Yohanes 1:10 - Allah Wene Hurumbik Keron

¹⁰ Ari fam At Wene etno o kweanma welapag. Ariroho wilil, At Allah inimen o kweanma duma wal hebahon oke, it aphe epmanowen ap du Ninowe ulug inahla buruk apag fug.

Yohanes 1:10 ပူးပေါင်းရင်းမြစ်များ

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Yohanes 1:11

Inahla beheg eleg weregma, At ibam endag apag ambeg epmano yig isa lebahon oke, it aphe At ibam welapahon epmanowen At obam ebetuk apag fug-o.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 1:3

At Allahen Wene etno sohorep isalug, wal hebag fug, inim-at wal hebag.

Yohanes 1:5

Ariroho og isaruk apagma, o hik etnowen o seleg etno hiksepfebag fug-o.

Yohanes 17:25

Eke Haren fano mondog suruk ahen-o. Eke it aphe kweanmon Hat hawene waruk elehon epmanowen Hat hebe inapeleg-at wereg oke, An hag Hat hebe niluk etno fam, it nudaki epmanowen At ebe demat Allahen lahabik waharisi ulug iniluk-o.

Yohanes 5:17

Ariroho uruk apagma, At Yesus etnowen yig isaruk wilil, “An Nikni nintul nantul yabuk suruk etno hag, An ariroho yabuk suruk am ari fano-o,” ulug ariroho yig isaruk apagma,

Kisah Para Rasul 14:17

Eke it apheyen At Allah demat wereg-o ulug inindi At obam ebetuk amag ulug boholmen osit og iseheg, eke inindi inahien hawag ulug orom anggolo og iseheg suruk wereg-o. Eke nit ninanggom ulug waroko og nisa fug-o,” ulug it mondep isebahon etanowen ariroho yig isaruk apagma,

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

1 Korintus 2:8

Eke wene ari, it o duma inune suon urukon epmanowen iniluk apag fug-o. Wene ari iniluk atlepmen, iren Ninowe inuk suon etno e fam lenggaloko embelep fug-o.

1 Korintus 8:6

Eke Ninowe inuk suon At Yesus Kristus misig-at wereg-o. Eke yi angge di angge epmano obog alem At Yesus-at wereg-o; nit ninebe alem etno At Yesus-at wereg-o, ulug ninahla buruk ahe-o.

Kolose 1:16

At Allah amloho inimen o kweanma boholma yi angge di angge obog wal haruk wilil, yi angge di angge haruk aheon epmano inim, eke haruk ahe fuhon epmano inim, yi angge di angge inahut inim, eke yi ap di ap suon epmano inim wal hebag-o. At Kristus etno inimen wal haruk wilil, eke yi angge di angge epmano At Kristus og iriog ulug wal hebag-o.

Ibrani 11:3

Eke bohol inim kwean inim At Allahen bilin wene uruk apareg, wal hebahon etno inim, eke Aren wal hebareg fam yi angge di angge haruk ahe fuhon epmanowen eke it yi angge di angge haruk aheon epmano werehepfebahon epmano inim niren demat ulug ninindi ebetuk ahe etno fam niniluk atuk-o.

1 Yohanes 3:1

Wa nomini, ninikni ninim hunduko ninombisaharisi etno eberiek-o. Eke nit ninebe Allah udaki ulug nininuk soal ninaptisi-o. It kweanmen ebetukon Allah inapeleg halug, nit Allah udaki welaheon epmano ariroho-at inapeleg-o.