Yakobus 4:1 - Allah Wene Hurumbik Keron

¹ Hit hinindi fam winimug aptuk ahep etno, alem kemen waharuk buruk ahep-o? Ari alem hinindimuen nindi nindi uruk ahep ari famen winimug uruk ahep-o.

Yakobus 4:1 ပူးပေါင်းရင်းမြစ်များ

Matius 15:19

It apheyen dag suog ulug inindimuen ebetuk-o. Inindimuen ebetuk atlug, ap watukon etno inim, eke ap inuhweon diloko warukon etno inim, eke hweap selemen surukon etno inim, eke inalomnangge heraharukon etno inim, eke inenggal-at urukon etno inim, eke inune dahon inobam denggeltukon etno inim,

Yohanes 8:44

Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

Roma 7:23

alem dahan fahan surukon misig nindimu wereg haruk ahi-o. Eke alem dahan fahan surukon etnowen an nahien haruk ahion etno inim healeg wereg-o. Eke alem dahan fahan surukon etnowen an nebe alem dag surukon nobam werehon etno anggimbu welamag ulug hele waroko nombaharuk-o.

Roma 7:5

Eke bilin ninobabut amukon wilil, yuhun-at surukmu, wene duroho suruk amuk eke duroho suruk am fug ulug ebahon etnowen alem du dahon ulug yig nisaruk heheg, ninindien-at yi dag di dag suruk atukukon epmano ebetuk atukukseg fam, waramon etno huluog ulug surukuk-o.

Roma 8:7

Eke ari fam, at misig kweanmen surukon etno-at ahla buruk halug, At Allah inim healeg wereg-o. Ariroho wilil, At Allahen wene duroho suruk amuk eke duroho suruk am fug ulug ebahon etno ilitoho suk hai atuken esanggo holtuk eleg-o.

Galatia 5:17

Eke it inindi dahonen surukon ari, At Roh Kudusen surukon etno inim huliroho wereg-o, eke At Roh Kudusen surukon etno it inindi dahonen surukon epmano inim huliroho wereg-o; it alem biren ariroho suruk wilil, healeg neken wereg etno fam, hiren du suk ulug hinahla buruk ahebon epmano ilitoho suruk ahep fug-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,

2 Timotius 2:23

Eke it nin inapeleg wilil, urunanggeroho yi angge di angge farim uruk atlug fobik winimug aptuk etno hag, hat ariroho uk fug-o.

Titus 3:3

Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.

Titus 3:9

Eke yi angge di angge farim urunanggeroho winimug aptukon etno inim, eke ninetamuki ininuk du-o ulug wene yaron urukon etno inim, eke wene duroho suruk amuk eke duroho suruk am fug ulug ebahon etno farim yuhun-at winimug aptukon etno inim, ariroho urukon etno ebe mondog eleg halug sohorep isin-o.

Yakobus 1:14

Eke it ap etno inonggareg inobabut surukon epmano fam inindi kahal saruk-o.

Yakobus 4:3

Eke At Allahen og nisawag ulug sembahyang uruk wilil oke, an suon-at welaruhuken og nemag ulug uruk ahep ari famen yi angge di angge holawon epmano hai atuk-o.

1 Petrus 1:14

Eke Allah wene-at holtuk wilil, amuk hinapelegma yi angge di angge suruk atikibon epmano seberoho sohorep isalug, fanoroho welamiek-o.

1 Petrus 2:11

Nomini-o, hit o kweanma huso neken welahep ulug yig hisihi-o. Kweanmen surukon epmano hinindimu kuk nowen ulug yaharoho welamiek-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

2 Petrus 3:3

Eke misig du hit hiniluk amag ulug yig hisaruk ahi-o. Fobik it ap inindien bulug inenggal urukon etno yig hisa wamuhup-o. Yig hisa wamuhupseg, hinahunda yabuog ulug yig hisaruk wilil,