Yohanes 1:14 - Allah Wene Hurumbik Keron

¹⁴ Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:14 ပူးပေါင်းရင်းမြစ်များ

Matius 1:16

Eke at Yakub etnowen amloho Yusuf etno endepag. At Yusuf etno Maria oho welapag. Oho weregma at Maria etnowen Yesus, inuk misig Kristus etno endepag.

Lukas 2:11

Ari kidia dia At hinili wahuon etno o Daud welapag ambeg epmano endag aha-o. At Ninowe inuk Kristus at-o.

Lukas 2:7

Fanggog uruk apagma, amloho manggia ap angge-at endepag. Endetuk apareg, o it aphe nohoruk ambeg epmano kolo elehen Udag etno sum fam yinggiloko wam inaharom umburuk ambeg e belareg etno fam embebag.

Lukas 9:32

Yig ituk apareg weregma, at Petrus, omini nin epmano inim nohoruk apareg, iniluk atlug, At Yesus etno it ap biren inim inapinag libil labal surukmu inilanggen isebag. Inilanggen isaruk apareg, it ap biren etano At Yesus sohorep isalug, luog ulug surukmu,

Yohanes 1:1

At Allahen o kweanma awan wal haruk eleg heheg, At inuk Wene etno welapag. Wene etno At Allah inim wilil, At ebe ilitoho-at welapag.

Yohanes 11:40

Yig ituk apagma, At Yesusen yig ituk wilil, “Anden bilin hat hindimu demat ulug ebetuk healug, At Allahen sukfuganggeroho surukmu hamihin-o, ulug yig hirihi etno hat hapeleg ahenteg uruk ahen ano?” ulug yig epag.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 14:9

Yig ituk apagma, At Yesusen yig ituk wilil, “Filipus wai, An ninggik anggolo-at hit ninim welatukukon oke, An nebe etno hapeleg atuken ehen ano? It yi aphe di aphe obog epmano An nebe inilanggen nearuk etno, An Nikni At inilanggen haruk-o. Ariroho harukon oke, eke haren Hat Hikni etno ninilanggen hulen yanggul nisimin ehen ari, keroho ulug ehen-o?

Yohanes 17:22

Eke nit Hat ninim ninebe misig-at welahe etno hag, it inebe misig-at welamag ulug, Haren An suontep naharikin etno hag, Anden it suontep isarikik-o.

Yohanes 17:24

Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.

Yohanes 18:37

Yig ituk apagma, at Pilatus etnowen yig ituk wilil, “Ariroho ehen ari, Hat hebe etno it aphe nin inowe suon neken welahen hiyihi-o,” ulug yig ituk apagma, At Yesus etnowen yig ituk wilil, “Hat hebe it aphe nin Inowe suon welahen yig nerehen ari, haren-at ehen-o. Eke An nebe o kweanma duma ambik waharikikseg, endag atikik ari, wene demat uruk amon etno-at yig isiog ulug ambik waharikik-o. Eke it yi aphe di aphe wene demat uruk amon etno eberoko warukon halug, An nawene etno inesanggo holtuk-o,” ulug yig epag.

Yohanes 2:11

Yig ituk apagma, At Yesus etno o Kana Galilea epmen alem sukfuganggeroho suruk apag ari fam, ap du suon ulug selegma atuk apagma, At omini epmanowen At obam demat ulug ebetuk apag.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Yohanes 3:18

Ari halug, it yi aphe di aphe obohen At Allahen Amloho etno obam ebetuk isalug, oag deloko o dagma imbisahu fug-o. Eke it nin At Allah Amloho misig aron etno obam ebetuk eleg isalug, inebe arat oag deloko imbisarisi-o.

Yohanes 6:51

Eke orom iniluk inaptukon boholmen ambik waharision etno ari An at-o. Eke orom roti iniluk inaptukon etno naruk isalug, iniluk mondog welamuhup-o. Eke orom roti Anden og isahukon ari, it yi aphe di aphe kweanmon obog-at iniluk welamag ulug An nebe etno-at og isahuk-o,” ulug yig isebag.

Yohanes 8:32

Eke hiren wene demat uruk amon etno hiniluk atuk amuhupmu, At wene etnowen hele hibiloko hinombisahakuk-o,” ulug yig isebag.

Kisah Para Rasul 13:33

Eke misig Mazmur dua fam wene holal embebahon etno yig hisaruk ahi-o, ‘Eke o yoho Hat hebe An Hiknien endohop hahakireg fam, Hat hebe An Namloho-at welahen-o,’ ulug At Allahen Yesus farim ebag etno hiniluk-o.

Roma 8:3

Eke ninebe kweanmon etnowen fano suk ninoag elegma, at wene duroho suruk amuk eke duroho suruk am fug ulug ebahon etnowen fano ninabuk hai atision oke, At Allahen fano ninaptisi-o. Eke At Allahen Amloho etno it ap kweanmon inebe dag surukon epmano ilitoho belabik waharuk wilil, At Kristus obam alem dag surukon epmano onggo umbukag ulug belabik wapareg fam, alem dag surukon epmano oag deloko elehepfebag-o.

Roma 9:5

Eke it inetamuki bilin it Abraham, Ishak, Yakub welapahon etno hag, eke fobik At Kristus etno ebe ap ilitoho it inungguluahon-at endag apag-o. Eke At Allah yi aphe di aphe Inikni etno inuk nintul nantul suontepfuruk amuk-o, ulug an demat yig hisaruk ahi-o.

1 Korintus 15:47

Eke at ap bilinon etno alem kweanmon-at welapag-o, eke At fobikon etno alem boholmon-at wereg-o.

2 Korintus 12:9

At Allahen yig nituk wilil, “An nahmu hearuk ahion etno-at wereg-o, eke An noag weregsoho suruk ahion etno, hat hebe hoag elegsoho wereg healug suruk ahi-o,” ulug ariroho yig nitisireg fam, an noag elehon welahi-o, ulug suontepatawon ari nahien haruk ahi-o. Eke an nebe ariroho welahi ari, At Kristus oag werehon etno-at og nemag ulug welahi-o.

Galatia 4:4

Ariroho uruk atukukon oke, eke fobik At Allahen sukon etno fanggog uruk apagma, At Allahen Amloho etno belabik wapag-o. Belabik waharuk apagma, hwe misig amloho neken endag apag-o.

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

Kolose 1:19

Eke At Ikni Allah etno ahla buruk wilil, At Kristus an hahon-at wereg-o, ulug yig nisaruk-o.

Kolose 2:3

Aren yig nisebahon etno fam bilin At Allahen yi wene di wene iniluk amon dugsoho embebahon epmano bukaloko neken iniluk atuk-o.

Kolose 2:9

Eke At Allah ninilanggen haruk ahe fuhon etno At Kristus ebe ambik wapag etno famen ebe selegma apag-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 1:5

Ari fam At Allahen uruk wilil, “Hat An Namloho-at welahen-o. Hat hebe etno kidia Anden-at endag habihi-o,” ulug it malaikat epmano yig isebag fug-o. Eke At Allahen fobik uruk wilil, “An At Ikni-at welaruhuk-o. Eke At ebe An Namloho-at welaruhu-o,” ulug wene ariroho it malaikat yig isebag fug-o.

Ibrani 10:5

Elehap inaptuk eleg etno fam, At Kristus o kweanma duma ambik wariog ulug ahla bebareg, At Allah yig ituk wilil, “Yi angge di angge Allah ake umburukon epmano inim, eke wam waroko Allah ake hondok yalukon epmano inim wao ari hambit haruk ahen oke, eke An nebe etno hag Allah ake ulug nombaharikin-o.

Ibrani 2:11

Eke Aren nit dag suruk aheon etno ninindimu ho ninaptuk ari famen, At etno inim eke nit dag suruk nisalug ho ninaptision etno inim, obog-at nit Ninikni At ebe misig-at wereg-o. Nit Ninikni misig-at wereg ari famen, At Yesus etnowen it du An nomini at-o, ulug yig nisawon fano enggali elegsoho-at yig nisaruk-o.

Ibrani 5:5

Ari ilitoho At Kristus etno onggarehen At Allah unde ninuk suon welaruhuken ulug imig sebag fug-o. Ariroho imig seheg eleg weregma, At Allahen yig ituk wilil, “Hat An Namloho-at welahen-o. Hat hebe etno kidia-at endag habihi-o,” ulug yig ituk apareg,

1 Yohanes 4:14

Eke aphe inili wawag ulug, At Iknien Amloho belabik wapag etno nit ninilanggen haruk atukukseg, aphe obog yig isaruk ahe-o.

1 Yohanes 4:9

Ari At Allah nit indi hunduhuk welapag halug, At Amloho misig aron ninilukep nisahiog ulug o kweanma belabik wapag.

2 Yohanes 1:7

Eke alem misig du inim-at yig hituk ahi-o. Ari At Yesus Kristus aphe inebe hahon o kweanma wapag fug-o, ulug aphe inindi kahalik wamag ulug it inenggal urukon inebe anggolo atusareg wereg-o. Inindi kahalik wamuog ulug o duma waharusareg wereg-o. Ari aphe inindi kahaltukon halug, at antikristus, Kristus inim healeg werehon etno-at waharisireg wereg-o.

Wahyu 19:13

Ariroho holal baleg wilil, asum wantirision etno mep are sirisi-o. Eke At etno inuk soaltuson misig Allah wene ulug soaleg welatisi-o.

Wahyu 21:3

Nilanggen harikikseg weregma, une suon misig At horie uruk ambehen urukmu holtikik-o. Holtikikseg weregma, une etno­wen uruk wilil, “At Allah ibam aphe inanggelegma epmano ambehekseg fam, it inim inibam misig-at neken welamuhup-o. At udaki-at welamuhup-o. At Allah ebe it inim wilil, it Inikni-at welaruhu-o.