Yohanes 1:12 - Allah Wene Hurumbik Keron

¹² It ap ninen ariroho At obam ebetuk eleg iseheg, it nin epmano hag At obam eberoko waruk apag. Eberoko waruk apagma, At etnowen hit At Allah udaki-at welamag ulug deloko hinombi saharuk ahi-o, ulug yig isebag.

Yohanes 1:12 ပူးပေါင်းရင်းမြစ်များ

Matius 10:40

At Yesusen yig isaruk wilil, “Ap misihen ninim welamulen ulug yig hisaruk halug, An nebe-at ninim welamulen yig nituk-o. Eke An nebe ninim welamulen yig nituk isalug, At lahap nabik waharision etno-at ninim welamulen yig ituk-o.

Matius 12:21

Ninowe dil ninaptukon etno ebe du at-o, ulug At obam ebebuhup-o, ulug at Yesayaen amuk holal embebag etno ilitoho seg amag,” ulug At Yesusen yig isaruk apag.

Matius 18:5

It udag nin ariroho-at An ninuk baloko og inaptuk amuhupseg, heahi war inaptuk hisalug, An nebe-at og nabuhup-o,” ulug yig isebag.

Yohanes 1:11

Inahla beheg eleg weregma, At ibam endag apag ambeg epmano yig isa lebahon oke, it aphe At ibam welapahon epmanowen At obam ebetuk apag fug-o.

Yohanes 1:7

Lahapfuruk apagma, it aphe wene yig isebahon epmano it obohen inesanggo holtug eberoko wawag ulug yig isebag.

Yohanes 11:52

It Allah udaki o kweanma duma o ahik ya da werehon obog-at dambuksoho imbisawon epmano inake wararuhu ulug hurumbik yig isebag.

Yohanes 2:23

Eke fobik it Yahudi aben esoho inuk Paskah etno esetuk iseheg, At Yesus etno o Yerusalem wilil, sukfuganggeroho suruk apagma, it aphe obohen inilanggen haruk apareg, wi ulug At obam ebetuk apag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 3:18

Ari halug, it yi aphe di aphe obohen At Allahen Amloho etno obam ebetuk isalug, oag deloko o dagma imbisahu fug-o. Eke it nin At Allah Amloho misig aron etno obam ebetuk eleg isalug, inebe arat oag deloko imbisarisi-o.

Kisah Para Rasul 3:16

Eke At Yesus inuk fam ap iog oag elehon etno oag wereg aha-o. Oag wereg ahama, hehep ari At Yesus obam ebetuk wilil, inuk warukmu, hit hinil fam fano sehek-o.

Roma 8:14

Eke it obog Roh Kudus etnowen og inaplug larukon ari At Allah udaki-at wereg-o.

Roma 8:16

Eke At Allah Roh Kudus etno ninindimu ninim dambuksoho wilil, nit Allah udaki-at welahe-o, ulug ninim ninahla ebetuk ahe-o.

Roma 8:19

Eke yi angge di angge wal hebahon epmano inolohore boholma lahaboho neken wilil, At Allahen udaki suontep isawon etno aso wereg-o.

Galatia 3:26

Eke At Kristus hinim wilil obam ebetuk ahep etno fam At Allah udaki-at welahep-o.

Galatia 4:6

Eke hit ariroho Allah udaki atikipseg fam, At Allah Amlohoen angge Roh Kudus etno hinindimu belap hisa waharisi-o. Eke At Roh Kudus etno ninindimu wilil, “Ninikni,” ulug yig ituk-o.

Kolose 2:6

Eke hiren Ninowe At Kristus Yesus at-o, ulug awene eberoko warikipseg fam, hinim mondog-at welamuk-o. At Kristus ebe alem neken weregma, hit inggik enggangga etno hinoag weregsoho welamuk-o.

2 Petrus 1:4

Eke At Allahen, yi angge di angge fanowon og hisahuk, ulug bilin yig nisarision etno holaruk amuhukseg, ninobabut dahon kweanmon etno sohorep isalug, hinindi keron-at holahuk-o.

1 Yohanes 3:1

Wa nomini, ninikni ninim hunduko ninombisaharisi etno eberiek-o. Eke nit ninebe Allah udaki ulug nininuk soal ninaptisi-o. It kweanmen ebetukon Allah inapeleg halug, nit Allah udaki welaheon epmano ariroho-at inapeleg-o.

1 Yohanes 3:10

Eke it Allah udakion inim, it iblis udakion inim surukon ari ilit eleg-o. It mot mot suruk elehon, inomini inambit isarukon halug ari, Allah udaki fug-o.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.