Yohanes 1:19 - Allah Wene Hurumbik Keron

¹⁹ Eke fobik it Yahudi ap o Yerusalem welapahon epmanowen it Allah unde nin inim, eke it Lewi ap epmano nin inim, at Yohanes ambeg lahap isaruk apagma, it epmanowen at Yohanes etno yig ituk wilil, “Hat hebe sa ilitoho welahen-o?” ulug yig ituk apagma,

Yohanes 1:19 ပူးပေါင်းရင်းမြစ်များ

Yohanes 1:7

Lahapfuruk apagma, it aphe wene yig isebahon epmano it obohen inesanggo holtug eberoko wawag ulug yig isebag.

Yohanes 10:24

it Yahudi ap At ambeg wonggalik waharuk apareg, yig ituk wilil, “Hat wene herako-at yig nisaruk ahen du, o maram selegmaroho bukaloko yig nisahun-o? Ari halug, At Kristus waruhu ulug yig nisebahon, Hat-at halug, kidia bukaloko yig nisimin-o,” ulug yig epag.

Yohanes 10:31

Ariroho yig isaruk apagma, it Yahudi ap epmanowen fobik inim wabuog ulug helep ininggikmu webag.

Yohanes 11:19

Ariroho weregma, it Marta Maria inowe warapag etno fam, obok yabuog ulug it Yahudi ap epmano obog-at wapag.

Yohanes 2:18

Inindi ebetuk apareg, it Yahudi ap epmano waharuk apagma, At Yesus hinog yig ituk wilil, “Hat ariroho suruk ahen ari, At unde wilil suruk ulug ninahla buhuken sukfugangge misig simihin ano?” ulug yig ituk apagma,

Yohanes 2:20

Yig isaruk apagma, it epmanowen yig ituk wilil, “It bilin At Allah ibam du empat puluh enam tahun falfahon oke, Haren ninggik henahanam faluhuk ulug uruk ahen ano?” ulug yig epag.

Yohanes 5:10

Lebag etno o hari Sabat fam laruk apagma, it Yahudi ap epmanowen at ap fano sebahon etno yig ituk wilil, “O yoho hari Sabat ari fam laruk ahen du, wene duroho suruk amuk eke duroho suruk am fug ulug yig nisebahon etno wereg heheg, hesabul nohorukon etno yinggiloko holalug lao ari hai-o,” ulug yig epag.

Yohanes 5:15

Yig ituk apagma, at ap etnowen At Yesus ebe sohorep isalug, it Yahudi ap epmano yig isaruk wilil, “Ap an fano nabehekon etno inuk Yesus at-o,” ulug yig isebag.

Yohanes 5:16

Ariroho yig isaruk apagma, it Yahudi ap epmanowen uruk wilil, “At Yesus o hari Sabat fam ap misig fano sehek du ebe muko wilipful-o,” ulug uruk apag.

Yohanes 5:18

it Yahudi ap epmanowen At ebe mondog warepfuhuk-o, ulug inahla bebag. Ariroho inahla bebag ari, At Yesusen o hari Sabat fam yabuk suk fug ulug urukon etno elehepfeheg, eke At Allah ari An Nikni at-o, ulug yig iseheg, eke An Allah ilitoho-at welahi-o, ulug yig iseheg suruk apag etno fam ariroho inahla bebag.

Yohanes 6:41

Yig isaruk wilil, “Orom boholmon ambik waharision etno An nebe at-o,” ulug yig isebag etno fam, it Yahudi ap epmano inamberaken inune fog fog orog-at uruk wilil,

Yohanes 6:52

Yig isaruk apagma, it Yahudi ap epmanowen irit winimug aptuk wilil, “Ap du ebe-at oke, nit nawag ulug keroho og nisahu-o?” ulug hinog webag.

Yohanes 7:1

Eke fobik At Yesus etno o Galilea epmano ya keheg sil wapag. Ariroho sil wapag ari, it Yahudi aben ebe wabuog ulug suruk isalug, o Yudea etno lao amberaken o Galilea wapag.

Yohanes 7:11

Ariroho laruk apagma, it Yahudi ap etnowen esoho esetuk wilil, “At ebe wereg ano?” ulug heaharuk apag.

Yohanes 7:15

Yanggul isarukmu, it Yahudi ap etnowen wi ulug fog suruk wilil, “Ap du yi wene di wene obog-at iluk atisi du, kemen iluk atisi-o?” ulug uruk apagma,

Yohanes 8:22

Yig isaruk apagma, eke it Yahudi ap etnowen yig ituk wilil, “Aren o An lahuk ambeg epma hit lao hai-o, ulug yig nisehek du, At ebe onggarehen-at watiog ulug uruk ano?” ulug ebag.

Yohanes 8:48

Ariroho yig isaruk apagma, eke it Yahudi ap etnowen yig ituk wilil, “Niren hat hebe Samaria ap wilil, setan hindimu welahen ulug yig hitukuk etno demat yig hitukuk hehe-o,” ulug yig epag.

Yohanes 8:52

Yig isaruk apagma, it Yahudi ap etnowen yig ituk wilil, “Hat hindimu setan werehon etno kidia demat ulug niniluk aha-o. Eke it nabi ap etno inim, at Abraham etno inim obog-at warapahon oke, haren yig nisaruk wilil, ‘It aphe obog wene Anden uruk ahion etno ilitoho suruk isalug, ari fam waramuhup fug,’ ulug yig nisaruk ahen-o.

Yohanes 8:57

Yig isaruk apagma, eke it Yahudi ap etnowen yig ituk wilil, “Hat hebe lima puluh tahun awan welatikin fuhon oke, at Abraham nil harikik ulug ehen ari, keroho ulug ehen-o?” ulug yig epag.

Kisah Para Rasul 13:25

Yig isaruk apareg, at ebe horog eleg ariog ulug suruk wilil yig isebag, ‘Hit an nebe sa buruk ahep-o? At aso welahebon etno an eleg-o. Eke At waruhuon etno hinilanggen welamiek-o. At ebe an nombolim fobik waruhuon ari, anden iog eset etno hele homahowon etno hibiluk hai-o. An At apma-at welahi-o,’ ulug at Yohanesen Yesus farim yig isebag.

Kisah Para Rasul 19:4

Yig ituk atusama, at Paulusen yig isaruk wilil, “At Yohanesen bilin it aphe ikma belap inapag etno, it aphe iren dag surukon epmano sohorep iseheg inindi demat ebetukon hag fuloko ikma belap inaptuk apag-o. Eke at Yohanesen yig isaruk wilil, ‘Ap suon etno an nombolim waruhureg fam, inuk eberoko waruk amuhup-o,’ ulug at Yohanesen yig isebag etno hag, At Yesus inuk-at eberoko waruk amuk-o,” ulug at Paulusen yig isarisi.

1 Yohanes 1:5

At Yesus Allah Amloho etnowen yig nisarukmu holtukukon etno yig hisaruk ahe-o. At Allah indimu o hik neken elegma, o seleg neken wereg-o.