Yohanes 1:21 - Allah Wene Hurumbik Keron

²¹ it epmanowen yig ituk wilil, “Ari halug, hat hebe sa ilitoho welahen-o? At Elia ilitoho welahen ano?” ulug yig ituk apagma, at etnowen, “An at Elia ilitoho welahi fug-o,” ulug yig isaruk apagma, it epmanowen, “Halug, hat hebe at nabi ap At Allah ahurumbik yig isiog ulug waruhuon etno-at welahen ano?” ulug yig ituk apagma, at etnowen, “Eleg-o, an ap ehebon ari an fug-o,” ulug yig isaruk apagma,

Yohanes 1:21 ပူးပေါင်းရင်းမြစ်များ

Matius 11:14

Hurumbik ebahon etno, hiren eberoko waruk wilil, at Elia waruhuon hurumbik ebahon etno ebe Yohanes du-at wereg-o, ulug hit hinindi ebetuk amuk-o.

Matius 16:14

it etnowen yig ituk wilil, “It ninen At ebe Yohanes aphe ikma belap inaptukon-at hehe ulug uruk-o, eke it ninen Elia uruk-o, eke it ninen Yeremia ano, eke it nabi ap Allah wene yig isaruk apahon misig ano, ulug uruk-o,” ulug yig epag.

Matius 21:11

“Ap du At Yesus o Galilea Nazaret ap etno Allah wene yig nisa waharision etno ebe du at-o,” ulug uruk apag.

Lukas 1:17

Waharuk aruhureg, bilin at nabi Elia etnowen oag weregsoho yig isil lebag etno ilitoho, at Yohanes etno ariroho-at Allah wene yig isil nuruk aruhu-o. Ariroho sil nuruk wilil, iniknisi, inudaki inim dambul inabeheg, eke it aphe inesanggo holtuk elehon epmano At Allahen ebahon epmano ilitoho sukag ulug yig iseheg, eke At Ninowe wamon etno udaki neken wilil aso welamag ulug yig iseheg suruk aruhu-o,” ulug at malaikat etnowen Zakharia yig epag.

Yohanes 1:22

it epmanowen yig ituk wilil, “It ap lahap nisa waheson epmanowen hat hebe at ulug yig isulen, haren an nebe at ilitoho welahi ulug yig nisimin-o,” ulug yig epag.

Yohanes 1:25

“Hat hebe At Kristus inim, at Elia inim, at nabi waruhuon etno inim an it ilitoho welahi fug ulug ehenon oke, keroho ulug haren aphe ikma belap inaptuk ahen-o?” ulug yig epag.

Yohanes 6:14

Ariroho umburuk apagma, it aphe obog epmanowen At Yesusen oag weregsoho suruk apahon epmano inilanggen haruk apareg, irit uruk wilil, “Wi, ap nabi suon misig o kweanma duma waruhu ulug hurumbik yig nisaruk apahon etno ebe du-at hehe-o,” ulug uruk apag.

Yohanes 7:40

Ariroho yig isaruk apagma, it aphe wonggalik wapahon nin epmanowen inesanggo holtuk apareg uruk wilil, “Ap nabi ap misig fobik waruhu ulug hurumbik yig nisebahon etno ebe du-at hehe-o,” ulug uruk apag.