Yakobus 5:7 - Allah Wene Hurumbik Keron

⁷ Ari halug, nomini-o, At Ninowe wamon etno aso welamiek-o. Eke at ap misig eyabukmu aharom yahapatalug, osit nenggeg, mo waheg suruk wilil, wirik amag ulug aso wereg etno hag,

Yakobus 5:7 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 16:28

Eke misig du hinindi ebetuk amiek-o. Hit aphe nin duma welahebon epmano waraheg eleg hiniluk wilil, An Allah Amloho suon waharukmu hinilanggen neahup-o,” ulug yig isebag.

Matius 24:27

Eke o sehenyabog boholmen dulum-at yibatuk etno hag, An Allahen minduhup naharision etno hetnogsoho waruhuk-o.

Matius 24:44

Ari ilitoho hit An Allahen minduhup naharision etno o ari sambit waruhu ulug hinapelegsoho weregma, waruhu etno hit hinindi fikfag wilil aso welamuk-o,” ulug yig isebag.

Lukas 18:8

Dulum-at yalmako imbisaruk aruhureg, inili wahu-o. Inili wahuon oke, fobik An Allahen minduhup naharision etno o kweanma duma ambik waruhukseg, it aphe An nobam ebetukon epmano inebe nilanggen isahuk ano, eleg ano?” ulug At Yesusen yig isebag.

Lukas 21:27

Ariroho suruk amuhupmu, An Allahen minduhup naharision etno hena famen ambik waharuk wilil, suon nalon werehon-at ambik waharukmu inilanggen neahup-o.

Lukas 8:15

Eke i angge kwean sinon fam kililtil lebag etno hag, ari it aphe wene etno inesanggo holtug inindi fanoroho ebereheg, eke anggen yihukag ulug amug wareheg suruk-o,” ulug At Yesusen yig isebag.

Yohanes 21:22

Yig ituk apagma, At Yesusen yig ituk wilil, “Anden ap du An awan waharuk eleg neyeheg iluk-at welamag-o ulug nahla belemen, haren elen fug-o. An nakelehen-at nahla bele-o. Ari halug, kidia hat hebe etno An mug naplug ma-o,” ulug yig epag.

Yohanes 21:23

Ariroho yig epahon etno it ap At Yesus awene warukon epmanowen iniluk atuk apareg uruk wilil, “Ap At Yesus omin misig du wararuhu fug-o,” ulug inahla bebahon oke, At Yesusen ap ari mondog wararuhu fug ulug ebag fug-o. We ap du An awan waharuk eleg neyeheg iluk-at welamag-o, ulug nahla belemen, haren elen fug-o, we nakelehen-at nahla bele-o, ulug wene ebe eta-at yig epag-o.

Roma 15:4

Eke it bilin inahlahiroho wilil inindi oag weregsoho welapahon wene epmano holal embebag ari, niren Alkitab wene holal baleg etno wane seheg, ninindi ebereheg suruk wilil demat fano ninabuhu ulug ninahla bukag ulug embebag-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

1 Korintus 1:7

Ariroho warikipseg fam, hit o epma At Ninowe suon Yesus Kristus selegma aruhuon etno aso wilil, At Roh Kudusen og hisawon etno obog-at holarikip hisihi-o.

Galatia 5:5

Eke nit hag At Kristus obam ebetuk nisalug, At Allahen alem dahon ninobam werehon epmano elehepfuhu ulug ninindi ebetuk ahe-o. Eke At Roh Kudus etnowen yig nisarukmu, Aren alem dahon elehepfukon etno aso welahe-o.

Galatia 6:9

Eke ari halug, fanoroho sukon etno orog-at suruk am fug-o. Eke nintul nantul fanoroho suruk nisalug, fobik o ari sambit anggen fanowon etno-at bal sahuk-o.

Kolose 1:11

Eke At Allah oag wereg halug, hit hinoag weregsoho welamuk-o. Eke it ninen hit seberep hisahuog ulug waharuk amuhupmu, hit hinahla bugsoho wilil, minduhuk welamuhup-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

1 Tesalonika 2:19

Ariroho hai atisi oke, eke At Ninowe Yesus waruhu etno sambit ap nin ninahien isahuk fug-o; hit hinindi yabuk anggolo suruk atukuk etno fam ninahien harukmu, yabuk fano suruk atikip ulug yig nisahu-o.

Ibrani 6:15

Yig ituk apagma, at Abraham etno indi seberoho wilil, og umon etno aso weregma, At Allahen abug yig epahon etno arat og epag-o.

Yakobus 4:11

Nomini-o, hat misihen homin misig obam denggeleheg, eke hat misig homin misig obam denggeleheg ari suruk am fug-o. Eke homin misig hinune dahon obam umburuk wilil, obam denggeltuk hisalug, wene duroho suruk amuk eke duroho suruk am fug ulug ebahon wene etno inim-at obam denggeltuk ahep-o. Eke wene duroho suruk amuk eke duroho suruk am fug ulug ebahon wene etno obam denggeltuk wilil, wene ebahon etno hinesanggo holuk sohorep isalug, hinapma umburuk ahep oke, eke komo yig nisaruk wilil, ninaren baltukon ari At Allah-at wereg-o.

Yakobus 5:10

Eke ari halug, it nabi ap epmanowen bilin Allah inuk fam wene yig isebahon epmano hinindi eberiek-o. It epmano bilin apheyen dahon inobam embebahon oke, At Ninowe wamon etno aso wilil, inindi oag weregsoho welapag-o.

Yakobus 5:3

Eke hiren angge emas, perak epmano kibolal atlug olohore dag atuk-o, ariroho seg atuk ari fam hinilanggen haruk amuhupseg, hinindi seneni anggolo ebebehup-o. Eke hit hinaharek epmano sono hao anggolo ombatarikip-o.

2 Petrus 3:4

“At Yesusen bilin waruhuk ulug yig hisebag ano, eleg ano? Ari halug, eke At o kema wereg buruk ahep-o? At ebe waharuk eleg heheg, nit niniknisi waratusa-o. Eke At ebe waharuk eleg heheg, yi angge di angge amuk welapahon mondog-at wereg-o,” ulug inune fanggogsoho yig hisa wamuhup-o.