Yohanes 1:36 - Allah Wene Hurumbik Keron

³⁶ At Yesus larukmu ilanggen haruk apareg, yig isaruk wilil, “At Allahen anggom domba udag og nisarision du hinilanggen himiek-o,” ulug yig isaruk apagma,

Yohanes 1:36 ပူးပေါင်းရင်းမြစ်များ

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 1:37

at omini biren etano inesanggo holtuk apareg, At Yesus mutlug lebag.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.