Yohanes 1:29 - Allah Wene Hurumbik Keron

²⁹ Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 1:29 ပူးပေါင်းရင်းမြစ်များ

Matius 1:21

Eke udag ebe endetuk halug, inuk Yesus-at soaluhun-o. Eke it apheyen dag surukon elegsoho apma imbisalug inili wahu halug, inuk ari-at soaluhun-o.

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Yohanes 1:35

Yig isaruk apareg, noholug ilikia at Yohanes omini biren inim o epmano wilil,

Yohanes 1:36

At Yesus larukmu ilanggen haruk apareg, yig isaruk wilil, “At Allahen anggom domba udag og nisarision du hinilanggen himiek-o,” ulug yig isaruk apagma,

Yohanes 1:43

Yig ituk apareg, noholug ilikia At Yesus etno o Galilea laminen ulug ahla buruk apareg lebag.

Yohanes 2:1

Eke fobik ininggik biren welapareg, o Kana Galilea epmano ap misihen hwe misig onggo wiog ulug sebag. Onggo wiog ulug sebareg weregma, At Yesus isina inim,

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Yohanes 4:42

at hwe etno yig ituk wilil, “Nit bilin haren yig nisehenon etno fam At obam ebereheon etno sohorep isalug, kidia ninonggarehen At une ninesanggo holtuk ahereg, Ap du nit kweanmon ninili warukon demat-o ulug ninahla buruk ahereg, ninindi ebetuk ahe-o,” ulug yig epag.

Yohanes 6:51

Eke orom iniluk inaptukon boholmen ambik waharision etno ari An at-o. Eke orom roti iniluk inaptukon etno naruk isalug, iniluk mondog welamuhup-o. Eke orom roti Anden og isahukon ari, it yi aphe di aphe kweanmon obog-at iniluk welamag ulug An nebe etno-at og isahuk-o,” ulug yig isebag.

Kisah Para Rasul 8:32

inim wane suruk apag, At Yesayaen uruk wilil, “At ebe etno wam domba neken senoko wabukag ulug welapag-o. Eke wam domba udag misig iruk baltukmu, une uruk eleg etno ilitoho une eleg-at welapag-o.

1 Korintus 15:3

Eke an og nebahon alem neken hit og hisaruk seyahon wene etno ebe du at-o, eke nit dag suruk nisalug, wene holal balfahon Alkitab fam wereg etno ilitoho At Kristus ebe nit ninonggo-at warapag-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Galatia 1:4

Eke o dagma welahe ambeg dumen ninili wawag ulug At Ninikni Allahen ahla buruk apareg fam, At Kristus nit dag suruk aheon ninonggo bal ninabiog ulug warapag-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

1 Timotius 2:6

Eke At Yesus ari nit yi aphe di aphe obog-at ninonggo warapag-o. Eke At etno bilin warapareg fam, At Allahen aphe obog ninili wiog ulug suruk-o, ulug niniluk atuk-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

1 Petrus 1:19

At Kristus obabut mondog fanowon amep onggo ulug embebag etno hit hiniluk-o. Eke At Allahen o kweanma awan wal haruk wilil,

1 Petrus 2:24

Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.

1 Yohanes 3:5

Eke At Kristus mondog dag sebag fuhon oke, nit dag suruk aheon epmano ninapelegsoho apma ninombisahukag ulug kweanma ambik wapag-o.

1 Yohanes 4:10

Eke bilin nit Allah ninindi hunduhuk welatuk sowag fug. Aren nit indi hunduhuk wilil Amloho belap nisa wapag. Ari niren dag suruk aheon etno apma seberoho umbukag ulug belap nisa wapag.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 12:11

Eke At Wam Domba Udag etnowen amep inake delfag halug, it ninomini epmanowen at setan etno seberepfehesa-o. Eke it epmanowen wene demat urukon etno yig isaruk wi­lil, nit waram fano at-o, ulug uruk atusa-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.

Wahyu 14:1

Eke fobik an nilanggen haruk atikikmu, At Wam Domba Udag etno dom Sion etno fam minduhuk welatisi-o. Epma minduhuk wi­lil, it inebe seratus empat puluh empat ribu epmano At inuk inim, eke At Ikni inuk etno inim inilahoag fam holal baleg werehon epmano inim minduhuk weregma, an nilanggen isarikik-o.

Wahyu 14:10

eke ininggikmu, eke inilahoagma walo aholal werehon etno inim, At Allahen asineroho dahon etno inobam umbuhu-o. Eke it malaikat epmano inim, eke At Wam Domba Udag etno inim inolohotmen it obog dag suruson epmano o hondok olokma welamuhup-o.

Wahyu 14:4

Inebe seratus empat puluh empat epmano inuhwesi holeheg eleg-at ap elege neken welatusa-o. Ariroho wilil, At Wam Domba Udag etno laruk ambeg epmano-at inim mutlug larusa-o. Ariroho laruk atusareg fam it aphe kweanmon inanggelegmen inili oko, inowesi bilinon neken At Allah inim, eke At Wam Domba Udag etno inim og isarusa-o.

Wahyu 15:3

Og isaruk atisimu, eke it epmanowen at Musa Allah anggimbu etno inim, eke At Wam Domba Udag etno inimen di uruson etno iren uruk wilil, “Ninikni suon Allah wai. Haren sukfuganggeroho suruk ahen etno fanowon demat suruk ahen-o. Ari halug, it yi aphe di aphe Inowe suon Hat-at welahen-o, Ninowe.

Wahyu 17:14

Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.

Wahyu 19:7

Ariroho weregma, ninahien haruk wi­lil, At Allah inuk-at suontepfuruk amuk-o. Eke ap misihen uhwe holaruk etno hag, kidia At Wam Domba Udag etno udaki inim wela­mon etno horog fanggog ehek-o.

Wahyu 19:9

Ariroho uruk atusama, eke fobik at malaikat etnowen yig nituk wilil, “Duroho holal imbimihin-o. It At Wam Domba Udag etno inim esoho etno naruk amuhubon halug, inahien anggolo hahup-o,” ulug uruk atisireg, eke fobik yig nituk wilil, “At Allahen demat ehekma, yig hirihi,” ulug yig nitisi-o.

Wahyu 21:14

Ariroho baleg weregma, o etno andorli helep dua bela­sen angge etno fam it At Wam Domba Udag etnowen omini mondep isebahon epmano ini­nuk dua belas holal baleg weregma harikik-o.

Wahyu 21:27

yi angge di angge sabele werehon inim, eke yi aphe di aphe dag suruk wilil ineng­gal urukon inim o etno kurusa fug-o. It dag surukon ari o keron etno fam keheg eleg weregma, it iniluk welamon holal baleg At Wam Domba Udahen angge etno fam ininuk werehon halug o etno kuruk atusa-o.

Wahyu 21:9

Eke fobik it malaikat inebe sabiren angge ik oag olokon senetuson etno at misig nambeg waharuk atisireg, yig nituk wilil, “At Yesus udaki welamuhup ambeg epmano yanggul hipminen ma-o,” ulug yig nitisi-o.

Wahyu 5:6

Yig nituk atisimu, Wam Domba Udag neken horie uruk ambeg bulmu minduhuk wereg heheg, it inebe empat iniluk werehon epmano inim, eke it penatua epmano inim dahagsoho weregma isarikik-o. Isaruk wilil, eke Wam Domba Udag etno warapahon neken wereg harikik-o. Haruk wilil, Wam Domba Udag etno ungguluagma ayeg sabiren angge lahabehon etno inim, eke At Allahen angge ahurangge inebe sabiren angge o kweanma lahabik waharision epmano ilitoho ulug ilanggen sabiren angge epmano inim weregma harikik-o.

Wahyu 5:8

At Wam Domba Udag etnowen hola­ruk atisimu, it inebe empat iniluk werehon epmano inim, eke it penatua inebe dua puluh empat epmano inim At Wam Domba Udag etno ambeg inindibahal yungguksoho horie uruk wilil, binggon inuk kecapi etno inim, eke At Allah udakien sembahyang urukon epmano ilitoho ulug ik oag emas fam sehon etno inim ininggikmu senetu­sa-o.

Wahyu 6:1

Eke fobik nilanggen haruk neyeheg, At Wam Domba Udag etno holal baleg hele homahowon etno misig yumbuk suruk atisimu, it inebe empat iniluk werehon etano at misihen une suon o serlemban neken yig nituk wilil, “Hat hebe ma-o,” ulug yig nituk atisimu, nilanggen harikik-o.

Wahyu 6:16

it helep inim, dom inim inune suon yig isa­ruk wilil, “At horie urukon etnowen ninebe heag ninaptukmu, At Wam Domba Udag etnowen o dagma ninombisahuk nowen ulug, hiren seberep nisahalug ninebe herahap nisahiek-o.

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.

Wahyu 7:17

Eke At Wam Domba Udag horie uruk ambeg bulmu werehon etnowen inaso wilil, it epmano ik fanowon ilukon elerukmu epmano nawag ulug og inaplug laruk aruhu-o. Og inaplug larukmu, eke At Allahen inil ambusu ho inaptuk aruhu-o,” ulug yig nitukmu nesanggo holtikik-o.