Yakobus 3:17 - Allah Wene Hurumbik Keron

¹⁷ Ariroho surukmu, boholmen inindi iniluk amag ulug og isarukon ari fam, fano wene etno eheg, aphe inim dambuksoho welaheg, eke inune fanowon-at yig iseheg, eke nabua habua seheg, eke yi angge di angge fanoroho seheg, eke nambit hambit ukon etno sohorep iseheg suruk-o.

Yakobus 3:17 ပူးပေါင်းရင်းမြစ်များ

Matius 23:28

hinahap selema it apheyen ap du fanowon at-o ulug hinabug uruk iseheg, hinindi undama ari, dag suruk ahebon epmano inim, eke hinenggal uruk ahebon epmano inim kelegsoho-at wereg-o,” ulug yig isebag.

Matius 5:8

Eke hit hinindi fanoroho werehon halug, wa. At Allah ebe hinilanggen hahup-o.

Matius 5:9

Eke hit hinindimuen dambul inaptuk ahe­bon halug, wa. At Allahen nudaki ulug hininuk soal hinabuhu-o.

Lukas 21:15

Eke Anden hinindi enggatep hisahalug, yig hisarukmu, it hinim healeg welamuhubon epmanowen wene onggo yig hisao hai atuken, hinenggal uruk ahep ulug yig hisahup fug-o.

Lukas 6:36

Eke At Allahen it inindi elehon inim, it dag surukon inim-at inabua isaruk etno hit hiniluk-o. Ari halug, At Hiniknien inabua isaruk etno hag, hiren ariroho-at inabua isaruk amiek-o,” ulug At Yesusen yig isebag.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:47

Yig ituk apagma, At Yesusen Natanael etno At ambeg waharukmu ilanggen haruk apareg, At awene etno uruk wilil, “At Israel ap misig enggal eheg eleg demat urukon etno du hinilanggen himiek-o,” ulug yig isebag.

Kisah Para Rasul 11:24

Eke at Barnabas etno obabut fano mondog weregma, Roh Kudus indimu kurukmu, wene fanowon etno obam ebereg mondog welapag. Weregma, eke it aphe obog epmano Yesus wene eberoko webag.

Kisah Para Rasul 9:36

Waruk apareg weregma, eke fobik o Yope epma at hwe Tabita eke it Yunani inune fam Dorkas, ari Wam rusa etno inuk fene soalfahon etnowen yi angge di angge obog fano seheg, inaharek elehon sumbut iseheg, suruk apareg, fobik uk hundoko warapag.

Roma 12:18

Eke hit yi aphe di aphe obohen du suk fano ulug urukon etno-at suruk amuk-o. Eke hinobabut fano wilil, it yi aphe di aphe obog-at hinim dambuksoho welamag ulug suruk amuk-o.

Roma 12:9

Ariroho suruk wilil, hinomini hinim hinindi hunduhuk welahebon epmano nomin ulug hinuneyen hinenggal-at uruk am fug-o. Eke dag surukon epmano hinambit haruk wilil, fano suruk amon etno mutlug laruk amuk-o.

Roma 15:14

Nomini-o, hit hag hinobabut fano mondog welahep ari demat ulug nahla buruk ahi-o. Eke hit yi angge di angge obog alem hiniluk wilil, hit hit hinesanggo war war uruk amon etno demat hiniluk welahep ulug nahla buruk ahi-o.

1 Korintus 12:8

Eke it aphe inindi wereg amag ulug wene yig isarukon etno At Roh Kudusen ap misig og ituk-o. Eke it aphe yi angge di angge alem iniluk amag ulug wene yig isarukon etno At Roh Kudusen ap misig og ituk-o.

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 6:6

Eke hweap inim sukon etno sohorep iseheg, eke yi angge di angge alem epmano niniluk welaheg, eke ninobabut fanoroho welaheg, eke ninune fanoroho yig iseheg suruk nisalug, iren du Allah anggimbu at-o ulug inahla bukag ulug ariroho suruk ahe-o.

2 Korintus 7:11

Eke At Allahen hinindi dahap hisaharisireg fam, keroho surukuk ulug hinahla eberiuk-o. Eke fanoroho suruk amon etno inim, eke ninapelehen neken surukuk ulug ukon etno inim, eke hinindi ioba yabukon etno inim, eke hinakoltoho welamon etno inim, eke fanoroho suhuk ulug hinahla bukon etno inim, eke at Paulusen irisi etno ilitoho suruk amuk ulug hinahla buruk wilil suruk amon etno inim, eke dag sirision etno onggo umbukag ulug ukon etno inim, obog-at suruk amuog ulug sirikip ari fam, hiren alem etno eleg amag ulug fanoroho sirikibon etno arat niluk atisi-o.

2 Korintus 9:10

Eke At Allahen at i yatukon etno i angge og ereheg, eke at ebe narukon etno aharom ebe og ereheg suruk-o. Eke hiren i yabukag ulug i angge anggolo og hiseheg, eke hinindien menag isaruk amon etno anggen og hiseheg,

Efesus 5:9

Eke o seleg ari, At Roh Kudus etnowen yi angge di angge fanoroho surukon inim, eke hinobabut motoho surukon etno inim, eke demat wene urukon etno inim obog-at yanggul hisaruk-o.

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.

Filipi 4:8

Eke yi angge di angge fanowon inim, eke ari suk fano ulug urukon etno inim, eke demat urukon etno inim eke fanoroho surukon etno inim eke motoho surukon etno inim eke sabele elehon etno inim eke ninindi hunduhuk welamon etno inim eke it apheyen ari fano ulug suontepfukon etno inim eke yi angge di angge arion-at huluog ulug hinindi ebetuk amuk-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

1 Tesalonika 2:7

Eke At Kristusen mondep nisa waharisireg fam, hiren nininuk suontep nisahukag ulug solowon oke, eke hit hinabua hisaruk wilil-at ninim welatukuk-o. Eke at inisina etnowen udaki ahmu isaruk etno hag ninahmu hisarukuk-o.

1 Timotius 5:21

Eke At Allah Kristus Yesus inimen, it malaikat imig inapahon epmano inim, it obog inil fam nune oag weregsoho yig hituk ahi-o. Eke anden ariroho siuk ulug yig hirihion etno it hominien suruk isalug, yamintaltoho seberebuk fug-o. Eke yi angge di angge epmano hat homini-at og isaruk am fug-o.

2 Timotius 2:24

Eke At Allah anggimbu etnowen winimug abuk ari hai-o. Eke At Allah anggimbu halug, it aphe obog fanoroho inim welaheg, eke wene fanoroho yanggul iseheg suruk amag-o. Eke at ap Allah anggimbu etnowen it inenggal urukon epmano winimug yig isiog ulug suruk halug, une wiogsoho orog-at yig isao fano-o. Une ariroho yig isaruk heheg, At Allahen it ap inenggal urukon epmano inindi werehap inabuhu ano, ulug ahla buruk wilil, orog-at yig isaruk-o.

Titus 1:15

Eke it ap inindi fanowon halug yi angge di angge obog-at nao ari fano at-o. Eke it ninen Allah wene ebetuk eleg wilil, inindi dahon halug, yi angge di angge nawon etno usa ulug uruk-o. Eke it ariroho urukon epmano inahla burukon inim, eke inobabut surukon inim obog-at sabele neken denggelepatalug wereg-o.

Titus 3:2

Eke hinenggal-at ap misig obam denggeluk fug ulug yig iseheg, eke aphe inim inindi hunduhuk welamon etno inim, eke inindi seberoho welamon etno inim eke it yi aphe di aphe obog inim fanoroho welamon etno inim, ariroho sukag ulug yig isaruk amin-o.

Ibrani 12:11

Ariroho ninesanggo war ninaptuk halug niren ninahla buruk wilil, ariroho war ninaptuk ari, ninindi fano amag ulug-at war ninaptuk eleg-o. Eke ninindi dag amag ulug-at war ninaptuk-o, ulug ninahla buruk aheon oke, ninesanggo war ninaptuk etno fam fobik At apma seberoho wilil, fanoroho ninesanggo holtuk nisalug, Aren onggo fanowon ari, ninobabut motoho wilil, ninindi fanoroho welamon etno-at og nisahu-o.

Ibrani 12:14

Eke hit it yi aphe di aphe obog hinim dambuksoho welamuhuben hinobabut fanoroho-at suruk amuk-o. Hinobabut fanoroho suruk amuhup fug halug, At Ninowe etno hinilanggen hahup fug-o.

Yakobus 1:17

Eke yi angge di angge fanowon og nisaruk epmano boholmen-at og nisaruk-o. At Allah boholma mo, bikalem, soholoal embebahon etnowen-at og nisaruk-o. Eke At Allah etno itog mondog wereg-o. At olohore nomog uruk wilil, o hik og nisaruk eleg-o.

Yakobus 1:5

Eke at misig indi fanoroho ebetuk elehon hinim wereg hisalug, At Allah obam sembahyang uruk wilil, “Nindi fanoroho ebebukon etno-at og nimin-o,” ulug sembahyang urukmu, At Allah yi angge di angge anggolo og nisarukon etnowen og hiruhu-o.

Yakobus 2:13

Eke ap misihen aphe inabua isaruk elehon halug, At Allahen abua hahu fug-o. Eke inabua isarukon halug, At Allahen abua hahu-o.

Yakobus 2:4

It aphe inebe obog ilitoho-at heheg, inasum selemon etno farim hiren dag ulug hinahla buruk wilil, heal inabuk fug-o, nomini.

Yakobus 3:15

Eke ariroho surukon ari, alem boholmen waharuk eleg-o; kweanmen-at wereg atuk ari, at setanen suruk epmano hag suruk-o.

Yakobus 4:8

Eke hit hinebe At Allah hinim welamuog ulug ambeg horogsoho laruk amiek-o. Hit dag suruk ahebon halug, hininggik sabele ho simiek-o. Eke hit hinune hinenggal-at uruk ahebon halug, sohorep isaruk amiek-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Petrus 2:1

Eke ari halug, it apheyen yi dag di dag surukon epmano seberoho sohorep isiek-o. Eke hinenggal urukon inim, nambit hambit urukon etno inim, aphe inobam denggeltukon epmano inim obog-at sohorep isiek-o.

1 Petrus 2:18

Hit aphe ineyabuk suruk wilil, inanggimbu welahebon ari, hiniknisi inune holtuk wilil, nikni-o, ulug hinahien haruk amiek-o. It hiniknisi ari it nin inobabut fanowon, it nin inobabut dahon wereg oke, obog-at inune holtuk amuhup-o.

1 Yohanes 3:18

Nudaki-o, niren ninomini ninim hunduhuk welahe-o ulug we ninuneyen-at uk ari hai-o. Ninuneyen uruk atlug, nininggiken yalmag isa ari fano.

1 Yohanes 3:3

Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.