Yohanes 1:1 - Allah Wene Hurumbik Keron

¹ At Allahen o kweanma awan wal haruk eleg heheg, At inuk Wene etno welapag. Wene etno At Allah inim wilil, At ebe ilitoho-at welapag.

Yohanes 1:1 ပူးပေါင်းရင်းမြစ်များ

Matius 1:23

At nabi etnowen hurumbik yig isaruk wilil, ‘Hwe duhumon misig udag ahumla aruhuon etno du ha manu-o. Aren fobik udag etno ap angge-at enderuhumu, inuk Imanuel soaluhup-o.’ Eke, inuk ari, ‘Allah ninim welahe-o’ ulug soaluhup ulug at nabi etnowen ebahon etno yig hirihi-o,” ulug at malaikat etnowen Yusuf yig epag.

Lukas 24:53

Waharuk apareg, inahien anggolo haruk wilil, nintul nantul o Allah ibam epmen Ninikni Allah wa ulug sembahyang uruk apag.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 1:2

Alem etno famen Wene etno At Allah inim welapag.

Yohanes 16:28

Eke An nebe etno Nikni wereg ambeg epma sohorep isalug, o kweanma duma ambik waharikik-o. Ariroho ambik waharikik etno hag, eke kidia o kweanma duma sohorep isalug, At Nikni wereg ambeg epmano-at lahuk-o,” ulug yig isebag.

Yohanes 17:5

Eke o kweanma duma awan wal haruk eleg wilil, Hat ninim ilitoho-at suon welahoag etno hag, kidia Hat hilanggen wilil suontep nahin-o.

Yohanes 20:28

Yig ituk apagma, at Tomas etnowen yig ituk wilil, “Hat Nowe, Allah-at welahen hiyihi-o,” ulug yig epag.

Yohanes 8:58

Yig ituk apagma, eke At Yesusen yig isaruk wilil, “Ari halug, An wene demat uruk amon etno yig hisamin-o. Eke at Abraham etno awan endag atuk eleg heheg, An nebe welaheyag at-o,” ulug yig isebag.

Roma 9:5

Eke it inetamuki bilin it Abraham, Ishak, Yakub welapahon etno hag, eke fobik At Kristus etno ebe ap ilitoho it inungguluahon-at endag apag-o. Eke At Allah yi aphe di aphe Inikni etno inuk nintul nantul suontepfuruk amuk-o, ulug an demat yig hisaruk ahi-o.

Efesus 3:9

“At Kristusen yi angge di angge fanowon obog-at og nisaruk-o,” ulug yig isaruk wilil, At Allahen ariroho suhuk ulug wene heraho welapahon etno kidia ilitoho suruk-o ulug it aphe obog demat inahla buruk wilil, inindi ebebukag ulug yig isaruk ahi-o.

Filipi 2:6

Eke At Kristus ari Allah ebe neken-at wilil, an Allah ilitoho welamon etno nomat neken senetuk ahe-o, ulug indi ebepag fug-o.

Kolose 1:15

At Allah ninilanggen haruk ahe fuhon ahut etno At Kristus-at wereg-o. Eke yi angge di angge obog wal hebahon epmano At Amloho misig aron etno apma-at wereg-o.

Kolose 1:17

Yi angge di angge obog epmano awan wal haruk elegma, At etno akeleg-at welapag. Eke Aren oag werehon etno og isarukmu, yi angge di angge inobam dombog inoag weregsoho-at wereg-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Ibrani 13:8

Eke At Yesus Kristus etno bilin welapareg oke, kidia wereg at-o, eke fobik itog mondog-at welaruhu-o.

Ibrani 7:3

Ariroho soaleg weregma, at Melkisedek etno ikni isina etamuki ininuk inim, eke at endag apahon etno inim, eke warapahon inim obog ninapeleg-o. Ninapeleg ari famen at ebe Allah amloho ilitoho neken atlug, nintul nantul Allah unde-at wereg-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

1 Yohanes 5:7

Eke yig nisarukon ari, boholmen it henahanen yig nisaruk-o, ari Ikni etno inim, At Wene etno inim, eke Roh Kudus etno inimen boholmen yig nisaruk ari, wene misig-at yig nisaruk-o.

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.

Wahyu 1:17

Nilanggen haruk atikikseg, an nebe ware­hon neken At iogmu bule ambirikik-o. Amburuk atikikmu, At ing­gik bikit fil nebe seberoho nombaharisireg, yig nituk wilil, ‘Hat hakol ha fug-o. An alem inim enggabuk inim unde werehon An at-o.

Wahyu 1:2

Belabik waharuk apareg, yig ituk apagma, at Yohanesen ilanggen hebahon etno aphe obog iniluk amag ulug buku du fam wene holal embe­bag-o. Ari halug, At Allahen ebahon inim, eke At Yesus Kristu­sen wene demat urukon ebahon etno inim, obog-at buku du fam weregma,

Wahyu 1:8

Eke At Ninikni suon Allah etnowen uruk wilil, ‘An nebe alem neken enggabuk neken an-at welahi-o,’ ulug yig nisaruk ari, At bilin welapahon etno inim, kidia werehon etno inim, fobik welaruhuon etno inim At ebe misig-at wilil yig nisaruk-o,” ulug at Yohanes etnowen holal embebag.

Wahyu 19:13

Ariroho holal baleg wilil, asum wantirision etno mep are sirisi-o. Eke At etno inuk soaltuson misig Allah wene ulug soaleg welatisi-o.

Wahyu 2:8

Eke fobik an yig nituk wilil, “At it jemaat o Smirna aphe inaso werehon etno og emag ulug holal duroho imbimihin-o: At bilin alem neken, eng­gabuk neken wilil warapareg iluk apahon etnowen yig hisaruk wilil, dahon hinobam umburuk etno niluk-o.

Wahyu 21:6

eke fobik At etnowen yig nituk wilil, “Arat seg aha-o. Eke huruf Alfa dan Omega ari, alem enggabuk inim An at welahi-o. Eke it ik obok werehon halug, ik ilukon elerukmuen funaltukon etno werlek-at og isa­huk-o.

Wahyu 22:13

Eke An nebe Alfa dan Omega welahi ari, An bilinon inim eke fobikon inim, eke alem inim enggabuk inim An-at welahi-o,” ulug irisi-o.

Wahyu 3:14

Eke fobik an yig nituk wilil, “At it jemaat o Laodikia aphe inaso werehon etno og emag ulug holal duroho imbimihin-o: At inuk Amin soaleg wilil, At Allahen wal hebahon etno obog alem unde neken werehon etnowen demat ulug yig hisaruk wilil,