Yakobus 4:11 - Allah Wene Hurumbik Keron

¹¹ Nomini-o, hat misihen homin misig obam denggeleheg, eke hat misig homin misig obam denggeleheg ari suruk am fug-o. Eke homin misig hinune dahon obam umburuk wilil, obam denggeltuk hisalug, wene duroho suruk amuk eke duroho suruk am fug ulug ebahon wene etno inim-at obam denggeltuk ahep-o. Eke wene duroho suruk amuk eke duroho suruk am fug ulug ebahon wene etno obam denggeltuk wilil, wene ebahon etno hinesanggo holuk sohorep isalug, hinapma umburuk ahep oke, eke komo yig nisaruk wilil, ninaren baltukon ari At Allah-at wereg-o.

Yakobus 4:11 ပူးပေါင်းရင်းမြစ်များ

Lukas 6:37

At Yesusen yig isaruk wilil, “At Allahen hinabug baluk nowen eke hiren aphe inabug baluk fug-o. Eke At Allahen oag del hinabuk nowen, hiren aphe oag del inabuk fug-o. Eke At Allahen hit dag sirikibon epmano hinobam hinapalegsoho apma hinombisahukag ulug, eke hiren it nin dag surukon epmano inobam inapelegsoho hinapma imbisaruk amiek-o.

Roma 2:1

Nomin-o, haren it ap nin inaren baltuk wilil, uruk ahen ano? Eke haren it duroho suruk ulug inaren baltuk wilil, ilitoho suruk ahen du hili huliog ulug suruk ahen ano? Eke hat misig honggareg hobam-at denggelsaruk ahen-o.

Roma 2:13

Eke wene duroho suruk amuk eke duroho suruk am fug ulug ebahon etno inesanggo holtuk isalug-at, ari fam At Allahen alem dahon inobam werehon epmano elehepfuhu fug-o; wene duroho suruk amuk eke duroho suruk am fug ulug ebahon etno ilitoho suruk isalug hag, At Allahen alem dahon inobam werehon epmano elehepfuhu-o.

Roma 7:7

Eke ari halug, keroho uk-o? Wene duroho suruk amuk eke duroho suruk am fug ulug ebahon etno dag-o ulug ariroho uk ari fano buruk ahep ano? Ari eleg-o. Eke wene duroho suruk amuk eke duroho suruk am fug ulug ebahon etno fam du dag suruk ulug niluk atisi-o. Eke wene duroho suruk amuk eke duroho suruk am fug ulug ebahon etno fam ap inaharek hulik ulug hinahla buk fug-o, ulug yig etlep fugmen, anden ap inaharek hulik ulug nahla bukon etno ari alem dahon at-o, ulug nahla bele fug-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 12:20

Eke fobik hinambeg waruhukseg, hit an nune hinesanggo holtuk ahep fuhon etno nilanggen hisahuk ari an nambit-o. Eke hiren at Paulus obabut ninambit haruk aheon etno-at waha ulug hiren ariroho yig num ari an nambit-o. Eke hit winimug abeheg, eke hinindi hinasine aheg, eke hinune fanggogsoho eheg, eke an-at suon aruhuken ulug eheg, eke aphe inobam denggeleheg, eke aik dahog eheg, eke hinonggarehen suontepateheg, eke narlog harlog seheg, hiren ariroho surukmu an nilanggen hisaruk ari nambit-o.

Efesus 4:31

Eke hinune olokon inim, eke hinasine atukon inim, eke winimug urukon etno inim, eke hinune fanggogsoho urukon inim, eke aphe inobam denggeltukon etno inim, eke winimug aptukon etno inim obog-at sohorep isimuk-o.

1 Timotius 3:11

Eke it inuhwesi ari inobabut fanowon halug, eke inune inenggal uruk elehon halug, eke inindi seberoho werehon halug, eke yi seheg di seheg ininggik ineroho sil nurukon halug, arion-at welamag-o.

2 Timotius 3:3

eke aphe inim hundutuk elehon etno inim, eke aphe inabua haruk elehon etno inim, eke inabug baltukon etno inim, eke yuhun-at sil nurukon etno inim, eke inasine atukon etno inim, eke it ninen fano surukmu nambit ulug urukon etno inim,

Titus 2:3

Eke it hweap inanggohon ari ari­roho-at it Allah wene warukon ilitoho wilil inakol weregsoho welamag ulug yig isaruk amin-o. It hweap inune mirlog urukon etno inim, eke ambusu nenek surukon donggogsoho narukon etno inim, hweap arion welam hai-o. Eke ariroho suk fano ulug yanggul isarukon et­no-at welamag-o.

Yakobus 1:16

Nomini, hit fikfag hinindi ebetuk amiek-o.

Yakobus 1:19

Nomini nindi hunduhukon wai. Hit kidia an yig hisaminon etno hinindimu fikfag ebetuk amiek-o. Ari ninesanggo holtukon etno hag, dulum neken ninesanggo holtuk amuk-o. Eke ninune uruk aheon inim, ninasine haruk aheon inim hag orog-at uruk amuk-o.

Yakobus 1:25

Eke wukahi fam ninahut wenaharuk ahe etno hag, wene duroho suruk amuk eke duroho suruk am fug ulug ebahon etno fam, hinindi werehap hisaharukon etno-at wenag haruk wilil, ilitoho suruk amiek-o. Eke wene etno nintul nantul hinesanggo holtug oke, eberoko weheg eleg-at hinapeleg atuk ari hai-o. Wene duroho suruk amuk eke duroho suruk am fug ulug ebahon etno ilitoho suruk nisalug, At Allah ahien ninobam umbuhu-o.

Yakobus 2:8

Ari halug, At Allah weregmen wene duroho suruk amuk eke duroho suruk am fug ulug ebahon etno-at suruk amiek-o. Eke bilin komo yig nisaruk wilil, “Hinonggareg hinindi fano saruk ahep etno hag, it aphe obog inindi fano inabiuk-o,” ulug yig nisarukon oke,

Yakobus 5:10

Eke ari halug, it nabi ap epmanowen bilin Allah inuk fam wene yig isebahon epmano hinindi eberiek-o. It epmano bilin apheyen dahon inobam embebahon oke, At Ninowe wamon etno aso wilil, inindi oag weregsoho welapag-o.

Yakobus 5:7

Ari halug, nomini-o, At Ninowe wamon etno aso welamiek-o. Eke at ap misig eyabukmu aharom yahapatalug, osit nenggeg, mo waheg suruk wilil, wirik amag ulug aso wereg etno hag,

Yakobus 5:9

Eke hit hinebe epmano At Allahen oag deloko o dagma hinombisahuk nowen, winimug abeheg eleg-at welamiek-o. Fobik ninaren baluhuon etno horog fanggog ik wariog ulug suruk-o, nomini.

1 Petrus 2:1

Eke ari halug, it apheyen yi dag di dag surukon epmano seberoho sohorep isiek-o. Eke hinenggal urukon inim, nambit hambit urukon etno inim, aphe inobam denggeltukon epmano inim obog-at sohorep isiek-o.