Yohanes 1:44 - Allah Wene Hurumbik Keron

⁴⁴ Laruk apareg, at Filipus etno ibam o Betsaida, it Andreas, Petrus inibam etno weregma ilanggen hebag. Ilanggen haruk apareg, yig ituk wilil, “Hat ninim lulen ma-o,” ulug yig epag.

Yohanes 1:44 ပူးပေါင်းရင်းမြစ်များ

Matius 10:3

eke it Filipus, Bartolomeus etno inim, eke it Tomas, Matius uang onggo kino urukon etno inim, at Alfeus amloho Yakobus etno inim, eke Tadeus etno inim,

Matius 11:21

“Hit Korasim Bet­saida ap du hinabua-o. An bilin sukfugangge­roho hit hinanggelegmen suruk atikikon etno o Tirus Sidonen suruk atlemen, amuk it aphe epmen dag surukon etno sohorep isehe ulug, sum ahe dahon wanteheg, eke ul inung­gulu­agma ombateheg selep-o.

Markus 3:18

eke at Andreas etno inim, eke at Filipus etno inim, eke at Bartolomeus etno inim, eke at Matius etno inim, eke at Tomas etno inim, eke at Yakobus Alfeus amloho etno inim, eke at Tadeus etno inim, eke at Simon Zelot ap etno inim,

Markus 6:45

Orom roti etno arat naruk apagma, At Yesusen it aphe epmano lahap isaruk apareg, At omini epmano yig isaruk wilil, “Hit hinebe bilin ikma so fam epma kuruk atlihipseg, ik femag o Betsaida epmano laruk amiek-o,” ulug yig isebag.

Markus 8:22

Yig isaruk apareg, eke fobik o Betsaida lebag. Laruk apagma, it aphe epmanowen ap ilanggen buhon misig walug, At ambeg imbik waharuk apareg, kino yig ituk wilil, “Ap du obam hinggik sen himin-o,” ulug yig epag.

Lukas 10:13

Eke fobik At Yesusen yig isaruk wilil, “Ae, hit Khorazim Betsaida ap du hinabua-o. An bilin sukfuganggeroho hit hinanggelegmen suruk atikikon epmano o Tirus Sidonen suruk atlemen, amuk it aphe epmen dag surukon epmano sohorep isehe ulug bukal amag ulug kunuk eheg, eke sum ahe dahon wanteheg, eke ul inungguluagma ombateheg selep-o.

Lukas 6:14

Minduhup isebahon ari, misig inuk Simon, fobik inuk Petrus soalfahon etno inim, eke at ot Andreas etno inim, Yohanes inim, Yakobus inim, Filipus inim, Bartolomeus inim,

Lukas 9:10

Eke fobik At Yesusen omini mondep isebahon epmano iniog suhuluk waharuk apareg, iren sil nuruk apahon epmano obog dindiloko At Yesus etno yig epag. Yig ituk apagma, At Yesusen og inaplug, inakeleg-at o misig inuk Betsaida etno lebag.

Yohanes 1:43

Yig ituk apareg, noholug ilikia At Yesus etno o Galilea laminen ulug ahla buruk apareg lebag.

Yohanes 1:45

Yig ituk apagma, at Filipus etnowen at Natanael weregma ilanggen hebag. Ilanggen haruk apareg, yig ituk wilil, “At Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inimen ap misig ahurumbik ebahon etno ebe kidia ninil hehe-o. Ninil heheon ari, At Yesus, Yusuf amloho ibam Nazareton etno ninilanggen hehe-o,” ulug yig epag.

Yohanes 1:46

Yig ituk apagma, eke at Natanael etnowen uruk wilil, “Eleg-o, o Nazaret epma yi angge di angge fanowon alem eleg-o,” ulug yig epahon oke, at Filipus etnowen yig ituk wilil, “Hilanggen hamihinen ma-o,” ulug yig epag.

Yohanes 1:48

Yig isaruk apagma, eke at Natanael etnowen yig ituk wilil, “Hat an nebe hiluk ahen ari, keroho ulug hiluk ahen-o?” ulug yig epag. Yig ituk apagma, eke At Yesus etnowen yig ituk wilil, “At Filipusen hebe awan wol hearuk eleg heheg, e siluk etno alma horieg weregma, nilanggen hiyihi-o,” ulug yig epag.

Yohanes 12:21

Wamuog ulug, at Filipus ibam Betsaida Galileaon etno ambeg waharuk apareg yig ituk wilil, “Ninomin-o, nit kidia At Yesus ninilanggen huog ulug wahe-o,” ulug yig epag.

Yohanes 12:22

Yig ituk apagma, at Filipus etnowen Andreas etno yig irik waharuk apareg, inim atlug At Yesus etno yig irik lebag.

Yohanes 6:5

Horie uruk apareg, At Yesus etno ilanggen wenag inaptuk apag it aphe obog At ambeg waharukmu ilanggen isaruk apareg, at Filipus etno yig ituk wilil, “It aphe duma orom ilitoho og isulen kema onggo balik luk-o?” ulug yig ituk apagma,

Yohanes 6:7

Yig ituk apagma, at Filipus etnowen yig ituk wilil, “Nit orom ebe uang anggen anggolo fam onggo baltomen, it aphe anggolo duma orom etno inahumsoho nelep fug-o,” ulug yig epag.

Kisah Para Rasul 1:13

Amburuk apareg, it wereg ambeg inibam umbo epmano lahabag. Lahabareg weregma, it Petrus, Yakobus inim, eke it Yohanes, Andreas inim, eke it Filipus, Tomas inim, eke it Bartolomeus, Matius inim, eke it Alfeus amloho Yakobus, Simon inuk misig Zelotes etano inim, eke at Yakobus ot Yudas etno inim obog dambuksoho welapag.