Yohanes 1:45 - Allah Wene Hurumbik Keron

⁴⁵ Yig ituk apagma, at Filipus etnowen at Natanael weregma ilanggen hebag. Ilanggen haruk apareg, yig ituk wilil, “At Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inimen ap misig ahurumbik ebahon etno ebe kidia ninil hehe-o. Ninil heheon ari, At Yesus, Yusuf amloho ibam Nazareton etno ninilanggen hehe-o,” ulug yig epag.

Yohanes 1:45 ပူးပေါင်းရင်းမြစ်များ

Matius 10:3

eke it Filipus, Bartolomeus etno inim, eke it Tomas, Matius uang onggo kino urukon etno inim, at Alfeus amloho Yakobus etno inim, eke Tadeus etno inim,

Matius 13:55

Ari halug, At ebe at ap o faltukon etno amloho ano? Eke At isina Maria, At osi Yakobus, Yusuf, Simon, Yudas etno eleg buruk ahep ano?

Matius 2:23

Laruk apa­reg, o inuk Nazaret etno welapag. Epmano we­regma, At Yesus inuk Nazareton at-o, ulug bilin it nabi aben holal embe­bahon etno ari demat hehe-o, ulug inahla buruk apag.

Matius 21:11

“Ap du At Yesus o Galilea Nazaret ap etno Allah wene yig nisa waharision etno ebe du at-o,” ulug uruk apag.

Markus 14:67

Waharuk apareg, at Petrus etno sohiken inggik hondokma ke surukmu haruk apareg, ebe ilanggen bikharuk wilil yig epag, “Hat hebe Yesus Nazaret ap etno hinim welahebon-at hiyihi-o,” ulug yig epag.

Markus 6:3

Ari halug, At ebe at Maria amloho ap o faltukon etno-at ano? Eke At osi Yakobus, Yoses, Yudas, Simon etano eleg buruk ahep ano? Eke At aholani o duma ninim welahe epmano hinapeleg ano?

Lukas 18:37

Uruk apagma, it epmanowen yig ituk wilil, “At Yesus Nazaret ap etno laruk-o,” ulug yig ituk apagma,

Lukas 2:4

At Yusuf etno Daud etamu halug, o Galilea Nazaret epmanowen o Yudea Betlehem at Daud welapag ambeg etno lebag.

Lukas 2:48

Fog surukmu, At ikni isina etano inilanggen haruk apareg, inakol hebag. Inakol haruk apareg, At isina etnowen yig ituk wilil, “Namloho-o, Hat keroho ulug ariroho suruk ahen-o? Nit hikni hisina kema aha ulug ninindi angginen heag habil lahereg wahe-o,” ulug yig ituk apagma,

Lukas 24:27

Yig isaruk apareg, eke fobik At Yesus etnowen at Musaen wene embebahon etno inim, eke it nabi ap obohen wene embebahon epmano inim, At Yesus ahurumbik Alkitab fam weregma obog dindiloko yig isebag.

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Lukas 3:23

At Yesus endag atuk apareg, tiga puluh tahun welapag. Welapareg, At Allahen eyabuk og epahon epmano siog ulug surukmu, it apheyen du Yusuf amloho at-o ulug inahla buruk apag. Inahla buruk apareg weregma, eke at Yusuf etno Eli amloho welapag.

Lukas 4:22

it epmanowen, “Wi, ap du wene fano yig nisaruk-o,” ulug fog suruk apag. Fog suruk apareg, uruk wilil, “Ap du Yusuf amloho-at ano?” ulug uruk apagma,

Yohanes 1:44

Laruk apareg, at Filipus etno ibam o Betsaida, it Andreas, Petrus inibam etno weregma ilanggen hebag. Ilanggen haruk apareg, yig ituk wilil, “Hat ninim lulen ma-o,” ulug yig epag.

Yohanes 12:21

Wamuog ulug, at Filipus ibam Betsaida Galileaon etno ambeg waharuk apareg yig ituk wilil, “Ninomin-o, nit kidia At Yesus ninilanggen huog ulug wahe-o,” ulug yig epag.

Yohanes 14:8

Yig isaruk apagma, eke at Filipus etnowen yig ituk wilil, “Nowe-o, Hat Hikni etno ebe ninilanggen hulen yanggul nisimin-o. Kidia arat yanggul nisamihinmu, nit niniluk arikon-o,” ulug yig epag.

Yohanes 18:5

eke it epmanowen yig ituk wilil, “Nit At Yesus ibam Nazareton etno heahil wahe-o,” ulug yig epag. Yig ituk apagma, eke At etnowen yig isaruk wilil, “An nebe etno du-at welahi-o,” ulug yig isebag.

Yohanes 18:7

Yig atuk apagma, eke At Yesusen fobik yig isaruk wilil, “Hit hinebe sa heahil wahep-o?” ulug yig isaruk apagma, eke it epmanowen yig ituk wilil, “Nit At Yesus ibam Nazareton etno heahil wahe-o,” ulug yig epag. Yig ituk apagma, eke At Yesus etnowen yig isaruk wilil, “An nebe bilin du welahi ulug arat yig hisihi-o.

Yohanes 19:19

Lenggaloko umburuk apagma, at Pilatus etnowen holal umburuk wilil, “Ap du it Yahudi ap Inowe suon inuk Yesus ibam Nazareton etno at-o,” ulug holal etno it Ibrani, Latin, Yunani inune fam akeleg sik-at baloko At Yesus ahe etno fam embebag.

Yohanes 21:2

Waharuk apag At Simon Petrus etno inim, eke at Tomas inuk misig Hulip udag etno inim, eke at Natanael ibam o Galilea Kanaon etno inim, eke it Zebedeus udaki etno inim, eke At Yesus omini biren inim obog-at baluroho welapag.

Yohanes 6:42

“Ap du at Yusuf amloho Yesus etno-at haruk ahe-o. Eke At ikni isina etano nit niniluk oke, Aren An boholmen ambik waharikik uruk du keroho ulug uruk-o?” ulug uruk apagma,

Yohanes 6:5

Horie uruk apareg, At Yesus etno ilanggen wenag inaptuk apag it aphe obog At ambeg waharukmu ilanggen isaruk apareg, at Filipus etno yig ituk wilil, “It aphe duma orom ilitoho og isulen kema onggo balik luk-o?” ulug yig ituk apagma,

Yohanes 6:7

Yig ituk apagma, at Filipus etnowen yig ituk wilil, “Nit orom ebe uang anggen anggolo fam onggo baltomen, it aphe anggolo duma orom etno inahumsoho nelep fug-o,” ulug yig epag.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Kisah Para Rasul 22:8

eke anden yig ituk wilil, ‘Nowe, Hat sen yig nituk ahen-o?’ ulug yig ituk atikikmu, At une etnowen yig nituk wilil, ‘Hat An Yesus Nazaret ap etno nowariog ulug waharuk ahen arien yig hituk ahi-o,’ ulug yig nitisi.

Kisah Para Rasul 26:9

Eke an nebe bilin At Yesus Nazareton etno inuk eleg amag ulug o Yerusalem etno sil nuruk atikik-o.

Kisah Para Rasul 3:6

at Petrus etnowen yig ituk wilil, “An nahuang elehen anden angge misig og hipminmu, hat hebe At Yesus Kristus Nazaret ap etno inuk fam minatlug lamihin-o,” ulug yig ituk apareg, inggik bikit fil senoko minduhupfebag.