Yakobus 5:20 - Allah Wene Hurumbik Keron

²⁰ Eke hiren ap dahan fahan sil nurukon etno onggalem mot amag ulug indi werehap suruk hisalug, ap etno ebe ili oko aren yi dag di dag surukon epmano sohorep isalug, obam apelegsoho apma umbuhu-o. Eke ari halug, hit obog alem ari fam hinindi fikfag ebetuk amiek-o.

Yakobus 5:20 ပူးပေါင်းရင်းမြစ်များ

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Roma 11:14

Eke ariroho suruk wilil, it ap an nungguluahon epmano nit hag ninili wawim sirisi-o, ulug inahla bukag ulug suruk ari fam it nin inili wiog ulug suruk ahi-o.

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

1 Korintus 9:22

Eke it ap inindi oag elehon epmano an nilahut war inabuhuken ulug, an nebe it ninim nindi oag eleg neken atikik-o. Eke an yi seheg di seheg suruk wilil, ap nin inili og inabukag ulug an nebe it ninim wilil, it wereg epmano ilitoho welatikik-o.

1 Timotius 4:16

Eke hat hag, aphe wene yanggul isaruk wilil, fano-at yanggul isaruk ahi ano, ulug honggarehen hindimu ebet saruk amin-o. Ariroho suruk wilil, hat hili holeheg, eke it hat hune inesanggo holtukon epmano inili weheg suruk aruhun-o.

Filemon 1:19

Eke an ninggik fam holal baltuk wilil, onggo an Paulusen umbuhuk-o, ulug yig hituk ahi-o. Eke anden hat hili warikikseg fam nomat neken hobam wereg ari anden yig hum ari hai-o. Hat-at hiluk-o.

Yakobus 1:15

Eke inobabut etno fam dag surukon alem ari at-o. Eke dag surukon etno wereg halug, waratukon alem ari at-o.

Yakobus 1:21

Eke ari halug, hit hinobabut dag suruk ahebon epmano mondog seberoho imbisiek-o. Hit hinebe At Allah apma-at weregma, aren hinili wawon wene etno hinindimu og hisaruk halug, eberoko waruk amiek-o.

Yakobus 5:15

Uruk amuhupmu, demat ulug inindi ebetuk isalug, At Ninowe etnowen ap etno fano suhu-o, fano suruk aruhureg, ap etnowen dag surukon epmano sohorep isalug, obam apelegsoho apma umbuhu-o.

Yakobus 5:19

Ari halug, nomini-o, ap hit hinomin misihen fano surukon wene etno sohorep isalug dahan fahan sil laruk halug, hiren at etno indi werehap suk ari, fano-o.

1 Petrus 4:8

Eke misig du alem suon neken yig hisaruk ahi-o. Ari hit hinomini hinim fikfag hinindi hunduhuk welamuk-o. Hinomini hinim hunduhuk wilil, iren dahan fahan suruk isalug, seberoho imbisahup-o.

Wahyu 20:6

It nin ari bilin minaheg eleg wereg iseheg, eke it bilin minatuson epmano inindien suruk wilil, inahien anggolo harusa-o. Ariroho inahien haruk atusareg, birenam waratusa fug-o. Eke it etnowen uruk wilil, “Birenam waramuhuk fug-o,” ulug uruk atusareg, At Allah Amloho Kristus etno inim inanggimbu wilil, seribu tahun fam inebe suon welatusa-o.