Yohanes 1:15 - Allah Wene Hurumbik Keron

¹⁵ Ariroho weregma, eke fobik at Yohanesen hurumbik etno une suontoho yig isaruk wilil, “An nebe endag atuk elegma, At suon welapahon etno fobik nombolim waruhu-o, ulug yig hisarikikon epmano, At ebe du farim yig hisaruk atikik-o,” ulug yig isebag.

Yohanes 1:15 ပူးပေါင်းရင်းမြစ်များ

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Markus 1:7

Eke at etnowen it aphe epmano inindi kahaloko yig isaruk wilil, “An nebe udag doron-at welahi-o. Eke At ap suon etno hag an nombolim fobik waharuon etno an iog ahul hele homahowon kunuk ulug hibiluk ari an nakol-o.

Lukas 3:16

Ariroho inahla buruk apagma, at Yohanesen, “Anden ikma belap hinabihireg oke, eke At an nombolim waruhuon etno At suon, an doron ulug iog eset hele homahowon etno hibiluk an nakol-o. Eke At etnowen fobik Roh Kudus og hisaruk wilil, hondok ambulpul neken hinobam belabik waruhu-o.

Yohanes 1:27

Ari halug, At ebe fobik an nombolim waruhuon oke, At iog ahul hele homahowon etno an ap doronen hibiluk ari nakol-o,” ulug yig isebag.

Yohanes 17:5

Eke o kweanma duma awan wal haruk eleg wilil, Hat ninim ilitoho-at suon welahoag etno hag, kidia Hat hilanggen wilil suontep nahin-o.

Yohanes 8:58

Yig ituk apagma, eke At Yesusen yig isaruk wilil, “Ari halug, An wene demat uruk amon etno yig hisamin-o. Eke at Abraham etno awan endag atuk eleg heheg, An nebe welaheyag at-o,” ulug yig isebag.

Kolose 1:17

Yi angge di angge obog epmano awan wal haruk elegma, At etno akeleg-at welapag. Eke Aren oag werehon etno og isarukmu, yi angge di angge inobam dombog inoag weregsoho-at wereg-o.

Ibrani 13:8

Eke At Yesus Kristus etno bilin welapareg oke, kidia wereg at-o, eke fobik itog mondog-at welaruhu-o.

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.

Wahyu 2:8

Eke fobik an yig nituk wilil, “At it jemaat o Smirna aphe inaso werehon etno og emag ulug holal duroho imbimihin-o: At bilin alem neken, eng­gabuk neken wilil warapareg iluk apahon etnowen yig hisaruk wilil, dahon hinobam umburuk etno niluk-o.