Yakobus 5:13 - Allah Wene Hurumbik Keron

¹³ Eke At Allahen hinaren baltuk atlug-o dagma hinombisahuk nowen, hiren ariroho suhuk uruk ahebon etno demat suruk amuk-o, eke ariroho suhuk fug ulug uruk ahebon etno suruk am fug at-o.

Yakobus 5:13 ပူးပေါင်းရင်းမြစ်များ

Matius 26:30

it epmano di watuk apareg, Zaitun bunumu lahuog ulug wilip apag.

Lukas 22:44

Indi oag werehepfuruk apagma, indi dag atuk wilil, sembahyang mondog uruk apag. Urukmu, At etno obamen ilisag mep degsoho kweanma amburuk etno hag amburuk apag.

Lukas 23:42

eke At Yesus etno yig ituk wilil, “Nowe Yesus wai, Hat Inowe suon neken waharuk aruhunteg, an nebe hapeleg atlug sohorep nahuk fug-o,” ulug yig epag.

1 Korintus 14:15

Eke ari halug, an keroho sik-o? Ari, anden sembahyang uruk wilil, nahla bukon etno-at uruk aruhuk-o. Eke anden di uruk wilil, nahla bukon etno-at uruk aruhuk-o.

1 Korintus 14:26

Eke ari halug, hiren uruk amon duroho yig hisamin-o, nomini. Hit sembahyang uog ulug wonggalepfulug, at misihen di misig eheg, eke at misihen wene yanggul iseheg, eke at misihen hurumbik wene yig iseheg, eke at misihen inune akelehon fam yig iseheg, eke at misihen ariroho ehek ulug inune akelehon etno mirlaloko yig iseheg suruk wilil, At Allah udaki epmano inindi oag wereg amag ulug yig isaruk amuk-o.

Efesus 5:19

Eke hit hit wilil, mazmur alem inim, enggangga inim eke i-u inim fanoroho uruk amuk-o. Eke hinindimuen Ninowe wa ulug At ake di etno uruk amuk-o.

Ibrani 5:7

Eke At Yesus etno ebe o kweanma iluk wilil, At Allah obam sembahyang kino eheg eke une suon eheg, ioba yareheg suruk wilil, At ili wawon etno obam kino yig epag-o. Yig epag ari, At indi seberoho wilil, obam ebetuk apagma, At une urukon etno Allah esanggo holfag-o.

Yakobus 5:10

Eke ari halug, it nabi ap epmanowen bilin Allah inuk fam wene yig isebahon epmano hinindi eberiek-o. It epmano bilin apheyen dahon inobam embebahon oke, At Ninowe wamon etno aso wilil, inindi oag weregsoho welapag-o.

Wahyu 14:3

Nilanggen yet haruk atikikmu, it epmano At horie uruk ambeg epmano inim, eke it inebe empat iniluk werehon epmano inim, it penatua epmano inim inolohotma minduhuk wilil, di keron misig urusa-o. Di uruson etno it inebe seratus empat puluh empat ribu o kweanmen inili waruson epmano-at di ebe ini­luk wilil urusa-o.

Wahyu 7:10

Seneg wilil, di misig urusa-o, di etno uruk wilil, “At Ninikni Allah etno inim, eke At Wam Domba Udag etno inimen ninili webag-o,” ulug di etno urusa-o.