Yakobus 4:12 - Allah Wene Hurumbik Keron

¹² Ariroho wilil, At Allahen-at o dagma imbiseheg, eke o fanoma imbiseheg suruk-o. Eke hit hat hinomini inobam denggeltuk ahep du, an suon ulug, hinahla buruk wilil suruk ahep ano?

Yakobus 4:12 ပူးပေါင်းရင်းမြစ်များ

Matius 10:28

It apheyen inebe war inaptuk oke, inahut war inaptuk elehon etno hinakol isa fug-o. Eke At Allahen inebe inim inahut inim o dagma imbisahuon etno hag hinakol haruk amiek-o.

Lukas 12:5

Hit hinakol hawon etno yanggul hisamin-o. Ari At Allahen aphe inebe warep isalug fobik o hondok olokma imbisahuon etno hag hinakoltoho welamuk-o. At etno-at hinakoltoho welamag ulug An demat yig hisaruk ahi-o.

Roma 14:13

Eke ari halug, nit nit oag del del suruk am ari sohorep isuk-o, sohorep isalug misig du hag suk ulug hinahla buruk amuk-o, eke it hinomini epmano bule amburuk neken dag suk nowen ulug yi angge di angge epmano dahan fahan suruk am fug-o.

Roma 14:4

Eke hat misihen ap misig anggimbu oag deloko umbuk ari hai-o. At ap anggimbu ikni etnowen-at fano suruk ano, dag suruk ano ulug aren baltuk atlug, oag deloko umbuk ari fano. Eke At Allahen fanoroho imbisawon oag wereg etno fam fanoroho-at imbisahu-o.

Roma 2:1

Nomin-o, haren it ap nin inaren baltuk wilil, uruk ahen ano? Eke haren it duroho suruk ulug inaren baltuk wilil, ilitoho suruk ahen du hili huliog ulug suruk ahen ano? Eke hat misig honggareg hobam-at denggelsaruk ahen-o.

Roma 9:20

nomin, hat At Allah wene onggo yig ituk ahen du, hat hebe kerohon welahen-o? Eke sohorluk kwean kabohon etnowen at ap sohorluk haloko umburukon etno yig ituk wilil, “An duroho welahi du hat keroho ulug seko nombaharikin-o?” ulug hinog wao ari mondog hai-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

Yakobus 5:9

Eke hit hinebe epmano At Allahen oag deloko o dagma hinombisahuk nowen, winimug abeheg eleg-at welamiek-o. Fobik ninaren baluhuon etno horog fanggog ik wariog ulug suruk-o, nomini.