Yakobus 5:9 - Allah Wene Hurumbik Keron

⁹ Eke hit hinebe epmano At Allahen oag deloko o dagma hinombisahuk nowen, winimug abeheg eleg-at welamiek-o. Fobik ninaren baluhuon etno horog fanggog ik wariog ulug suruk-o, nomini.

Yakobus 5:9 ပူးပေါင်းရင်းမြစ်များ

Matius 24:33

anden ariroho suhu-o ulug hurumbik yig hisihion etno hinilanggen haruk amuhupseg, ebe sukon etno horog fanggog ehek hehe-o, ulug hinindi ebetuk amuhup-o.

Markus 13:29

Anden ariroho suhu-o, ulug hurumbik yig hisihion epmano hinilanggen haruk amuhupseg, ebe sukon etno horog fanggog ehek hehe-o, ulug hinindi ebetuk amuhup-o.

Markus 6:19

at hwe Herodias etno asine atuk apareg, ahla buruk wilil, anden watleon oke, at inowe suon Herodes il fam wabuk hai hihi-o, ulug ahla buruk apareg, bok weregma,

1 Korintus 10:11

Eke iren suruk apahon epmano it aphe ninen inilanggen isawag ulug ariroho seg apag-o. Eke nit o kweanma eleg amon etno horog fanggog ik wahareg fam suruk aheon etno ninindi ebebukag ulug wene du iren bilin sebahon epmano holal balfag-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 9:7

Eke nulug imbirikik ulug hinindi dag aheg, eke it ninen ariroho imbin ulug yig nitusa famen keroho imbirikik ulug hinahla beheg suk fug-o. It inobabut fanowon halug At Allahen indi hunduhuk wereg-o.

Galatia 5:14

Eke wene duroho suruk amuk eke duroho suruk am fug ulug ebahon etno alem misig-at duma weregma yig hisamin-o, “Alem ari, hit hinebe hinonggarehen hinabua saruk ahep etno hag, hiren it aphe obog ariroho inabua isaruk amuk-o,” ulug wene engga wene ebahon etno fam yig hisaruk ahi-o.

Galatia 5:26

Eke an suon aruhuken ulug sil nurukon etno inim, eke nambit hambit urukon etno inim, eke ap du suon wereg du nindi-e, an ariroho suon welatle, ulug inahla burukon etno inim, obog-at sohorep isaruk amuk-o.

Yakobus 4:11

Nomini-o, hat misihen homin misig obam denggeleheg, eke hat misig homin misig obam denggeleheg ari suruk am fug-o. Eke homin misig hinune dahon obam umburuk wilil, obam denggeltuk hisalug, wene duroho suruk amuk eke duroho suruk am fug ulug ebahon wene etno inim-at obam denggeltuk ahep-o. Eke wene duroho suruk amuk eke duroho suruk am fug ulug ebahon wene etno obam denggeltuk wilil, wene ebahon etno hinesanggo holuk sohorep isalug, hinapma umburuk ahep oke, eke komo yig nisaruk wilil, ninaren baltukon ari At Allah-at wereg-o.

Yakobus 4:12

Ariroho wilil, At Allahen-at o dagma imbiseheg, eke o fanoma imbiseheg suruk-o. Eke hit hat hinomini inobam denggeltuk ahep du, an suon ulug, hinahla buruk wilil suruk ahep ano?

Yakobus 5:10

Eke ari halug, it nabi ap epmanowen bilin Allah inuk fam wene yig isebahon epmano hinindi eberiek-o. It epmano bilin apheyen dahon inobam embebahon oke, At Ninowe wamon etno aso wilil, inindi oag weregsoho welapag-o.

Yakobus 5:7

Ari halug, nomini-o, At Ninowe wamon etno aso welamiek-o. Eke at ap misig eyabukmu aharom yahapatalug, osit nenggeg, mo waheg suruk wilil, wirik amag ulug aso wereg etno hag,

1 Petrus 4:5

Hinobam denggeltuk ari, fobik At Allahen it inilukon inim, warehon inim inaren baloko imbisahu etno iniluk heheg, fobik At Allah niren suruk aheon epmano keroho yig imuhuk-o? ulug inakolen suruk-o.

1 Petrus 4:9

Eke it hinomini hinambeg waharuk isalug, ninim orom nalug nohulen-o ulug hinindi hinahientoho wilil hinim welamuk-o.

Wahyu 3:20

Eke An nebe sok elma wilil, kik haruk ahi-o. Kik haruk ahion etno ap misihen esanggo holtug hut neahumu, at ibam etno kuhukseg, ninim nahuk-o.