Yakobus 3:14 - Allah Wene Hurumbik Keron

¹⁴ Eke hit hinuneyen nambit hambit eheg, eke hinindi famen hinasine heheg, eke yi angge di angge an-at hulik ulug hinahla beheg suruk wilil, an-at suon ulug, fano wene etno sohorep isalug hinenggal wene etno uruk am fug-o.

Yakobus 3:14 ပူးပေါင်းရင်းမြစ်များ

Matius 27:18

Ariroho yig isebag ari, iren At Yesus obam inasine haruk apareg, wabukag ulug senoko og itukmu enggag isaruk apareg ariroho yig isebag.

Yohanes 16:2

Eke hit hinebe epmano fobik o Allah wene uruk ambeg epmanowen muko wilip hisahup-o. Eke hit hinebe warep hisaharuk amuhupseg, niren war inabehe ari, Allah yabuk-at sehe-o, ulug inahla buruk amuhup-o.

Kisah Para Rasul 13:45

Wonggalik waharuk apagma, it Yahudi aben inilanggen isaruk apareg, inambit isaruk wilil, at Paulusen ebahon etno, “Enggal ehek-o,” ulug yig isaruk apareg, at Paulus etno enggali wapag.

Kisah Para Rasul 26:9

Eke an nebe bilin At Yesus Nazareton etno inuk eleg amag ulug o Yerusalem etno sil nuruk atikik-o.

Kisah Para Rasul 5:17

Eke fobik at imam ap suon etno inim, it omini Saduki ap epmano inimen it ap mondep isebahon epmano inambit isaruk apareg,

Kisah Para Rasul 7:9

Eke fobik it ninetamuki epmanowen at Yusuf inambit haruk apareg, it Mesir ap inanggimbu welamag ulug at ebe onggo baloko lahapfebag.

Roma 1:29

Ariroho imbisaruk apagma, dahon inindi kahaltukon etno wilil, yi dag di dag sukon epmano ebereheg, eke inobabut dahon-at welaheg, eke inahlahiroho seheg, eke inindi famen uwa eheg, eke ap wareheg, eke yikangge abeheg, eke inenggal wene eheg, eke inambolma dahaleheg, ariroho suruk-o.

Roma 13:13

Ariroho o ilingge wilil, motoho-at suruk amuk-o. Eke inahum heheg narukon epmano inim, eke ik nenek surukon donggogsoho narukon epmano inim, eke hwe ap uhweon wanggik surukon etno inim, eke winimug isarukon epmano inim, eke inasineyen surukon epmano inim, obog-at ariroho suruk am fug-o.

Roma 2:17

Eke hat hag, an Yahudi ap welahi ulug uruk ahen du, wene duroho suruk amuk eke duroho suruk am fug ulug ebahon etno hiluk wilil, At Allah Ninikni-at wereg ulug suontepfuruk ahen-o.

Roma 2:8

eke it aphe nin epmano inindimuen suontepataruk wilil, wene demat urukon etno sohorep isalug, dag wene etno, inindi ebetukon ari, At Allah asineyen onggo dag seko imbisahu-o.

1 Korintus 13:4

At misihen aphe inim indi hunduhuk wereg an indimu asine eleg wilil suruk-o. Eke indi sebereg wilil inim fano wereg-o. Eke inim indi hunduhuk wilil, aren uwa uruk eleg-o. Eke ebe suontepataruk eleg-o. Eke aren we yuhun-at suruk eleg-o.

1 Korintus 3:3

Eke kidia ariroho-at hinindi kweanmon epmano hunduhuk wilil, arikon epmano nao hai-at welahep-o. Eke it ap hinahla werehon epmen inindi inasine aheg, eke nambit hambit eheg, suruk isalug, hinebe kweanmon epmano hinindi hunduhuk eleg welahe buruk ahep ano? Eke aphe kweanmon epmano inobabut ilitoho suruk ahe fug ulug hinahla buruk ahep?

1 Korintus 5:2

Eke hit ariroho suruk ahebon oke, hiren nit fano ulug uruk ahep ari, keroho ulug uruk ahep-o? Eke hinahien sukon etno sohorep isalug at ap ariroho surukon etna hinanggelegmen lisoko wilipfuog ulug ioba yatlepmen fano.

1 Korintus 5:6

Eke hiren an suon hat suon uruk atikip etno famen fano sirikip fug-o. Eke roti su amag ulug dorat deloko belapfurukon etno fam obog-at su atuk etno hit hinapeleg neken welatikip ano?

2 Korintus 12:20

Eke fobik hinambeg waruhukseg, hit an nune hinesanggo holtuk ahep fuhon etno nilanggen hisahuk ari an nambit-o. Eke hiren at Paulus obabut ninambit haruk aheon etno-at waha ulug hiren ariroho yig num ari an nambit-o. Eke hit winimug abeheg, eke hinindi hinasine aheg, eke hinune fanggogsoho eheg, eke an-at suon aruhuken ulug eheg, eke aphe inobam denggeleheg, eke aik dahog eheg, eke hinonggarehen suontepateheg, eke narlog harlog seheg, hiren ariroho surukmu an nilanggen hisaruk ari nambit-o.

Galatia 5:15

Eke wam elien it it aptuk etno hag, hit nambit hambit uruk wilil, hit hit healtuk ahep ari, ninonggarehen watehe ha nowen ulug hinahla buruk wilil, yaharoho welamag ulug yig hisihi-o.

Galatia 5:21

eke aphe inambit hun inaptukon etno inim, eke ap watukon etno inim, eke it e anggur ambusu donggogsoho narukmu nenek surukon etno inim, eke inahum fituk heheg narukon etno inim, yi angge di angge arion obog-at suruk am fug ulug yig hisarikikon etno fobik inim-at dahagsoho yig hisamin-o. Eke it aphe obog ariroho surukon epmano fobik At Allah weregma kuhup fug-o.

Galatia 5:26

Eke an suon aruhuken ulug sil nurukon etno inim, eke nambit hambit urukon etno inim, eke ap du suon wereg du nindi-e, an ariroho suon welatle, ulug inahla burukon etno inim, obog-at sohorep isaruk amuk-o.

Galatia 6:13

Eke it epmano iniyunggul ambilik bal sarukon oke, wene duroho suruk amuk eke duroho suruk am fug ulug ebahon etno ilitoho suruk eleg-o. Eke iren nit nininuk suontep nisahukag ulug inahla buruk wilil, hiren hiniyunggul ambilik bal simiek ulug yig hisaruk-o.

Filipi 1:15

Eke at misihen an suon welaruhuken ulug winimug abeheg suruk wilil, At Kristus awene yig isil laruk oke, it ninen inobabut fano wilil yig isaruk-o.

Filipi 2:3

Eke hiren uruk wilil, an nebe suon-at welaruhuk-o, ulug hinonggarehen suontepataruk wilil, suruk am fug-o. Eke nomini du fano wereg heheg, an dag welahi-o ulug it hinomini inil fam seberepataruk amiek-o.

1 Timotius 2:4

it aphe obohen wene du demat-o, ulug inili holawag ulug yig isaruk-o.

1 Timotius 6:4

Eke at ap onggarehen suontepatarukon ari, indimuen yi wene di wene farim winimug iog ulug suruk-o. Ariroho suruk heheg, it apheyen nambit hambit eheg, eke hat dag ulug inobam denggeleheg, eke winimug abeheg surukon ari, it ap inindi ebetuk elehon etno alem neken wereg-o.

Titus 3:3

Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.

Yakobus 1:18

Eke nit ninebe epmano At udaki manggia neken welamag ulug, Aren ahla bulug yi wene di wene demat surukon epmano yig nisaruk wilil, endag ninaptuk-o.

Yakobus 3:16

Eke it apheyen nambit hambit eheg, yi angge di angge an-at hulik ulug inahla beheg, suruk ambeg epmanowen it aphe obog healeg wilil, yi dag di dag suruk-o.

Yakobus 5:19

Ari halug, nomini-o, ap hit hinomin misihen fano surukon wene etno sohorep isalug dahan fahan sil laruk halug, hiren at etno indi werehap suk ari, fano-o.