Yohanes 1:16 - Allah Wene Hurumbik Keron

¹⁶ Ariroho yig isebareg fam, At etnowen ninabua haruk wilil, nit obog nintul nantul ahien ninobam umburuk-o.

Yohanes 1:16 ပူးပေါင်းရင်းမြစ်များ

Matius 13:12

Eke at ap aharek werehon halug, obam seberoho anggolo-at og iruhu-o. Eke at ap aharek elehon halug, aharek dorat werehon etno diloko neken wahu-o.

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Matius 3:14

Laruk apagma, at Yohanes etnowen yig ituk wilil, “Eleg-o, Haren an ikma belap nabuk halug fano eke an nambeg wahen ari, keroho ulug wahen-o?” ulug yig epag.

Lukas 21:15

Eke Anden hinindi enggatep hisahalug, yig hisarukmu, it hinim healeg welamuhubon epmanowen wene onggo yig hisao hai atuken, hinenggal uruk ahep ulug yig hisahup fug-o.

Yohanes 3:34

Eke it At Allahen lahap isa waharukon epmano, At Allahen Roh Kudus suroho og isaruk etno fam At Allah awene etno-at yig isaruk-o.

Roma 5:17

Eke at ap misihen dag sebahon etno, alem neken weregma, alem waratukon etno oag wereg apag ari demat ulug niniluk-o. Eke at ap misig Yesus Kristusen sebahon etno fam alem niniluk welamon etno wereg apag ari, suon oag werehon neken-at wereg apag-o. Eke ariroho wereg apag ari fam, it yi aphe di aphe At Allahen inabua isalug, alem dahon inobam weregma elehepfukon etno onggo eleg-at og isaruk heheg, At Yesus Kristus inim wilil suon-at welamuhup-o.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Roma 5:20

Eke dag surukon etno du dag suruk ulug iniluk amag ulug wene duroho suruk amuk eke duroho suruk am fug ulug ebahon etno og isebag-o. Eke ariroho du dag suruk ulug selegma atuk apagma, alem At Allahen inabua isarukon etno-at su apag-o.

Roma 8:9

Eke hit hag, kweanmen sukon etno mutlug laruk ahep fug du, At Roh Kudusen yig hisarukon etno-at mutlug laruk ahep-o. Eke At Roh Kudus etno hinindimu-at wereg-o. Eke ap misig At Roh Kudus indimu elehon halug, At Kristusen angge eleg-o.

Efesus 1:23

Ariroho wereg iseheg, eke At Kristus yi angge di angge obog werehep isarukon epmano At udaki inim wilil inebe misig-at wereg-o.

Efesus 3:19

Eke At Kristusen ninobam indi hunduhuk werehon etno niren obogsoho ebebuk fug oke, obog-at hiniluk am ari fano-o. Ariroho hiniluk wereg hisalug, At Allahen hinim welamon etno hinindimu kelegsoho-at og hisahu-o.

Kolose 1:19

Eke At Ikni Allah etno ahla buruk wilil, At Kristus an hahon-at wereg-o, ulug yig nisaruk-o.

Kolose 2:3

Aren yig nisebahon etno fam bilin At Allahen yi wene di wene iniluk amon dugsoho embebahon epmano bukaloko neken iniluk atuk-o.

1 Petrus 1:11

Hurumbik etno uruk wilil, “O maram waruhureg, og hisahu-o,” ulug inahla burukmu, At Kristus Roh Kudus etnowen yig isebag, “Fobik At Kristus wabuhup oke, iluksoho suon-at minduhupfuhu-o”, ulug hurumbik yig isebag.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.