Yakobus 5:16 - Allah Wene Hurumbik Keron

¹⁶ Ari halug, hiren dag suruk ahebon epmano hinomini inil fam bukaltuk amuhupmu, hinebe hinindi fano amag ulug hit obohen hinomini inake sembahyang uruk amuhup-o, eke at ap misihen demat ulug indimu ebetuk halug, aren sembahyang urukon etno oag weregsoho-at uruk-o.

Yakobus 5:16 ပူးပေါင်းရင်းမြစ်များ

Matius 21:22

Eke hiren sembahyang kino uruk wilil, hinindi demat ulug ebetuk hisalug, og hisahu at-o,” ulug yig isebag.

Matius 3:6

Waha­ruk apareg, iren dag suruk apahon epma­no bukal­tuk apagma, aren ik Yordan ikma belap inaptuk apag.

Markus 1:5

Ariroho yig isaruk weregma, it o Yehuda o ahik ya da epmano inim, eke o Yerusalem it yi aphe di aphe inim at Yohanes ambeg waharuk apag. Waharuk apareg, iren dag suruk apahon epmano bukaltuk apagma, ik Yordan ikma belap inaptuk apag.

Lukas 9:6

Yig isaruk apagma, At omini epmano laruk apareg, o ahik ya da epmano ya keheg sil nuruk wilil, wene fano wene yig iseheg, eke it aphe uk warehon epmano fano inabeheg sil nuruk apag.

Yohanes 9:31

Eke At Allahen it dag surukon etno inune esanggo holtuk eleg ari niniluk-o. Eke it yi aphe di aphe etno At une inesanggo holtuk wilil, Aren duroho sukag ulug ahla burukon etno ilitoho suruk isalug, Aren it inune esanggo holtuk-o.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 19:18

Ariroho suontepfuruk atusama, it Allah wene warukon epmano waharuk atusareg, iren bilin dag suruson epmano selegma bukaloko yig isaruk atusa.

Kisah Para Rasul 8:24

Yig ituk apagma, at Simon etnowen it Petrus Yohanes etano yig isaruk wilil, “Hiren yig nerehebon etno nobam umbuk nowen ulug, nake At Allah yig ituk amiek-o,” ulug yig isebag.

Roma 3:10

Eke alem ari fam at Alkitab etnowen yig nisaruk wilil, “At ap misig motoho surukon ebe eleg-o.

Roma 5:19

Eke at ap misihen Allah une holuk sohorep isalug, dag sebag etno fam it aphe obog-at dag suruk apag etno hag, at misihen Allah une holtug fano sebag etno fam it aphe obog At Allah inim fanoroho welamag ulug dambul inapag-o.

Kolose 1:9

Ariroho yig nisarisimu holtukukseg fam, nintul nantul hit hinake sembahyang uruk ahe-o. Ariroho uruk ahe ari, At Allahen ariroho siuk ulug yig nisarukon etno hiniluk ulug sembahyang uruk ahe-o. Eke At Roh Kudus etnowen hinindi kahaloko yig hisaruk wilil, hiniluksoho yig hisawag ulug sembahyang uruk ahe-o.

1 Tesalonika 5:17

Eke hit ilikia hupmu sembahyang uruk amuk-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

1 Tesalonika 5:25

Eke hiren ninake sembahyang uruk amuk-o nomini.

Ibrani 11:4

Eke at Habel etno indimu demat ulug ebetuk wilil, Allah ake fanowon epmano umburuk apagma, At Allahen Kainen embebahon epmano sohorep isalug, at Habelen embebahon epmano waruk wilil, ap du hag obabut fano wilil embehek-o ulug ahien hebag. Eke at Habel etno ebe amuk warapahon oke, Aren indi demat ulug ebepahon etnowen yig nisaruk-o.

Ibrani 11:7

Eke at Nuh etno hag, indi demat ulug ebetuk wilil, At Allahen fobik war inabuhuk-o ulug ebahon etno ilanggen hebag fuhon oke, esanggo holfag-o. At Allahen ebahon etno esanggo holtuk apareg, aren so etno o ilitoho falfag. Falepfuruk apareg, at uhwe udaki inim so fam epmano kebareg weregma, inili webag-o. Inili webareg fam, aren it aphe kweanma obog inili oko imbisebag-o. Eke at indi demat ulug ebepag etno fam, At Allahen ap du obabut fano hihi ulug ahien obam embebag-o.

Ibrani 12:13

Ariroho suruk wilil, hinonggalem motoho-at yag saruk amuk-o. Ariroho yag saruk amuhup halug, hiniog dahon epmano sowani yako wateheg eleg, fano-at lahup-o.

Ibrani 13:18

Eke hiren nit ninake sembahyang uruk amuk-o. Eke nintul nantul fanoroho-at suruk amuk ulug ninahla buruk ahe etno fam, alem misig dahan fahan surukuk ulug ninahla buruk ahe fug-o.

1 Petrus 2:24

Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.

1 Yohanes 3:22

Eke At Allahen komo yig nisarukon etno ilitoho suruk nisalug, Aren ahien ninobam umburuk wilil, niren kino uruk aheon epmano og nisaruk-o.