Yohanes 1:4 - Allah Wene Hurumbik Keron

⁴ Wene iniluk amon etno aphe inindimu seleg amag ulug og isebag. Og isebag ari, o seleg etno fam o hikmu yangguk amag ulug og isebag.

Yohanes 1:4 ပူးပေါင်းရင်းမြစ်များ

Matius 4:16

it aphe inung­guluag dombog o hikmu horieg welapa­hon ari, fobik yangguk suon haru­sa-o. It aphe waratuk ambeg sanggunmu werehon epma­no selegma atisi-o,” ulug holal embe­bag.

Lukas 2:32

Eke ap selemon halug, o yangguk du fam iniluk aruhu-o. Eke it Hat hudaki Israel ap halug, ininuk suon aruhu-o,”

Yohanes 11:25

Eke it yi aphe di aphe An nobam ebetuk isalug, inebe waramuhubon oke, iniluk amuhup-o.

Yohanes 12:35

Yig ituk apagma, eke At Yesusen yig isaruk wilil, “At o seleg etno hininggik dorat hinim welamuhup-o. Eke hit o hik ambeg epmano welahe ha etnowen ulug, o seleg etno mutlug laruk amuk-o. Eke it yi aphe di aphe nin o hikmu larukon epmano, epma laruk ahe ulug inapeleg-at wereg-o. Ari halug, hit At o seleg etno hinim wilil, At obam-at hinindi ebetuk amuk-o. Ariroho ebetuk hisalug, hit hinebe o seleg etno udaki-at welamuhup-o,” ulug yig isebag.

Yohanes 12:46

Eke it yi aphe di aphe obog An nobam ebetukon epmano o hikmu neken welam nowen ulug An o seleg o kweanma duma waharikik-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 3:19

Inebe oag deloko imbisarisi etno, iren duroho suruk isalug imbisarisi-o, At o seleg etno o kweanma duma waharision oke, it aphe epmano dag-at suruk ari fam, o seleg etno sohorep isalug, o hubanggo welamon etno holarusa-o.

Yohanes 5:21

Eke At Iknien it aphe warehon epmano iniluksoho minduhup isaruk etno hag, At Amloho etnowen it du inilukep isahuk ulug onggareg ahla buruk atlug-at inilukep isaruk-o.

Yohanes 5:26

Eke At Ikni iniluk welamon unde wereg etno hag, At Amloho etno iniluk welamon ari-at unde welamag ulug nobam imbirisi-o.

Yohanes 8:12

Eke fobik At Yesus etnowen yig isaruk wilil, “It aphe kweanmon duma selehap inaptukon etno An at-o. Eke it yi aphe di aphe obog-at An mug naplug laruk etno fam, o seleg iniluk welamon etno holahupseg, o hikmu laruk amuhup fug-o,” ulug yig isebag.

Yohanes 9:5

Eke An nebe o kweanma duma wilil, it yi aphe di aphe o duma werehon obog-at selehap inaptuk ahi-o,” ulug yig isebag.

Kisah Para Rasul 26:23

‘At Kristus obam dahon etno umbulug watuk amuhupmu, At Ninowe manggia etno it aphe warehon wereg ambehen iluksoho minatlug, it Yahudi ap inim, eke it Allah wene inapelehon inim obog-at ninili wawon wene etno yig isaruk aruhu-o,’ ulug hurumbik ebahon etno yig hisaruk ahi-o,” ulug at Paulusen yig isarisi. At Paulusen wene ariroho yig isaruk atisimu,

1 Korintus 15:45

Eke wene Alkitab holal baleg embebahon etno fam yig nisaruk wilil, “Eke at Adam bilinon etno ebe bilin wal hebareg, indi ilukon etno fobik og epag-o.” Eke At Adam fobikon etno At ahurangge fam aphe iniluk inaptukon-at wereg-o.

Efesus 5:14

Eke yi wene di wene bukaloko yig nisarukon ari o seleg etno ilitoho wereg-o. Eke ari fam Alkitab etnowen yig nisaruk wilil, “Hat nohoruk ahen du hiluk amin-o. Hiluk atlug it warehon wereg ambeg eke warehon neken welamon etno sohorep isalug, hiluksoho minamin-o.

Kolose 3:4

Eke At Kristus hit hinim welahep etno fam, At ebe suon etno waharuk aruhumu, At hinim hinoag weregsoho hinombisahaku-o.

1 Yohanes 1:1

Wene ninilukep nisaharukon etno yanggul hisiog ulug holal du balhisihi-o. Wene ari, o amuken welapahon etno eke kidia ninesanggo holtuk wilil, ninilanggen haruk ahe-o, eke At wene urukon ari ninilanggen harukuk-o, eke At ebe fag harukuk-o.

1 Yohanes 1:2

Wene etno selegma atisimu harukuk-o. Harukuk halug, kidia uruk ahe-o. Eke hit yig hisarukukon ari, wene niniluk welamon wene etno At Allah Ninikni inim itog mondog welapagma, fobik selegmaroho yig nisebag-o.

1 Yohanes 5:11

Ari halug, wene yig nisarukon etno du at-o, At Allahen niniluk welamon etno og nisebag, At Amloho og nisebag halug, ari niniluk welamon etno-at og nisebag-o.

Wahyu 22:1

Nin eke at malaikat etnowen At Allah inim, At Wam Domba Udag etno inim horie uruk ambehen ik ilukon etno funal­tukmu heag nitisi-o. Ik etno olohore mondog fanowon-at heag nitisi-o.

Wahyu 22:16

An Yesusen yi angge di angge aphe jemaat Allah wene urukon epmano yig isiug ulug nomalaikat etno belabik waharikik-o. Eke An nebe etno at Daud etamu wilil, soholoal wap etno ilitoho-at welahi-o,” ulug irisi-o.