Yohanes 1:43 - Allah Wene Hurumbik Keron

⁴³ Yig ituk apareg, noholug ilikia At Yesus etno o Galilea laminen ulug ahla buruk apareg lebag.

Yohanes 1:43 ပူးပေါင်းရင်းမြစ်များ

Matius 10:3

eke it Filipus, Bartolomeus etno inim, eke it Tomas, Matius uang onggo kino urukon etno inim, at Alfeus amloho Yakobus etno inim, eke Tadeus etno inim,

Matius 4:12

Eke fobik it ninen at Yohanes hele watusa-o, ulug urukmu At Yesus esanggo holtuk apareg, o Galilea wapag.

Matius 8:22

At Yesusen yig ituk wilil, “Hat An ninim sil nuruk amuhuken ma-o. Eke it waratukon etnowen hag it warehon epmano kweanma salep isaruk amag ulug sohorep isin-o,” ulug yig epag.

Matius 9:9

Eke fobik At Yesus etno o epmano sohorep isalug, wilip atuk apareg, at ap inuk Matius etno uang onggo kino urukon welapag. At epmano o faleg ambeg horieg weregma ilanggen hebag. Ilanggen haruk apareg, yig ituk wilil, “Ninim lulen ma-o,” ulug yig ituk apagma, at Matius etno minatuk apareg inim lebag.

Lukas 19:10

Eke it aphe bilin nuk atuson epmano heako imbisaruk atikikseg, inili wiog ulug An Allahen minduhup naharision etno waharikik-o,” ulug At Yesusen yig isebag.

Yohanes 1:28

Yig isaruk apareg, eke fobik at Yohanes etnowen o Betania ik Yordan le femag epmanowen aphe ikma belap inaptuk apag.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 1:35

Yig isaruk apareg, noholug ilikia at Yohanes omini biren inim o epmano wilil,

Yohanes 1:37

at omini biren etano inesanggo holtuk apareg, At Yesus mutlug lebag.

Yohanes 1:44

Laruk apareg, at Filipus etno ibam o Betsaida, it Andreas, Petrus inibam etno weregma ilanggen hebag. Ilanggen haruk apareg, yig ituk wilil, “Hat ninim lulen ma-o,” ulug yig epag.

Yohanes 12:21

Wamuog ulug, at Filipus ibam Betsaida Galileaon etno ambeg waharuk apareg yig ituk wilil, “Ninomin-o, nit kidia At Yesus ninilanggen huog ulug wahe-o,” ulug yig epag.

Yohanes 14:8

Yig isaruk apagma, eke at Filipus etnowen yig ituk wilil, “Nowe-o, Hat Hikni etno ebe ninilanggen hulen yanggul nisimin-o. Kidia arat yanggul nisamihinmu, nit niniluk arikon-o,” ulug yig epag.

Yohanes 2:11

Yig ituk apagma, At Yesus etno o Kana Galilea epmen alem sukfuganggeroho suruk apag ari fam, ap du suon ulug selegma atuk apagma, At omini epmanowen At obam demat ulug ebetuk apag.

Yohanes 6:5

Horie uruk apareg, At Yesus etno ilanggen wenag inaptuk apag it aphe obog At ambeg waharukmu ilanggen isaruk apareg, at Filipus etno yig ituk wilil, “It aphe duma orom ilitoho og isulen kema onggo balik luk-o?” ulug yig ituk apagma,

Yohanes 6:7

Yig ituk apagma, at Filipus etnowen yig ituk wilil, “Nit orom ebe uang anggen anggolo fam onggo baltomen, it aphe anggolo duma orom etno inahumsoho nelep fug-o,” ulug yig epag.

Filipi 3:12

Nomini-o, anden fanowon etno arat holarikik ulug suontepataruk wilil uruk ahi fug-o. Eke At Kristus Yesus etnowen nili wiog ulug nebe og naplug waharisi etno fam, an fanowon etno huliog ulug suruk ahi-o.

1 Yohanes 4:19

Bilin nit ninebe At Allah indi hunduhuk welapareg fam, eke ninim hunduhuk welahe-o.