hulen yanggul nisimin-o. Kidia arat yanggul nisamihinmu, nit niniluk arikon-o,” ulug yig epag.

Yohanes 4:29

“Ap misig anden yiroho diroho suruk atikikon epmano obog-at bukaloko yig nerehekon dina hinilanggen halihiben maniek-o. At ebe Kristusen-at yig nerehek ano?” ulug yig isaruk apareg,

Yohanes 6:5

Horie uruk apareg, At Yesus etno ilanggen wenag inaptuk apag it aphe obog At ambeg waharukmu ilanggen isaruk apareg, at Filipus etno yig ituk wilil, “It aphe duma orom ilitoho og isulen kema onggo balik luk-o?” ulug yig ituk apagma,

Yohanes 6:7

Yig ituk apagma, at Filipus etnowen yig ituk wilil, “Nit orom ebe uang anggen anggolo fam onggo baltomen, it aphe anggolo duma orom etno inahumsoho nelep fug-o,” ulug yig epag.

Yohanes 7:52

eke it etnowen yig ituk wilil, “Ariroho ehen ari, hat hebe inim-at o Galilea etnowen endag atuk senag ano? Ari halug, Alkitab wene holal baleg etno fikfag wane suruk aruhunteg, ap nabi ap misig o Galileaen waruhu fug ulug yig nisebahon etno hiluk aruhun-o,” ulug yig epag.

1 Tesalonika 5:21

Eke yi angge di angge surukon etno obog-at inaren balepfulug fanowon halug seneg welamuk-o.