Yakobus 5:15 - Allah Wene Hurumbik Keron

¹⁵ Uruk amuhupmu, demat ulug inindi ebetuk isalug, At Ninowe etnowen ap etno fano suhu-o, fano suruk aruhureg, ap etnowen dag surukon epmano sohorep isalug, obam apelegsoho apma umbuhu-o.

Yakobus 5:15 ပူးပေါင်းရင်းမြစ်များ

Matius 17:20

Yig ituk apagma, At Yesus etnowen yig isaruk wilil, “Hit At Allah obam dorat ebetuk ahep famen, hiren wilipfuk hai aha-o. Eke hinindi At obam fanoroho ebetlepmen, hit bunu du yig ituk wilil, ‘Hebe hal amin-o,’ ulug yig itlepmen, bunu ebe hal atlep-o. Hiren yi angge di angge obog-at selep-o.

Yohanes 5:14

Yig isaruk apagma, eke fobik At Yesusen ap etno o Allah ibam epmano weregma haruk apareg, yig ituk wilil, “Hat hebe kidia arat fano ahen du, fobik uk suon etno hobam umbuk nowen, haren dag suruk ahenon epmano sohorep isin-o,” ulug yig epag.

Yohanes 6:39

Eke At lahap nabik waharision etnowen duroho sukag ulug ahla burukon etno yig nituk wilil, it aphe Anden og hituk seyahon epmano misig sohorep isahun fug-o. Inebe obog-at o ari fam iniluksoho minduhup isahun-o, ulug yig nituk apareg,

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

2 Korintus 4:14

Eke At Allahen Ninowe Yesus iluksoho minduhupfebag etno fam nit inim hit inim At Yesus inim welamag ulug At il fam niniluksoho minduhup nisahaku-o.

Yakobus 1:6

Eke hit sembahyang uruk wilil, “Og niruhu ano, og niruhu fug ano?” ulug hinindi ebereheg eleg-at welahep ari sohorep isalug, “Og niruhu at-o,” ulug hinindi ebetuk amuk-o. Eke at ap misig indi demat ulug ebetuk elehon ari, e moron hiahneyen yahuk korlag suruk etno ilitoho wereg-o.

Yakobus 5:13

Eke At Allahen hinaren baltuk atlug-o dagma hinombisahuk nowen, hiren ariroho suhuk uruk ahebon etno demat suruk amuk-o, eke ariroho suhuk fug ulug uruk ahebon etno suruk am fug at-o.

Yakobus 5:16

Ari halug, hiren dag suruk ahebon epmano hinomini inil fam bukaltuk amuhupmu, hinebe hinindi fano amag ulug hit obohen hinomini inake sembahyang uruk amuhup-o, eke at ap misihen demat ulug indimu ebetuk halug, aren sembahyang urukon etno oag weregsoho-at uruk-o.

Yakobus 5:20

Eke hiren ap dahan fahan sil nurukon etno onggalem mot amag ulug indi werehap suruk hisalug, ap etno ebe ili oko aren yi dag di dag surukon epmano sohorep isalug, obam apelegsoho apma umbuhu-o. Eke ari halug, hit obog alem ari fam hinindi fikfag ebetuk amiek-o.