Yakobus 5:11 - Allah Wene Hurumbik Keron

¹¹ It bilin inindi oag weregsoho welapag ari fam nit kidia it fano welapag ulug uruk ahe-o. Eke misig at Ayub etno hinindi eberiek-o. At ebe indi oag weregsoho welapareg fam, At Allah ninabua nisarukon etnowen fobik yi angge di angge anggolo og epag etno hiniluk-o.

Yakobus 5:11 ပူးပေါင်းရင်းမြစ်များ

Matius 10:22

Eke An ninuk waruk hisalug, it obohen inambit hisahup-o. Inambit hisahubon oke, eke hiren hinindi bugsoho welamuhup halug, fobik hinili og hinabu­hu-o.

Lukas 1:50

Eke it bilin endag atuson inim, eke it fobik endag amuhubon inim At obam inindi ebetuk isalug, inabua isaruk-o.

Lukas 11:10

Eke ari hag, it aphe obog sembahyang kino uruk isalug, og isahu-o. Heaharuk isalug, heag isahu-o. Sok kik haruk isalug, hut isahu-o.

Lukas 6:36

Eke At Allahen it inindi elehon inim, it dag surukon inim-at inabua isaruk etno hit hiniluk-o. Ari halug, At Hiniknien inabua isaruk etno hag, hiren ariroho-at inabua isaruk amiek-o,” ulug At Yesusen yig isebag.

Roma 2:4

Eke At Allah etno ninabua nisaruk wereg heheg, at une sebeluk ulug uruk ahen ano? Eke nit dag suruk aheon epmano ninobam ninapelegsoho apma ninombisahalug, ninindi wereg amag ulug ninabuen yig nisarukon epmano hapelegma uruk ahen ano?

Efesus 1:6

Eke At Allahen ninabua nisaruk wilil, At Amloho indi hunduhukon etno onggo eleg yuhun-at og nisebareg fam, At Allah wa ulug uruk wilil, inuk suontepfuruk amuk-o.

Efesus 2:4

Ariroho suruk nisalug, At Allah asine ninobam umburuk heheg welatukuk-o.

Ibrani 10:39

Eke nit hag, ninambit ulug ninolohore wilip atuk ahe fug etno fam, fobik o dagma luog ulug welahe fug-o. Nit ninindi demat ulug ebetuk ahe ari fam, fobik Aren ninili wahu-o, ulug ebag.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

Ibrani 3:6

Ariroho yig isebahon oke, At Kristus etno hag Allah Amloho atma, At ibam unde wilil fanoroho aso wereg-o. Eke nit ninindi oag weregsoho wilil, Aren fanoroho suhu-o, ulug ninindi ebetuk aheon etno hag, At ibam neken welahe-o.

Yakobus 1:12

Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.

Yakobus 1:2

Nomini, hit dahon hinobam umburuk isalug, hinahientoho welamuk-o.

1 Petrus 1:13

Ari halug, hit hinindi yaharoho wilil, fobik At Yesus Kristus waruhureg, fanowon etno og nisahu, ulug hinindi ebetuk amiek-o.

1 Petrus 3:14

Eke fano suruk hisalug, it ninen dahon hinobam umburukmu, fanowon-at og hisahu-o. It aphe hinakol eleg wilil, hinindi seneni ebebuk fug-o.

2 Petrus 2:9

Eke bilin at Lot ili webag etno hag, fobik At Allahen it aphe inobabut fanowon epmano o fanoma imbiseheg, it dag surukon o dagma imbiseheg suhu-o. Eke it Allah wene ninambit-o, ulug urukon epmano inim, it kweanmen surukon etno inim obog-at dagma imbisiog ulug wereg-o.